Три сириски деца починаа, а стотици илјади луѓе се изложени на голем ризик поради ниските температури бидејќи силните зимски бури ги погодија Сирија и околните земји.

Лошото време им се закани на илјадници внатрешно раселени сириски семејства, како и на Сиријците што живеат во Либан и Јордан.

Се проценува дека температурите ќе се спуштат до минус 14 Целзиусови степени, што е најниска измерена температура во последните 40 години.

„Невремето оштети повеќе од 360 шатори и погоди повеќе од 2.100 луѓе што живеат во кампови во Сирија“, соопшти канцеларијата на ОН во Турција.

Дете загина во камп во Сирија кога врз него падна шатор покриен со снег. Тие се борат за животот на мајка им.

Безживотните тела на две деца на возраст од 3 и 5 години беа пронајдени во камп северно од Алепо во понеделникот утрото. Медиумите јавуваат дека се запалил шаторот во кој децата се обидувале да се стоплат со греалка.

Во пожарот тешко е повредена мајката на детето и итно е пренесена во болница.

Две деца за малку ќе настрадаа како последица на смрзнување и беа спасени во последен момент од кампот во Булбул.

Ова е уште еден удар за луѓето што веќе подолго време живеат под секое ниво на достоинство.