Свет
Сонда со примерок од опасен астероид пристигнува на Земјата
Сондата OSIRIS-Rex на НАСА треба да се врати од своето долго патување во вселената и да ја допре почвата на западната пустина во американската држава Јута в недела.
Сондата носи скапоцен товар – прашина од огромниот астероид Бену, голем колку планина и најопасен за нас во целиот Сончев систем. Овој примерок би можел да одговори на многу важни прашања: Од каде доаѓаме? Како е возможен живот на Земјата?
„Кога астероидот Бену од 250 г ќе стигне до нас, во нашите раце ќе имаме материјал што постоел пред нашата планета, можеби дури и некои зрна што постоеле пред Сончевиот систем“, рече планетарниот научник Данте Лаурета, главниот истражувач на мисијата, како што соопшти Би-би-си.
„Се обидуваме да ја составиме сложувалката на нашите почетоци. Како настанала Земјата и зошто е возможен живот на неа? Од каде доаѓа водата во океаните, од каде воздухот во нашата атмосфера и што е најважно. Кој е изворот на органските молекули што го сочинуваат целиот живот на Земјата?“, тој додаде.
Имено, научниците претпоставуваат дека многу од клучните компоненти за развој на животот пристигнале на Земјата во нејзината рана историја преку удар на астероид. Со цел да се истражи оваа хипотеза, во 2016 година НАСА лансира сонда кон астероид со дијаметар од 500 метри.
Беа потребни две години за леталото да стигне до Бену, а потоа уште две мапирања на површината пред тимот да најде соодветно место за собирање на примерокот. На 20 октомври 2020 година сондата се спушти до астероидот и успеа да ја собере скапоцената прашина. Но, не помина сè како што очекуваа научниците.
Идејата беше сондата со својот дел да удри во површината и да ослободи излив на азотен гас што ќе подигне чакал и прашина. Но, во текот на тој процес дојде еден вид шок. Кога механизмот допрел, површината се одвоила како течност и притисокот создал кратер со дијаметар од 8 метри.
Материјалот се разлетал во сите правци, но за среќа и во комората за собирање примероци. Кога сондата ќе стигне до Земјата, ќе биде транспортирана во вселенскиот центар Џонсон во Тексас, каде што е создадена посебна „чиста просторија“ за анализа на примерокот.
НАСА го смета Бену за најопасната карпа во Сончевиот систем бидејќи има најголема веројатност да удри во Земјата од сите познати астероиди. Но, нема причина за грижа. Иако Бену претставува ризик за нашата планета, веројатноста за удар е многу мала, пишува Science Alert.
Имено, Бену, заедно со астероидот 1950 DA, се вбројува меѓу најопасните познати астероиди. Поради својата патека и орбита околу Сонцето, која трае 1,2 година, во следните неколку века во неколку наврати ќе се доближува до Земјата до тој степен што постои мала можност за судир.
НАСА вели дека постои шанса Бену да помине низ таканаречената гравитациска брава за време на неговото прелетување на 25 септември 2135 година – област во вселената што може да го насочи да се судри со нашата планета на крајот на 22 век.
Иако е тешко да се одреди точната веројатност за ваков катастрофален настан, со помош на податоците собрани од леталото OSIRIS-Rex, експертите успеаја да создадат подобар модел на развојот на орбитата на Бену. Нивната анализа покажува дека има само 0,037 % (1:2700) шанса да удри во Земјата на 24 септември 2182 година.
Бену, веројатно, содржи многу вода врзана во минерали, кои би можеле да сочинуваат дури 10 проценти од неговата тежина. Научниците имаат намера да откријат дали односот на разните видови атоми на водород на овој астероид е сличен на оној во океаните на Земјата.
Веројатно, има многу јаглерод на Бену. Како што знаеме, животот на нашата планета се заснова на органска хемија, па се поставува прашањето дали сложените молекули, како водата, дошле на младата Земја од вселената.
„Анализата на метеоритите покажува дека астероидите, веројатно, содржат зоолошка градина со разни органски молекули. Но, во метеоритите тие често се контаминирани, па со овој примерок можеме да откриеме точно кои органски компоненти се наоѓаат на Бену“, објасни планетарниот научник Сара Расел од Природонаучниот музеј во Лондон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Убиен Ел Менчо, најбараниот нарко-бос во Мексико: избувнаа немири
Немесио Осегера Сервантес, попознат како „Ел Менчо“, најбараниот човек во Мексико и водач на моќниот нарко-картел „Нова генерација Халиско“ (CJNG), е убиен во воена операција, објавија локалните медиуми.
Ел Менчо наводно е убиен за време на операција спроведена во зори во неделата во западно-централната држава Халиско. Прекарот „Менчо“ е деминутив или изведен од неговото име Немесио.
JUST IN: 🇲🇽 CJNG cartel sets buses and buildings on fire in Puerto Vallarta after Mexican Army kills cartel leader El Mencho.
— BRICS News (@BRICSinfo) February 22, 2026
Мексиканското Министерство за одбрана објави дека Ел Менчо починал од здобиените повреди за време на воздушниот транспорт по завршувањето на воената операција, објави новинската агенција Ројтерс.
Картелот CJNG го прошири своето влијание надвор од матичната држава Халиско и денес работи во речиси цело Мексико.
🚨 BREAKING: CJNG cells are torching trucks and throwing up burning roadblocks after Mexico’s military reportedly t**k out “El Mencho.”
This is the cartel playbook: chaos, fear, paralysis and the state has to hold the line.pic.twitter.com/wnrCS75y0h
— Derrick Evans (@DerrickEvans4WV) February 22, 2026
Во текот на неделата, имаше непотврдени извештаи за запалени автомобили и вооружени мажи на улиците на Халиско и други делови од земјата.
Поради новонастанатата ситуација, американскиот Стејт департмент издаде предупредување до американските граѓани во државите Халиско и Тамаулипас и во делови од државите Мичоакан, Гереро и Нуево Леон, советувајќи ги да останат во засолништа.
🇲🇽 Popular tourist city ‘Puerto Vallarta’, Jalisco region in Mexico looks like it’s in a civil war
Violent scenes from Puerto Vallarta, Jalisco region, Mexico, after CJNG launched retaliatory attacks following the elimination of their leader El Mencho. pic.twitter.com/jy54mVafSN
— keep6ixsolid (@keep6ixsolid) February 22, 2026
Соединетите Американски Држави претходно понудија награда од 15 милиони долари за каква било информација што ќе доведе до апсење на Ел Менчо.
Свет
Иран и САД ќе ги продолжат разговорите в четврток
Иран и САД ќе одржат трета рунда разговори во Женева в четврток, изјави министерот за надворешни работи на Оман, поради растечките стравувања од воен конфликт меѓу долгогодишните непријатели.
Претседателот на САД, Доналд Трамп, минатата недела предупреди дека „ќе се случат многу лоши работи“ ако не се постигне договор за решавање на долготрајниот спор околу нуклеарната програма на Иран.
„Со задоволство потврдувам дека американско-иранските разговори треба да се одржат во Женева овој четврток, со позитивна иницијатива за да се направи чекор напред кон постигнување договор“, рече министерот за надворешни работи на Оман, кој посредува во индиректните разговори меѓу Вашингтон и Техеран.
Иранскиот претседател претпазливо оптимист
Иранскиот претседател Масуд Пезешкијан изрази претпазлив оптимизам во објава на Икс, велејќи дека неодамнешните разговори „произвеле охрабрувачки сигнали“, а воедно ја нагласи подготвеноста на Техеран за „секое потенцијално сценарио“.
Iran is committed to peace and stability in the region. Recent negotiations involved the exchange of practical proposals and yielded encouraging signals. However, we continue to closely monitor U.S. actions and have made all necessary preparations for any potential scenario.
— Masoud Pezeshkian (@drpezeshkian) February 22, 2026
Индиректните преговори досега не доведоа до договор, првенствено поради тензиите околу барањата на САД Иран да се откаже од збогатувањето на ураниум на своја територија, што Вашингтон го смета за пат кон нуклеарна бомба. Иран негираше дека развива такво оружје.
САД му се придружија на Израел во насочувањето на нападите врз нуклеарните објекти на Иран минатиот јуни, ефикасно ограничувајќи го збогатувањето на ураниум на Иран, додека Трамп рече дека клучните нуклеарни објекти се „уништени“.
Но, се верува дека Иран сè уште има залихи од претходно збогатен ураниум, од кои Вашингтон сака да се ослободи.
Свет
Кина ја повика Америка да ги укине царините
Кина спроведува „целосна проценка“ на одлуката на Врховниот суд на САД за царините и го повика Вашингтон да ги укине „релевантните еднострани царински мерки“ против своите трговски партнери, соопшти кинеското Министерство за трговија.
Коментарите дојдоа неколку дена откако Врховниот суд му зададе сериозен удар на претседателот Доналд Трамп со укинување на многу од царините што ги користеше во глобалната трговска војна, вклучително и некои против ривалската Кина.
Откако судот ја поништи одлуката на Трамп за царините во петокот, американскиот претседател објави привремени и сеопфатни царини од 10 проценти, кои ги зголеми на 15 проценти еден ден подоцна.
Кинеско министерство: Царините не се во интерес на ниту една страна
„Едностраните американски царини… ги кршат меѓународните трговски правила и домашните закони на САД и не се во интерес на ниту една страна“, соопшти кинеското Министерство за трговија.
Министерството соопшти дека забележало дека САД планираат да ги одржат царините за трговските партнери преку алтернативни средства, вклучително и трговски истраги.
„Кина ќе продолжи внимателно да ја следи ситуацијата и цврсто да ги штити своите интереси“, објави Министерството.
Трамп ќе патува во Кина од 31 март до 2 април на долгоочекуваниот состанок на лидерите на двете најголеми економии во светот, пренесува Ројтерс.
(Видео) Убиен Ел Менчо, најбараниот нарко-бос во Мексико: избувнаа немири
Немесио Осегера Сервантес, попознат како „Ел Менчо“, најбараниот човек во Мексико и водач на моќниот нарко-картел „Нова генерација Халиско“ (CJNG),...
Иран и САД ќе ги продолжат разговорите в четврток
Иран и САД ќе одржат трета рунда разговори во Женева в четврток, изјави министерот за надворешни работи на Оман, поради...
Кина ја повика Америка да ги укине царините
Кина спроведува „целосна проценка“ на одлуката на Врховниот суд на САД за царините и го повика Вашингтон да ги укине...
(Фото) Полицајка убиена во Лавов, 24 ранети; Зеленски: Русија регрутирала напаѓачи преку интернет
Полицајка е убиена, а 24 лица се ранети откако неколку експлозивни направи беа детонирани во Лавов, западна Украина, соопшти полицијата...
Иран e подготвен на компромис со САД за да избегне американски напад, објави Ројтерс
Иран кажал дека е подготвен да направи отстапки во својата нуклеарна програма во разговорите со САД, во замена за укинување...
Мажот кој се обиде да влезе во имотот на Трамп дигнал пушка во позиција за пукање пред агентите да го убијат
Маж на околу 20-годишна возраст бил убиен откако се обидел нелегално да влезе на имотот на Доналд Трамп во Флорида....
Гласањето за трговскиот договор ЕУ–САД може да се одложи поради хаосот со тарифите
Претседателот на Комитетот за меѓународна трговија на Европскиот парламент, Бернд Ланге, предложи одложување на гласањето за трговскиот договор меѓу ЕУ...
Унгарија: ЕУ сака утре да го усвои 20-тиот пакет санкции кон Русија, ние ќе го блокираме
Унгарскиот министер за надворешни работи, Петер Сијарто, преку две објави на X повторно ја засили реториката кон Украина поради транзитот...
Индија го одложи патувањето на трговска делегација во Вашингтон поради нејасности околу царините на САД
Индија го одложи планираното испраќање трговска делегација во Вашингтон оваа недела, главно поради неизвесност по одлуката на Врховниот суд на...
(Фото) Трамп објави дека испратил болнички брод на Гренланд, Данска вели дека нема сознанија
Американскиот претседател Доналд Трамп повторно го стави Гренланд во фокусот со објава на Truth Social, тврдејќи дека испраќа голем болнички...
(Видео) Први масовни студентски протести во Иран по жестокото задушување на демонстрациите
Студенти на неколку универзитети во Иран излегоа на протести против владата – први вакви масовни собири откако минатиот месец властите...
(Фото+видео) Терористички напад во Лвов: загина полицајка, десетици ранети
Најмалку едно лице загина, а десетици други се ранети во експлозии што рано утрово го потресоа западниот украински град Лвов....
(Видео) Експлозии во Киев: Русија нападна со балистички ракети, повредени жена и дете
Русија лансираше балистички проектили врз главниот град на Украина, Киев, а во нападите во приградските делови повредени се жена и...
„Ова е целосна збрка за целиот свет“, велат експерти за новите царини на Трамп
Одлуката на Доналд Трамп да ја зголеми царината на американскиот увоз на 15 отсто дополнително ја зголемува глобалната нестабилност на...
(Видео) Мицкоски: 17 нови проекти вредни 650 милиони евра ќе донесат до 5.000 работни места
Премиерот Мицкоски денеска изјави дека во моментов се во почетна фаза на реализација или во фаза на потпишување договори за...
(Фото+видео) Николоски: Со одлична динамика се гради автопатот Гостивар – Букојчани
Задоволство е да се гледа прогрес и да се гледааат добри резултати во изградбата на автопатот Гостивар – Букојчани. Имаме...
Филипче: Единствениот булинг на македонскиот народ му го прават ВМРО-ОКГ и Мицкоски
Претседателот на СДСМ, Венко Филипче, реагираше на изјавите на премиерот Христијан Мицкоски. „Наместо да ги спроведе реформите што Европа ги...
(Видео) Не гледам потреба за одржување на предвремени парламентарни избори, вели премиерот Мицкоски
Премиерот Христијан Мицкоски не гледа потреба за одржување на предвремени парламентарни избори. Тој нагласи дека во разговорите со меѓународната заедница...
(Видео) Манасиевски: Партиските притисоци предводени од СДС и ДУИ разрешувале судии за еден ден, морало се да оди по насока на Заев
Партиските притисоци предводени од СДС и ДУИ разрешувале судии за еден ден, кажа денеска на прес-конференција, Валентин Манасиевски, член на...
(Видео) Мицкоски: Македонија е жртва на класичен булинг на земји членки кои од внатре го уценуваат интегрирањето во ЕУ
Европската интеграција на нашата земја, можеби е единствен случај во Европа чијашто интеграција во рамките на самата Европска Унија не...
