На социјалните мрежи „Икс“ и „Телеграм“ се проширија низа  видеа што сведочат за судирите меѓу картелите и владините сили.

Едно од видеата прикажува член на картел кој носи панцир и кацига како пука кон владините сили. Престрелката се случила во близина на Сан Естебан, на северниот крај на Гвадалахара.

Multiple vehicles burn in the parking lot of a Costco in Puerto Vallarta, as the CJNG Cartel continues its rampage throughout the city and across the Mexican state of Jalisco. pic.twitter.com/z0iHsGItMA

— OSINTdefender (@sentdefender) February 22, 2026

Други снимки снимија жестока престрелка во Ел Ранчито, рурална област лоцирана неколку километри североисточно од Пуерто Ваљарта. Последиците од насилството се видливи и во самиот град, каде што едно од видеата прикажува густ чад што се издига од запалени автомобили во близина на супермаркет.

Македонското МНР претходно апелираше до македонските граѓани кои се наоѓаат во Мексико да ја напуштат територијата.

Ова се случува откако Немесио Осегера Сервантес, познат како Ел Менчо, најбараниот човек во Мексико и водач на озлогласениот наркокартел „Халиско Нова генерација“ (CJNG), беше убиен за време на безбедносна операција.

Операцијата била спроведена со разузнавачка помош од Соединетите Американски Држави. Како одговор на убиството на својот лидер, CJNG започнал бран насилство во осум мексикански сојузни држави, палејќи автомобили, поставувајќи блокади на патиштата и напаѓајќи ги безбедносните сили.

Авганистански државјанин (35) вооружен со нож нападнал неколку лица на железничката станица во Вирцбург, Германија. Тој бил совладан од граѓани кои случајно се нашле на местото на настанот и им притрчале на помош на жртвите.

Напаѓачот се приближил до штандот и избодел 68-годишен маж, а физички нападнал уште двајца, на возраст од 55 и 51 година, соопшти полицијата. Тие се полесно повредени.

Полицијата го уапсила осомничениот, кој сега е во притвор, објавува британскиот „Дејли меил“. Органите за спроведување на законот го третираат случајот како обид за убиство.

Во извештаите на баварската полиција се наведува дека осомничениот бил во влезната сала на главната станица во Вирцбург – град во централна Германија, источно од Франкфурт – околу 7:50 часот по локално време.

– Неколку минувачи, вклучувајќи и еден полицаец во цивил, веднаш интервенираа и успеаја да го совладаат 35-годишникот. Полициската патрола набрзо пристигна на местото на настанот и успеа да го уапси осомничениот – изјави портпаролот на полицијата.

Областа е оградена, а криминалистичката полиција започна истрага на местото на инцидентот. Полицијата ги прегледува снимките од надзорните камери, а во тек е и претрес на станот каде што престојувал осомничениот Авганистанец. Истражителите, исто така, ги испрашуваат сведоците.

Туристи останаа заробени во Мексико и очајнички се обидуваат да се вратат дома откако низ земјата избувна насилство по убиството на еден од најозлогласените наркобосови.

По вчерашното убиство на водачот на картелот „Халиско Нова генерација“, Немесио Осегера Сервантес, познат како Ел Менчо, вооружени напаѓачи започнале бран насилство во неколку мексикански градови.

Жителите на Гвадалахара, град кој летово треба да биде домаќин на четири натпревари од Светското фудбалско првенство, се затвориле во своите домови, а на туристите им било советувано да побараат засолниште, да избегнуваат гужви и да го ограничат движењето, пишува Дејли мејл.

And now they are burning down the Costco in Puerto Vallarta. #Mexico pic.twitter.com/XrPuVy82WP

— Mr ashen (@TheOfficialMrA1) February 22, 2026

Американци заглавени во хаосот

Бранoт насилство се проширил по западниот брег, а напади се регистрирани и во Баја Калифорнија, во близина на американската граница. Пукање избило и на меѓународниот аеродром во Гвадалахара.

Американската туристка Кејти Холоман изјавила на Фејсбук дека ѝ било кажано да остане во хотел бидејќи обидот да стигне до аеродромот е премногу опасен.

„Патот го блокира картел. Нема летови за САД. Го префрливме летот за утре попладне и навистина се надеваме дека ќе успееме да заминеме. Можам само да се молам дека утре ќе стигнеме дома. Ова е незапаметено, персоналот на хотелот вели дека вакво нешто никогаш досега не се случило“, рекла таа.

Друг турист, Ден Смит од околината на Палм Спрингс, објавил видео на кое трча по скали додека во позадина се слушаат аларми.

„Нè евакуираат од зградата, експлодираа боци со пропан. Се надеваме дека зградата нема да се запали“, изјавил тој.

Неговиот брат Ричард објавил снимки од запален автобус и други возила кои ги блокираат патиштата во Пуерто Ваљарта.

„Ве молам, мислете на мојот брат Даниел. Пуерто Ваљарта е под опсада. Заглавен е во центарот, а сите влезови и излези од градот се затворени. Не може да се врати дома. За среќа, има пријател кај кого може да остане“, напишал тој.

Турист од Сан Диего, Џејмс Стивенс, објавил снимки од запалена продавница „Костко“, наведувајќи дека целиот град е блокиран.

„Заглавен сум во Пуерто Ваљарта, картелот се обидува да го преземе градот. Целиот град е блокиран. Не можам да излезам. Лудо, нели? На безбедно сме“, рекол тој.

Chaos erupts at Guadalajara International Airport in Jalisco, Mexico, as the CJNG Cartel launches attacks outside and potentially inside the airport, as retaliation for today’s successful elimination of CJNG leader El Mencho. pic.twitter.com/fspjMASWV1

— OSINTdefender (@sentdefender) February 22, 2026

Предупредувања од амбасадите

Локалните медиуми известуваат за опасни активности на картелите и во сојузните држави Баја Калифорнија, Гуанахуато, Мичоакан, Гереро, Најарит и Колима.

Амбасадата на САД во Мексико ги повикала Американците да побараат безбедно засолниште, а слични совети издаде и британското Министерство за надворешни работи.

Во предупредувањето се наведува дека властите во Пуерто Ваљарта издале јавен апел граѓаните да останат во затворен простор, дека пристапните патишта до аеродромите може да бидат блокирани и дека треба да се следат насоките на локалните власти и да се избегнуваат непотребни патувања.

Убиството на најбараниот наркобос

Наркобосот (59) бил убиен во заедничка операција на мексиканската војска и американски сили во Тапалпа, град со околу 20.000 жители во планините Сиера Мадре.

Тој бил опкружен со лојалисти вооружени со ракетни фрлачи со термичко наведување. Сервантес, еден од најбараните бегалци во САД, бил убиен за време на обид за апсење, откако неговите следбеници се судриле со мексиканските сили.

Мексиканското Министерство за одбрана соопшти дека во операцијата, поддржана од воздушни и специјални сили, биле убиени четворица членови на криминалната група и ранети тројца, меѓу кои и водачот, кој подоцна починал при транспорт со хеликоптер во Мексико Сити.

Во акцијата биле повредени тројца војници, а две лица се уапсени. На местото биле запленети и ракетни фрлачи.