Голема студија направена во Канада нуди докази дека луѓето кои имаат нулта крвна група или се Rh-негативни, имаат помал ризик од заразување со коронавирус, јавува Ројтерс.

Од 225.556 Канаѓани тестирани за вирусот, оние со нулта крвна група имале 13% помал ризик од развој на тежок облик на ковид од оние со други крвни групи, наведува списанието „Anals of Internal Medisin“. Луѓето од која било крвна група, кои се Rh-негативни, исто така биле заштитени, особено ако имале нулта негативна крвна група.

Луѓето со ниско ниво на витамин Д се изложени на поголем ризик да заболат сериозно од Ковид-19, но од друга страна, високото ниво на витамин Д не го решава проблемот.Зголемувањето на нивото на витамин Д кај критично болни пациенти, имено, не го скратило престојот во болница, ниту пак ги намалило шансите да бидат префрлени на интензивна нега, илипак да бидат ставени на респиратор, утврдија лекарите во Бразил.

Научниците од Универзитетот во Пенсилванија и Универзитетот Виланова проучувале 1.409 пациенти кои имале домашна здравствена заштита, а скоро половина од нив биле помлади од 65 години.Кога биле отпуштени од болница, 80 проценти и понатака се жалеле дека остануваат без здив, повеќето пријавиле анксиозност или конфузија, а повеќе од 80 проценти биле во таква состојба што им требала помош при одење, облекување и капење. Но, по околу 32 дена домашна здравствена заштита, на 94 проценти повеќе не им била потребна помош.

Во Грција, коронавирусот е потврден кај уште 1.747 лица, додека 121 пациент починале како резултат на болеста, пренесува агенцијата АНА.

Во моментов има 606 пациенти на апарати за дишење.Меѓу новите случаи, двајца се потврдени на граничните премини.
Од почетокот на пандемијата, во Грција се регистрирани 103.034 случаи на Ковид-19, а досега починале 2.223 лица.

Во Техеран денеска се одржа протест во врска со убиството на истакнатиот ирански научник и експерт за нуклеарно оружје Мохсен Фахризадех, на кој демонстрантите ги запалија знамињата на Израел и САД.

Околу стотина луѓе се собраа пред иранското Министерство за надворешни работи. Тие извикуваа пароли против САД и Израел и бараа одмазда. Беа истакнати транспаренти со написи „Ќе продолжиме со нуклеарната научна патека“, „Контролорите на Меѓународната агенција за атомска енергија (МААЕ) се агенти на Мосад“.