Во понеделник во Лондон за Украина ќе разговараат претседателот Зеленски, британскиот премиер Кир Стармер, францускиот претседател Емануел Макрон и германскиот канцелар Фридрих Мерц.

Макрон денеска на платформата Икс (X) најави дека тие „ќе ја разгледаат ситуацијата и тековните преговори во рамките на американското посредништво“ за мир во Украина.

„Мора да продолжиме да вршиме притисок врз Русија за да ја принудиме да склучи мир“, напиша Макрон, осудувајќи ги руските напади минатата ноќ врз украинската енергетска и железничка инфраструктура.

Денеска на социјалните мрежи Зеленски напиша дека целта на тие руски напади била да „страдаат милиони Украинци“ и дека ваквите напади „бараат одговор и дополнителен притисок“ врз Москва, објави парискиот весник „Ле Монд“.

Премиерката на Украина, Јулија Свириденко соопшти дека во ноќниот руски напад биле оштетени енергетски објекти во Запорожје, а десет населби останале без струја.

Таа на Телеграм истакна дека одржала итен состанок со министерот за внатрешни работи, вршителот на должноста министер за енергетика и раководствата на државните енергетски компании за обнова по нападите.

Итните служби работат на воспоставување привремено напојување, а активирани се генератори за обезбедување на водоснабдувањето.

Нуклеарната електрана Запорожје повторно доби надворешно напојување по неколкучасовен прекин, откако автоматските системи за заштита исклучиле двата далековода, а резервните дизел генератори одржувале основни операции. Причината за прекинот се уште се истражува.

Свириденко предупреди дека поради обновата ќе има повеќе планирани и вонредни прекини на струја низ целата земја.

Зеленски: Цел на нападите беа енергетските објекти

Претседателот Зеленски изјави дека главни цели на рускиот напад биле енергетските објекти. Масовни удари со дронови и ракети биле извршени во повеќе региони, вклучувајќи Киев, Дњепропетровск, Чернихив, Запорожје, Одеса, Лавов, Волин и Николаев. Во нападите е погодена и зградата на главната железничка станица во Фастив.

Тој истакна дека нападот бил бесмислен од воена гледна точка, а Русите требало тоа да го сфатат. Во нападите биле користени повеќе од 650 дронови и 51 ракета, вклучувајќи аеробалистички и балистички, со број на повредени. Зеленски побара дополнителна меѓународна поддршка и ефективни санкции.

МААЕ: Заштитниот штит на Чернобил повеќе не ја блокира радијацијата

Меѓународната агенција за атомска енергија (МААЕ) соопшти дека безбедносниот штит над нуклеарниот реактор во Чернобил, погоден со дрон во февруари, повеќе не може да ја извршува примарната функција – блокирање на радијацијата.

Инспекцијата на челичната структура, завршена во 2019 година, покажала дека ударот со дрон во февруари го деградирал штитот.

Last night, a Russian attack drone with a high-explosive warhead struck the shelter protecting the world from radiation at the destroyed 4th power unit of the Chornobyl Nuclear Power Plant.

This shelter was built by Ukraine together with other countries of Europe and the world,… pic.twitter.com/mLTGeDYgPT

— Volodymyr Zelenskyy / Володимир Зеленський (@ZelenskyyUa) February 14, 2025

Поправки се извршени, но е потребна целосна реконструкција за долгорочна нуклеарна безбедност.

Украина за нападот ја обвинува Русија, која го демантира учеството.

Според извештајот на ОН од 14 февруари, дрон со високоексплозивна боева глава ја погодил електраната, предизвикал пожар и ја оштетил заштитната обвивка на реакторот број 4.

Британскиот пензионер Дерек Ричи (63) треба да врати 28.640 евра што 11 години ги примал поради административна грешка направена уште во 2014 година. Надлежните служби дури во март му пратиле писмо со извинување и упатство да ги врати парите – одеднаш или на рати.

Ричи побарал објаснување, но не добил одговор. Наместо тоа, по три месеци му се заканиле со тужба ако не почне со отплата.

Тој вели дека сега се соочува со сериозни финансиски проблеми и ќе мора да се врати на работа за да го отплати долгот.

Ричи е само еден од повеќе од 2.000 пензионери погодени од вакви грешки, за кои британските власти сега се обидуваат да повратат милионски суми.

Шемата за пензии неодамна премина во рацете на компанијата „Capita“, која ветува подобрување на системот.