Свет
Советникoт на Трамп: Кинески хакери ги напаѓаат САД пред изборите
Хакери поврзани со кинеската влада ја напаѓаат американската изборна инфраструктура пред претседателските избори закажани наесен, изјави советникот за национална безбедност на Белата куќа, Роберт О’Брајан, предупредувајќи на наводно поактивно кинеско мешање во американските избори.
Изјавата претставува чекор подалеку од изјавата дадена од кабинетот на директорот на Националната разузнавачка заедница (ОДНИ), во која се вели дека Кина ги проширува своите обиди за влијание и дека Русија веќе се обидува да ја поткопа кампањата на демократскиот кандидат Џо Бајден.
Но, ОДНИ директно не го обвини Пекинг дека се обидува да ги хакира системите поврзани со изборите во САД.
„Тие би сакале претседателот да изгуби“, рече О’Брајан за Си-би-ес.
„Кина, како и Русија, како и Иран, се занимава со сајбер-напади и онлајн-кражба на идентитет и такви работи што се однесуваат на нашата изборна инфраструктура, веб-страници и такви работи“, изјави тој.
Кина упорно ги отфрла обвинувањата на американската влада за хакирање американски компании, политичари и владини агенции.
„Претседателските избори во САД се внатрешна работа, ние немаме интерес да се мешаме во тоа“, рече портпаролот на кинеското Министерство за надворешни работи, Генг Шуанг.
О’Брајан вели дека САД откриле оти хакерите се обиделе да се инфилтрираат во веб-страниците што им припаѓаат на канцелариите на државниот секретар во целата земја, кои се одговорни за организирање локални избори и собирање податоци за Американците.
„Тоа е навистина причина за загриженост и не станува збор само за Русија“, рече тој. „Ќе има сериозни последици за секоја земја што се обидува да се меша во нашите слободни и фер избори“, предупреди О’Брајан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Патници заробени на крузери во Дубаи: додека се слушаат експлозии некои танцуваа покрај базен
Илјадници патници останале заробени на крузери на Блискиот Исток поради воената ескалација во регионот, откако САД и Израел извршија напад врз Иран, по што следуваа ирански напади со дронови и ракети, пренесе Си-Ен-Ен.
@cruise_life26 Pemandangan dari kapal Mein Schiff 4 yg berada di ABU DHABI, perang Amerika-Israel vs Iran #kapalpesiar #meinschiff #dubai #perangiranisrael #iran ♬ suara asli – Cruise life
Најмалку шест бродови од неколку компании се погодени од ситуацијата. Крузерите што пловат во Персискиот Залив не можат да поминат низ Ормутскиот теснец, а воздушниот простор во регионот е затворен, што ги отежнува и повратните летови.
@sanddra38 Hey Macarena…MSC Entertainment Team – Fabulous!! #ineedmorelikesonmyvideo #travelqueenno17 #singalong #msceuribia #macarena ♬ original sound – TRAVEL QUEEN NO.17
На бродот MSC Euribia, закотвен во Дубаи, патници изјавиле дека слушнале експлозии и виделе како се пресретнуваат ракети и дронови. И покрај тоа, атмосферата на бродот останала речиси нормална.
@hittamputihh_ #dubai #hopeeverybodysafe #msceuribia #2026 #fyppppppppppppppppppppppp ♬ suara asli – Reres – RereMall
Некои патници продолжиле да се сончаат, да играат и да се забавуваат покрај базенот, додека над нив се пресретнувале дронови. Дури била организирана забава со музика, пијалоци и танцување.
Иако дел од патниците велат дека ситуацијата изгледа надреално, повеќето нагласуваат дека на бродот нема паника. Сепак, многумина се загрижени кога и како ќе се вратат дома, особено поради затворениот воздушен простор и хаосот на аеродромите.
@dzoanalifestyle 😢 Cruise on Mein Schiff 5. It was supposed to be a fun adventure on the ship ⛴️ but something bad happened 😞 I hope it ends soon and we can return safely to Poland… #MeinSchiff #vacation #cruise #FYP ♬ оригинальный звук – kolb
Се верува дека шест крузери моментално се закотвени во пристаништа во Дубаи, Доха и Абу Даби, додека компаниите чекаат нови безбедносни насоки.
Свет
(Видео) Рубио: Нема повредени во иранскиот напад со дрон врз конзулатот во Дубаи
Американскиот државен секретар Марко Рубио изјави дека сите вработени се безбедни по иранскиот напад со дрон врз комплексот на американскиот конзулат во Дубаи.
Според него, дронот погодил паркинг покрај зградата на конзулатот, а голем број вработени го напуштиле објектот пред почетокот на американско-израелската акција против Иран, пренесе Си-Ен-Ен.
Just got a new angle of the Burjuman Dubai US Embassy Explosion pic.twitter.com/0WM65HOGW2
— Deon Menezes (@DeonMen) March 3, 2026
Претставник на Обединетите Арапски Емирати изјавил дека конзулатот бил затворен во моментот на нападот.
Во безбедносно предупредување е наведено дека Амбасадата на САД во Абу Даби и Конзулатот во Дубаи ги откажале сите термини за визи, услуги за американски државјани и нотарски услуги најмалку до 4 март.
На американскиот персонал во Обединетите Арапски Емирати му било наредено да остане на безбедно и да не доаѓа во дипломатските претставништва.
Канцеларијата за медиуми на Дубаи соопшти дека пожарот предизвикан од инцидентот со дронот е изгаснат и дека нема повредени. Видео снимки на Си-Ен-Ен покажуваат густ црн чад кој се издига над зградата на конзулатот.
Свет
Ирак: Соборен дрон кај меѓународниот аеродром во Багдад
Ирачките власти соопштија дека дрон бил соборен во близина на меѓународниот аеродром во Багдад, без жртви или материјална штета, јави Анадолу.
Во соопштение пренесено од Ирачката новинска агенција (ИНА) се наведува дека леталото било пресретнато на надворешниот периметар на аеродромот.
Генерал-потполковник Саад Маан изјавил дека станува збор за мало беспилотно летело и потврдил дека нема човечки или материјални загуби.
Овој развој на настаните доаѓа откако претходно во Ербил, на северот на Ирак, се слушнале експлозии по напад со дрон насочен кон американскиот конзулат и градскиот аеродром, каде биле активирани системите за противвоздушна одбрана. Дроновите биле пресретнати, но нема потврда за нивниот точен број.

