Стив Виткоф, специјалниот пратеник на американскиот претседател за разговорите Украина-Русија, денес нагласи дека останува „само едно прашање“ што може да се реши ако двете страни сакаат.

Виткоф се придружи на панел-дискусија за Украина во Давос, велејќи дека преговорите се „на крајот од процесот“ и дека е „оптимист“.

„Се сведовме на едно прашање, разговаравме за различни верзии од него, што значи дека е решливо“, нагласи американскиот мултимилијардер кој беше назначен за пратеник од Доналд Трамп пред 11 месеци.

„Ако двете страни сакаат да го решат, ние ќе го решиме“, рече тој.

На панел-дискусијата, Виткоф го пофали украинскиот преговарачки тим, со кого „поминал повеќе од сто часа“ од состаноците во Женева.

„Буквално е толку обемно“, рече пратеникот, кажувајќи им на Украинците во салата дека се претставени од „неверојатен преговарачки тим“.

По Давос, Виткоф патува за Москва, каде што е најавен состанок со рускиот претседател Владимир Путин, а потоа и за Абу Даби, каде што работни тимови од Украина и Русија работат на преговорите.

„Мислам дека ќе успееме“, ја заврши својата интервенција пратеникот.

Данска сака да продолжи со конструктивниот дијалог со своите сојузници во врска со безбедноста на Гренланд и Арктикот, но со почитување на нејзиниот територијален интегритет, изјави премиерката Мете Фредериксен како одговор на заканите од американскиот претседател Доналд Трамп.

„Можеме да преговараме за сите политички аспекти: безбедност, инвестиции, економија. Но, за едно нешто не можеме да преговараме, нашиот суверенитет“, рече премиерката.

Генералниот секретар на НАТО, Марк Руте, изјави доцна синоќа дека прашањето дали Гренланд ќе остане под Данска не било дискутирано на неговата средба со Доналд Трамп, откако американскиот претседател ги повлече заканите за царини за европските земји и ја исклучи употребата на воена сила за преземање на контролата врз Гренланд.

Данската премиерка нагласи дека одржува близок дијалог со НАТО и додаде дека редовно разговарала со Руте, особено пред и по неговата средба со претседателот Трамп во Давос.

„Кралството Данска сака да продолжи со конструктивен дијалог со своите сојузници за начините за зајакнување на безбедноста на Арктикот, вклучително и Златната купола на САД, под услов тоа да се направи со почитување на нашиот територијален интегритет“, повтори таа.

фото/Depositphotos

Три лица се убиени, а едно е повредено во пукање во Нов Јужен Велс, Австралија, соопшти полицијата, пренесе ABC News.

Во полициското соопштение се вели дека службите за итни случаи биле повикани на адреса во градот Лејк Каргелиго по пријави за пукотница. Три лица – две жени и еден маж – биле пронајдени мртви на местото на настанот.

UPDATE: Police have commenced an investigation following reports of a shooting where three people have died at Lake Cargelligo this afternoon.

About 4.40pm, emergency services were called to Walker Street, near Yelkin Street, Lake Cargelligo, following reports of a shooting.… https://t.co/XCvCpkL9Qz

— NSW Police Force (@nswpolice) January 22, 2026

Друг маж е однесен во болница во сериозна, но стабилна состојба.

Вооружениот напаѓач е сè уште на слобода, а полицијата распоредила вооружени полицајци на местото на настанот. Полицијата ги повика луѓето да ја избегнуваат областа, а локалните жители да останат во затворен простор.

„Сиднеј Морнинг Хералд“ објави дека постои сомневање дека нападот е поврзан со семејно насилство.