Свет
Степанакерт негира учество во напад врз азербејџанските сили во Нагорно-Карабах
Министерството за одбрана на Република Артсак негираше какво било учество во неодамнешниот напад врз азербејџанските позиции, велејќи дека новните војници не учествувале во никаква операција, пренесува „Спутник“.
„Вчера и денес ниту една единица на одбраната на армијата на Артсак, ниту еден војник не учествувал во каква било операција. Не беа регистрирани инциденти, ниту е пукано од ерменска страна”, соопшти министерството.
Изјавата доаѓа неколку часа откако Министерството за одбрана на Азербејџан тврдеше дека еден нивни војник бил убиен како резултат на напад врз азербејџански позиции во Нагорно-Карабах.
„На 27 декември илегална ерменска вооружена група нападна позиции на азербејџанската армија во селото Агдам во областа Хоџавенд. Како резултат, еден наш војник, Ганбаров Елмир Рајил, беше убиен, а друг војник е ранет“, се вели во соопштението на азербејџанското министерство.
Според министерството, повредениот војник бил хоспитализиран, а неговиот живот не е во опасност.
„Благодарение на спроведените мерки, сите шест члена на нелегалната вооружена формација Ерменија беа елиминирани“, рече азербејџанското Министерство за одбрана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најголемата компанија за вода во САД погодена од сајбер напад
Најголемата компанија за вода во САД, American Water, денеска откри дека неодамна била погодена од сајбер напад и дека поради тоа го затворила својот портал за услуги на клиентите.
Компанијата со седиште во Камден, Њу Џерси, на својата веб-страница соопшти дека минатиот четврток станала свесна за „неовластена активност во нејзините компјутерски мрежи и системи“, за која утврдила дека е „резултат на инцидент со сајбер безбедноста“, објави CNN (CNBC).
Компанијата, исто така, рече дека нема да наплатува никакви задоцнети такси или други такси додека системот не работи.
Свет
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Свет
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.