Контакт

Свет

Студија: Комбинација на три лека овозможува побрзо заздравување од ковид-19

Објавено пред

Комбинацијата на три антивирусни лекови помага да се ублажат симптомите кај пациентите со лесна до умерена инфекција на коронавирус, покажуваат резултатите од една мала студија спроведена од научници од Хонг Конг.

Студијата вклучила 127 пациенти, а истражувачите го споредиле ефектот на лековите користејќи контролна група на пациенти. Една група добила комбинација од три лекови: лопинавир-ритонавир – лек за лекување на ХИВ , рибавирин што се користи за лекување на хепатитис,  и бета интерферон за лекување на мултиплекс склероза. Контролната група на пациенти примала само лекови за ХИВ.

Резултатите од студијата објавена во весникот „Лансет“ покажале дека пациентите кои се лекувале со комбинацијата од лековите, заздравеле побрзо.

„Истражувањата сугерираат дека раното лекување на блага до умерена форма на ковид-19 со комбинација на трите антивирусни лекови може брзо да ја поттисне количината на вирус во телото на пациентот, да ги ублажи симптомите и да го намали ризикот од зараза на здравствените работници“, рече Квок-Јунг Јен, професор од Универзитетот во Хонг Конг и еден од учесниците во истражувањето.

Како дел од студијата, сите пациенти добија стандардна болничка помош по потреба. На некои им беше потребна дијализа, на други респиратор, а на некои антибиотици.

Коук-Јунг Јен смета дека резултатите се „охрабрувачки“, но истакнува дека истражувањата за ефектите од тројниот лек треба да се спроведат кај поголем број пациенти и врз лица со потешка форма на ковид-19.

Независните експерти, исто така, сметаат дека резултатите се многу позитивни, но велат дека подетални студии ќе треба да се спроведат кај поголем број испитаници.

„Овие резултати без сомнение укажуваат на оправдано вклучување на бета интерферон во списокот на лекови со ветувачки исход во третманот на пациенти со ковид-19 во понатамошни испитувања“, рече Стивен Еванс, професор по фармакоепидемиологија на лондонската школа за хигиена и тропска медицина.

 

Свет

Кина го негираше притисокот врз папата Франциско да ги ублажи забелешките за Хонгконг

Објавено пред

Кинескиот министер за надворешни работи, Жао Лиџијан, во четвртокот ги негираше обвинувањата дека Пекинг извршил притисок врз папата Франциско да не зборува за слободата и за човековите права во Хонгконг за време на неговата молитва Ангелус минатата недела, се вели на официјалната веб-страница на кинеското МНР.

„Не сум запознат со ситуацијата, но се надеваме и веруваме дека луѓето со визија, кои навистина се грижат за Хонгконг, ќе изберат да дејствуваат на начини што ќе бидат од корист за развојот на Хонгконг. Кина ќе продолжи со конструктивни дијалози со Ватикан и да работи на подобрување на билатералните односи “, рече Жао на прес-конференцијата на 9 јули.

Како што претходно објави „Брејтбарт њуз“, минатата недела папата во последен момент решил да повлече дел од своето обраќање за време на неделното обраќање Ангелус што се однесувал на слободите во Хонгконг.

Канцеларијата за печат на Светиот Престол во неделата наутро дистрибуираше редактирана копија од зборовите на понтифот до акредитираните новинари, вклучително и став со 150 зборови со Хонгконг, кој папата на крај го прескокна.

Пропустот предизвика значителна полемика кај набљудувачите на Ватикан, при што некои посочуваат дека Кина извршила притисок врз папата да ги испушти коментарите за Хонгконг. Ова е непромислена теорија со оглед дека тоа би значело оти Кина однапред имала копија од обраќањето на папата и во меѓувреме контактирала со него  за да го убеди да не го кажува тоа.

Во најдобар случај – и најверојатно – станува збор за недостиг од комуникација помеѓу писателите на говорот во Ватикан и папата околу прашањето на Хонгконг или зелено светло од Франциско, кој размислил подобро и го скокнал пасусот.

Всушност, Ватикан студиозно избегнува да ја критикува Кина за злоупотребите на човековите права и папата ја минимизираше тежината на ситуацијата во Хонгконг кога директно беше прашан за тоа.

Ватикан зазеде спротивен став, ангажирајќи се во постојана офанзива на шармирање на Пекинг со надеж дека ќе може да воспостави формални дипломатски врски со кинеската Комунистичка партија (ККП). Папата тврди дека ККП ја штити верската слобода во Кина, додека претседателот на Папската академија на науките ја прогласи Кина за модел за католичко социјално учење во пракса.

Поранешниот бискуп на Хонгконг, кардиналот Џозеф Зен (88), неодамна изјави дека е подготвен да биде уапсен и суден според угнетувачкиот нов Закон за национална безбедност.

Кон крајот на мај кинескиот Национален народен конгрес (НПЦ) набрзина го донесе нацрт-законот со кој се елиминира автономијата на Хонгконг и ѝ се овозможува на Комунистичката партија да казни секого во автономниот град за злосторства како што се сецесијата и за дела против националната безбедност.

На 30 јуни кинескиот претседател Шји Џјинпинг потпиша указ со кој е донесен Закон за национална безбедност, предизвикувајќи масовна загриженост кај учесниците на хонгконшкото продемократското движење.

Прикажи повеќе...

Регион

Во Србија 386 новозаразени и 18 починати, Брнабиќ ги моли граѓаните да се придржуваат до мерките

Објавено пред

Српската премиерка, Ана Брнабиќ, одржа вонредно обраќање до јавноста поради ситуацијата предизвикана на коронавирусот.

Претходно, претседателот Александар Вучиќ за српските медиуми изјави дека денес е најлошиот ден од почетокот на пандемијата.

Ова во обраќањето го потврди и премиерката, која ја соопшти дневната бројка од 386 новозаразени и 18 смртни случаи.

„За 24 часа, дури 18 лица починаа, 130 се на респиратор и од 8.646 тестирани, имаме 386 нови случаи“, рече таа.

„Кога велам дека по речиси сите параметри, ова е еден од најлошите денови, мислам на бројот на смртни случаи, а во некои други работи се приближуваме до најлошиот ден во април. Најлошо беше на 12 април во однос на пациентите на респиратори, а најголема бројка на новозаразени имавме на 16 април. Но, ако вака продолжиме, за жал, набргу ќе ги достигнеме и тие бројки“, рече таа.

„На 30 јуни воведовме маски како обврска во затворен простор, но не гледаме никакво подобрување од оваа мерка. Ќе продолжиме да ја следиме ситуацијата за да може соодветно да реагираме“, рече Брнабиќ додавајќи дека не преостанува ништо друго, освен да ги замоли сите граѓани строго да се придржуваат до мерките.

Таа рече дека мерките препорачани од СЗО не се премногу сложени и дека е потребна самодисциплина.

Србија вчера воведе нови рестрикции поради коронавирусот, а најстрого е во Белград, каде што и најмногу се шири инфекцијата. Сепак, по протестите, властите се откажаа од првичната намера за враќање на вонредната состојба и полицискиот час во земјата.

 

Прикажи повеќе...

Свет

Шефот на канцеларијата на Трамп: Претседателот ќе потпише одредби за пониски цени на лековите

Објавено пред

Претседателот на САД, Доналд Трамп, ќе потпише три извршни одредби за намалување на цените на лековите на рецепт, објави шефот на неговата канцеларија, Марк Медоус.

„Претседателот ќе потпише три извршни одредби, кои во голема мера ќе гарантираат дека просечниот Американец ќе плати помалку за своите лекови на рецепт“, рече Мејдоус во интервјуто за „Фокс бизнис-нетворк“.

Тој не даде детали кога ќе бидат потпишани одредбите.

Медоус изјави за „Фокс њуз“ дека Белата куќа сакала да стори нешто за цената на лековите што се издаваат на рецепт бидејќи Конгресот не презел конкретни мерки.

Истиот ден Претставничкиот дом усвои предлог-закон за здравство, кој вклучува одредби за намалување на цените на лековите на рецепт. Претставничкиот дом го контролираат демократите, а законот се очекува да биде блокиран од Сенатот, кој е контролиран од републиканците, забележува „Ројтерс“.

Трамп заостанува зад претседателскиот кандидат на демократите, Џо Бајден, во анкетите пред претседателските избори на 3 ноември, а трошоците за здравствена заштита се централно прашање во кампањата, потсетува агенцијата.

Прикажи повеќе...

Најново

Македонија48 минути

Излекуван пациент кај кого коронавирусот предизвикал воспаление на мозокот

Во ГОБ „8 Септември“ е излекуван пациент кај кого коронавирусот предизвикал воспаление на мозокот, соопшти министерот за здравство, Венко Филипче....

Македонија2 часа

Патниците од регионот не треба да приложуваат негативни тестови ако само транзитираат низ земјава

Главниот координативен кризен штаб ги објави насоките и пропозициите врз основа на кои државјаните на Србија, Косово, Црна Гора и...

Македонија2 часа

Шест смртни случаи и 205 новозаболени од коронавирус во Македонија

Во последните 24 часа во Македонија се регистрирани шест смртни случаи и 205 новозаболени од коронавирус. Оздравени се 336 заболени....

Македонија2 часа

Затворени две текстилни фабрики во Свети Николе, пријавени се случаи на коронавирус

Двете фабрики на конфекцијата „Мода“ во Свети Николе ги затворија погоните по појавата на случаи на коронавирус, соопшти градоначалникот на...

Македонија3 часа

Петровска за случајот во Штип: Не станува збор за поткуп на гласачи, туку за економски криминал

„Очајници прават очајнички потези“, напиша заменик-министерката за внатрешни работи, Славјанка Петровска, во врска со објавата на министерот Наќе Чулев за...

Македонија4 часа

(Видео) Јанушев: Очекуваме победа и ќе коалицираме со оние што ќе ја прифатат нашата програма

Опозициската ВМРО-ДПМНЕ очекува победнички изборен резултат и мандат за формирање влада, изјави генералниот секретар на партијата, Игор Јанушев, во интервју...

Свет5 часа

Казахстан ги негира кинеските тврдења дека во земјата има пневмонија поопасна од Кoвид-19

Министерството за здравство на Казахстан ги отфрли кинеските тврдења дека во земјата циркулира непозната пневмонија, која е посмртоносна од коронавирусот....

Топ5 часа

Пронајдени 26 украдени велосипеди, приведени крадци во Скопје

Три лица се приведени под сомнение дека краделе велосипеди од подруми и станови во Скопје. Е. М. (24) и А....

Топ5 часа

Сопственик на продавница им ветувал на купувачите дека ќе им ги прости долговите ако гласаат за СДСМ

Сопственик на продавница во Штип ветувал дека ќе им избрише долг на неколку лица ако на изборите гласаат за СДСМ,...

Регион6 часа

(Видео) Протестите во Белград поминаа мирно, се играше и оро

Во Србија се одржаа нови протести против мерките воведени поради епидемијата на коронавирус и против владата на Александар Вучиќ. По...

Македонија6 часа

Гласот за ДУИ е глас за ВМРО-ДПМНЕ, порача Оливер Спасовски од Тетовско

Граѓаните се сигурни со концептот едно општество за сите, гласот за ДУИ е глас за ВМРО-ДПМНЕ и тие се опасност,...

Свет7 часа

СЗО: Итно е потребно понатамошно истражување за пренoс на коронавирусот преку воздухот

Светската здравствена организација (СЗО) објави нови насоки за коронавирусот, кои признаваат некои извештаи за пренесување на вирусот преку воздухот, но...

Македонија9 часа

Италија забрани влез за граѓани од Македонија и уште 12 земји

Италија ги затвори своите граници за 13 земји, вклучително и за Македонија, сметајќи ги за најризични места за ширење на...

Македонија9 часа

Хоспитализирани се 412 заразени лица во земјата

Во моментов низ болниците во земјава, хоспитализирани се 412 лица кои се позитивни на ковид-19. На Инфективната клиника вкупно се...

Македонија9 часа

Мицкоски: Се обврзуваме на минимална плата од 18.000 денари која ќе расте со просечната

Претседателот на ВМРО-ДПМНЕ, Христијан Мицкоски синоќа посочи дека до крајот на мандатот на владата на ВМРО-ДПМНЕ минималната плата ќе стигне...

Македонија20 часа

(Интервју) Најчевска: Уставниот суд носи скандалозни одлуки

За скандалозните одлуки на Уставниот суд, довербата во институциите, за максималното почитување на човековите права, заложбите за истополови бракови, декриминализација...

Македонија20 часа

Заев најави укинување на министрите без ресор и отворање агенции и директорати

Ќе градиме уште поотчетна и потранспарентна влада која ќе работи за народот, за унапредување на правата на сите граѓани, порача...

Македонија22 часа

Бојан Јовановски пријави 40 функционери и бизнисмени: „Ќе ме спречат само ако посегнат по мојот живот“

Осудениот во случајот „Рекет“ Бојан Јовановски преку писмо соопшти дека кривично ќе гони 40-ина функционери и бизнисмени порди злоупотреба на...

Македонија23 часа

Косово бара да се преиспита одлуката за влез во земјава со негативен тест

Косовскиот министер за здравство, Арменд Земај, побара од Македонија да ја преиспита одлуката за задолжителни тестови за влез на косовските...

Македонија1 ден

Турски државјани врзале чаршав и преку прозорец избегале од државен карантин во Скопје

Двајца државјани на Турција синоќа избегале од државен карантин во Скопје, со чаршав кој бил врзан како импровизирано јаже. Од...

Досие