Чад се издига над амбасадата на САД во Кувајт утрово, изјавија очевидци, а голем број безбедносни сили, амбулантни возила и противпожарни возила се во областа околу амбасадата.

Амбасадата издаде предупредување, велејќи дека постои постојана закана од ракети и беспилотни летала над Кувајт и ги советуваше луѓето да не доаѓаат во амбасадата.

На американските граѓани им е кажано да останат дома и да бидат внимателни поради потенцијални напади.

Воздушната одбрана пресретна неколку „непријателски беспилотни летала“ кои се приближуваа кон земјата по море, според агенцијата за цивилна одбрана КУНА.

Нема пријавени повредени, а агенцијата соопшти дека безбедносната ситуација останува „стабилна“.

Smoke was seen rising from the U.S. Embassy compound in Kuwait after Iran launched strikes targeting American positions in the Gulf, marking a sharp escalation in regional tensions.

📹: PTI pic.twitter.com/zrTinHjNuU

— The Hindu (@the_hindu) March 2, 2026

Напади во регионот по атентатот врз Хамнеи

Кувајт, како и другите земји од Персискиот Залив, се соочуват со напади по атентатот врз врховниот лидер на Иран, Али Хамнеи. Меѓу целите во регионот се американските воени објекти.

Како одмазда за воздушните напади на САД и Израел, Иран нападна и локации во Обединетите Арапски Емирати, Катар и Бахреин.

Револуционерната гарда на Иран денеска објави дека лансирала ракети врз израелските градови Тел Авив и Хаифа, како и Источен Ерусалим.

„Меѓу целите на овој десетти напад беа владиниот комплекс на ционистичкиот (израелски) режим во Тел Авив, напади врз воени и безбедносни центри во Хаифа и напад врз Источен Ерусалим, област окупирана и анектирана од Израел“, соопшти идеолошката армија на Иран во соопштение емитувано на државната телевизија.

САД објавија дека досега тројца американски војници се убиени во американската операција против Иран, а Кувајт објави дека неколку американски борбени авиони се урнаа во таа земја, но екипажите преживеаја.

Според првичните извештаи, Иран започна напади врз нафтени постројки во Саудиска Арабија. Беспилотните летала „Шахед“ го нападнаа објектот „Арамко“ во Рас Танура, локација која се смета за еден од најголемите нафтени центри во светот.

Набргу потоа, рафинеријата за нафта „Сауди Арамко“ ги прекина операциите, објави „Скај њуз Арабија“.

BREAKING: Sky News Arabia claims Saudi Aramco’s Ras Tanura refinery was shut down following a drone attack. pic.twitter.com/YGXRzfhQms

— Clash Report (@clashreport) March 2, 2026

Работниците во постројките на „Арамко“ ги напуштаат постројките по извештаите за ирански напади.

Workers at Aramco facilities in Saudi Arabia are evacuating following reported Iranian strikes. pic.twitter.com/903atwsLZX

— Clash Report (@clashreport) March 2, 2026

Рас Танура е еден од најважните енергетски центри во светот – се наоѓа на источниот брег на Саудиска Арабија и служи како главен терминал за извоз на сурова нафта. Овој објект вклучува еден од најголемите нафтени терминали и рафинериски комплекси на планетата, со огромен капацитет за преработка и транспорт на нафта со танкери до Азија, Европа и САД, и долго време е клучна алка во глобалните енергетски текови.

BREAKING: Sky News Arabia claims Saudi Aramco’s Ras Tanura refinery was shut down following a drone attack. pic.twitter.com/YGXRzfhQms

— Clash Report (@clashreport) March 2, 2026

Поради неговата стратешка улога во снабдувањето со сурова нафта и рафинирани производи, секое нарушување на работењето во Рас Танура би можело да има сериозни последици за глобалниот пазар.

фото/ЕПА

Кипар го подигна нивото на тревога по нападот со беспилотни летала врз британската воена база РАФ Акротири на островот. Властите ги затворија училиштата и спроведоа евакуации каде што е потребно, бидејќи земјата е вовлечена во ескалацијата на конфликтот на Блискиот Исток.

Во утринското обраќање до нацијата, кипарскиот претседател Никос Христодулидес рече дека безбедноста на земјата е најголема грижа на неговата влада.

„Се наоѓаме во регион со исклучителна геополитичка нестабилност, со бројни предизвици и проблеми, кој во моментов поминува низ невидена криза. Правиме сè што е потребно, а безбедноста на нашата земја и граѓаните е наш врвен приоритет“, рече тој.

Тој нагласи дека Кипар, членката на ЕУ најблиску до Блискиот Исток и популарна туристичка дестинација, инсистира дека нема да се вклучи во никакви воени операции.

„Остануваме посветени на хуманитарната улога што ја имавме цело време – секогаш како дел од решението, а не како проблемот – и ќе продолжиме да дејствуваме со истото чувство на одговорност“, додаде Христодулидес.

Осврнувајќи се на нападот што се случи синоќа, ретседателот рече дека „дрон Шахед погодил воени објекти во британската база во Акротири и предизвикал мала материјална штета“.

Грчките медиуми објавија дека бил неутрализиран и втор борбен авион, кој Иран исто така го насочил кон британската база, оддалечена околу 960 километри.

фото/ЕПА