Свет
Семејствата на Американците заробени во Украина: „Не сме се слушнале со нив со денови, исчезнаа“

Семејствата на двајцата поранешни војници од Алабама кои се бореле во Украина велат дека со денови немаат слушнато за нив.
Александар Друек (39) и Енди Хујн (27) биле заробени за време на жестока битка во близина на Харков минатата недела, велат нивните соборци. Друке и Хујн служеле како доброволци во редовната единица на украинската армија.
Американскиот пратеник Роберт Адерхолт изјави дека Хујн доброволно се пријавил да се бори во Украина и дека неговото семејство нема информации за него од 8 јуни, кога тој бил во регионот Харков, во близина на руската граница. Хујн и Друке наводно биле заедно во тоа време.
Адвокатката Тери Севел рече дека мајката на Друке стапила во контакт со нејзината канцеларија претходно оваа недела, откако изгубила контакт со нејзиниот син, пишува „Гардијан“.
Американските власти соопштија дека ги истражуваат извештаите дека сепаратистичките сили во Украина заробиле најмалку двајца американски државјани. Ако тоа се покаже дека е вистина, тоа ќе бидат првите Американци заробени од Русите од почетокот на инвазијата на 24 февруари.
Џон Кирби, портпарол на Белата куќа за национална безбедност, денеска изјави дека засега не може да ги потврди извештаите за исчезнати Американци. Тој повтори дека не е безбедно за американските граѓани да одат во Украина.
„Украина не е безбедно место за Американците. Ако сакате да ја поддржите Украина, има многу други начини да го направите тоа, кои се побезбедни и подеднакво ефективни“, рече Кирби.
Фаќањето на двајца Американци во Украина, пишува „Телеграф“, ќе биде дипломатски чувствително бидејќи Кремљ би можел да се обиде да го искористи настанот како доказ дека Америка е директно вклучена во војната. Владимир Путин, рускиот претседател, најверојатно ќе бара големи отстапки за нивно ослободување.
Еден соборец на двајцата заробени Американци, кој разговараше за „Телеграф“ под услов да остане анонимен, рече дека тие биле заробени откако налетале на голема руска единица минатиот четврток.
„Бевме на мисија и целата работа одеднаш стана целосно луда. Имавме неточни информации. Ни кажаа дека градот е чист, а се покажа дека Русите веќе го напаѓаат“, рече тој.
„Тие дојдоа по пат со два тенкови Т-72 и повеќе оклопни возила и околу 100 војници. Се што имавме таму беше нашата единица од околу 10 луѓе“, додаде тој.
„Зазедовме одбранбена позиција, а Друке и Хујнх истрелаа ракета кон руското возило и го уништија. Ова, за жал, го привлече вниманието на еден од руските тенкови, кој испука истрел во нивна насока“, изјави соборецот на заробените Американци.
Набргу потоа, тенкот бил онеспособен од противтенковска мина оставена од украинските борци на патот. Но, двајцата Американци потоа исчезнале и се верува дека биле заробени од руски војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Украински парламент: Русите ни украдоа 500 илјади тони жито

Украинскиот парламент ги обвини Русите дека украле повеќе од 500.000 тони жито од двата окупирани региони.
Украинскиот парламент соопшти дека резервите биле земени од важниот пристанишен град на Црното Море, Керсон и југоисточниот град Запорожје.
🛑🌾 russia stole more than 500.000 tons of Ukrainian grain from the temporarily occupied #Kherson and #Zaporizhzhia regions.
The 🇷🇺 "second" army of the world turned out to be orcs, liars, looters, rapists and thieves.#StopPutinNOW #StopRussia#WarCrimes pic.twitter.com/Z8ScDnDRVp
— Verkhovna Rada of Ukraine – Ukrainian Parliament (@ua_parliament) June 26, 2022
„ Излегува дека втората војска во светот се лажговци, разбојници, силувачи и крадци“, напиша парламентот на Украина на Твитер.
Регион
Спречен собир на Парадата на гордоста во Истанбул, приведени десетици луѓе

Турската полиција спречи стотици луѓе да се соберат на годишната Парада на гордоста во Истанбул и уапси десетици откако локалните власти ја забранија парадата и оваа година. Илјадници луѓе некогаш учествуваа на парадите долж улицата Истиклал во Истанбул, но во последниве години владата предводена од претседателот Тајип Ердоган и неговата АК Партија од исламистички корени го заостри својот став за слободата на ЛГБТК + луѓето.
Хомосексуалноста не е кривично дело во Турција, но има сè поголема одбивност кон неа, додека полициското сузбивање на поворките станува се пожестоко секоја година. Полицијата со опрема за немири упадна на собирот, отстранувајќи стотици демонстранти со камиони. Јавниот превоз во областа исто така е суспендиран.
Локалните власти во областа Бејоглу ги забранија сите настани за време на Неделата на гордоста, помеѓу 20 и 26 јуни, со образложение дека чувствителноста на општеството може да доведе до немири.
Свет
Захарова: Го делат светот на оние кои имаат и на оние кои треба да ги искористуваат

Западните земји се уште имаат колонијален однос кон светот, изјави денеска портпаролката на руското Министерство за надворешни работи, Марија Захарова.
Во интервју за телевизијата „Русија-1“, Захарова изјави дека сите европски земји имаат едно нешто заедничко, а тоа е нивното империјалистичко размислување во контекст на нивното колонијално минато, пренесе ТАС С.
„ Тие го делат светот на исклучителни, оние кои можат да направат сè и имаат што сакаат и сите други кои треба да бидат експлоатирани“, рече таа, додавајќи дека западните земји „се обидуваат да го користат дури и она што не им припаѓа“. Според неа, тие дури и сакаат да бидат платени за тоа.
„ Тоа сега се случува на енергетскиот пазар“, посочи таа.