Грчкиот премиер Кирјакос Мицотакис порача дека земјите членки на ЕУ не одговориле на барањето да преземат 3.000 малолетни мигранти без придружба, кои моментално живеат во прифатни центри и други објекти во Грција.

Тој во Парламентот рече дека немало одговор на барањето на неговата Влада, додавајќи дека земјите партнери „не биле чесни во овој случај“.

Мицотакис го претстави планот на неговата конзервативна Влада за надградба на системот за давање азил и прием на мигранти во Грција, со кој се предвидува околу 20.000 мигранти до крајот на годината да бидат префрлени од грчките острови на копно, и формирање центри за притвор за да се забрза нивната депортација назад во Турција

Американскиот претседател, Доналд Трамп, ја критикува амбасадорката Мари Јованович, која сведочеше во истрагата за импичмент на претседателот тврдејќи дека таа одбила да ја закачи неговата фотографија на ѕидот во американската амбасада во Украина.

Трамп ова го изјавил за утринската емисија на „Фокс њуз“, притоа не додавајќи повеќе детали за настанот. Тој ја нарекол „жената“ порачувајќи дека слушнал лоши работи за неа.

„Амбасадорката, за која сите велат дека е прекрасна, не сакаше да ја закачи мојата фотографија во амбасадата“, рече Трамп.

Јованович сведочеше минатата недела за тоа зошто била отпуштена поради наводни погрешни тврдења од страна на луѓе со непознати мотиви.

Таа е една од 12-те сведоци кои сведочат изминатите две недели во истрагата за импичмент на Трамп, со која се истражува наводна злоупотреба на службената положба од страна на Трамп.

Апелацискиот суд во Хаг соопшти дека холандската држава не е обврзана активно да го помогнe процесот на враќање на децата на жените што ја напуштиле Холандија и ѝ се приклучиле на Исламската држава во Сирија. Со тоа судот ја поништи претходната пресуда.

Понизок суд претходно месецов одлучи холандската влада да мора активно да помага во враќањето на 56-те деца, кои живеат во лоши услови во кампови во Сирија.