Свет
Тлото се тресеше, никој не верува дека е земјотрес, дали Иран го изврши првиот нуклеарен тест
Неколку дена по објавувањето на веста за земјотрес во иранската провинција Семнан, на социјалните мрежи продолжија шпекулациите дека потресите биле предизвикани од првата нуклеарна проба на Техеран. Во саботата во 22:45 часот, Сеизмографскиот центар на Универзитетот во Техеран соопшти дека земјотрес со јачина од 4,4 степени според Рихтеровата скала го погоди градот Арадан во провинцијата Семнан, а потреси се почувствувани и во делови од источен Техеран.
Епицентарот на земјотресот, кој се случи на 12 километри под површината, е регистриран на координати 35,42° северна географска ширина и 52,78° источна географска должина, пишува Еуроњуз. Неколку часа по објавувањето на веста, корисниците на социјалните мрежи почнаа да шпекулираат дека иранскиот режим можеби се обидел да го изврши својот прв подземен нуклеарен тест, веројатно како одвраќање против израелските напади на неговата територија.
Шпекулациите доаѓаат во време кога иранските власти и командантите на Револуционерната гарда постојано се закануваа дека доколку се засилат економските, политичките и воените притисоци врз земјата, Техеран ќе ја промени својата воена одбранбена доктрина. Ваквата промена ќе бара измена на фатвата на иранскиот лидер за забрана на употреба на нуклеарно оружје.
НорЊуз, веб-страница која неформално делува како главен извор на информации за Националниот совет за безбедност на Исламската Република, ги отфрли шпекулациите за нуклеарните тестови како „гласини“ и повтори дека нуклеарните тестови се во спротивност со нуклеарната и одбранбената доктрина на Иран.
Во 2019 година, Фондацијата за одбрана на демократиите, тинк-тенк со седиште во Вашингтон, објави извештај во кој се наведува дека Иран започнал програма за изградба на подземни локации за нуклеарни тестирања, познат како „Field Project“.
Иранското Министерство за надворешни работи веќе пет години ја санкционира оваа фондација за „производство и ширење лаги, поттикнување, лобирање и водење негативни пропагандни кампањи против Исламската Република со цел да одигра клучна улога во воведувањето и зајакнувањето на економските санкции“.
Според извештајот од 2019 година, истражувачите на фондацијата „идентификувале веројатна локација (во област југоисточно од Семнан) каде што биле спроведени ненуклеарни експлозивни тестови во 2003 година како дел од развојот на методи за мерење на ефектот од подземните нуклеарни експлозии.
Ова ја зголемува можноста земјотресот регистриран во Семнан да е поврзан со првата нуклеарна проба на Техеран, пишува Еуроњуз.
Иако Иран претходно го призна постоењето на вселенскиот центар Имам Хомеини и ракетната локација југоисточно од Семнан, таа локација е на повеќе од 100 километри од епицентарот на земјотресот.
И покрај ова, некои корисници на социјалните мрежи продолжуваат да шпекулираат дека Иран можеби има непријавен подземен нуклеарен објект во провинцијата Семнан, кој претпочита да го користи како полигон наместо да врши тестови на познати локации како Натанц.
Техеран долго време не ги известуваше своите нуклеарни активности до Меѓународната агенција за атомска енергија. Во исто време, Иран е област каде што земјотресите се чести, така што потресите како овој не се невообичаени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кои се следните чекори на Макрон по падот на француската влада
Франција е втурната во период на длабока политичка несигурност откако пратениците гласаа за смена на премиерот Мишел Барние и неговата влада.
Главната причина е противењето на неговите фискални планови за 2025 година, кои беа насочени кон намалување на францускиот дефицит, но ниту левицата ниту екстремната десница не беа задоволни со тој план. Сега постои закана Франција да влезе во новата година без влада и нов буџет.
Францускиот претседател Емануел Макрон мора да одлучи што да прави. Според извори блиски до него, можно е тој брзо да назначи нов премиер, уште пред церемонијата на повторното отворање на катедралата Нотр Дам, на која треба да присуствува и новоизбраниот американски претседател Доналд Трамп.
Сепак, секој нов премиер ќе се соочи со истите предизвици како Барние во обидот да усвои законодавство, вклучително и буџетот за 2025 година, во парламентот кој останува поделен. Нови парламентарни избори не се можни пред јули.
Една од опциите за Макрон е да попушти пред барањата на крајната десница за буџет, што ќе му овозможи да назначи премиер кој би можел да формира влада и да донесе буџет пред крајот на годината. Но, тоа би значело напуштање на целта за намалување на буџетскиот дефицит.
Алтернативно, Макрон би можел да побара од Барние да остане на чело на привремената техничка влада, која би водела секојдневни операции и би купувала време за да најде премиер со доволно меѓупартиска поддршка. Техничката влада би можела да предложи итна легислатива што ќе ги заобиколи ограничувањата на трошоците и даночните одредби за 2024 година. Исто така, Макрон би можел да се обиде да го донесе буџетот за 2025 година со декрет, иако тоа би било правно сомнително и може да предизвика дополнителни политички турбуленции.
Ризикот за Макрон е дека неговите политички противници ќе продолжат да гласаат против секој нов премиер, до веројатните нови парламентарни избори. Дел од неговите ривали, исто така, велат дека единствениот значаен начин да се стави крај на политичката криза е тој да поднесе оставка, но Макрон инсистира на тоа дека ќе го заврши својот мандат во 2027 година.
Според последните најави, Макрон утре вечер ќе има телевизиско обраќање кон нацијата
Француските пратеници и изгласаа недоверба на владата со 331 глас, при што левицата и крајната десница се обединија за соборување на премиерот Мишел Барние и владата.
Свет
Mарин Ле Пен ја омекна својата позиција, засега нема да бара оставка од Макрон
Француската екстремна десничарка Марин Ле Пен изјави дека притисокот врз претседателот Емануел Макрон се зголемува откако пратениците му изгласаа недоверба на премиерот Мишел Барние.
Ле Пен, сепак, кажа дека сè уште не бара оставка од Макрон.
Таа најави дека екстремната десница има одредени барања за поддршка за можниот наследник на Барние, но ќе му дозволи на следниот премиер да ја преземе работата.
Жан-Лук Меланшон, кој ја предводи крајно левичарската партија „Франција неосвоена“ (LFI), која е дел од поширокиот левичарски сојуз, го изрази своето задоволство од падот на владата.
„Дури и со нов Барние на секои три месеци, Макрон нема да издржи три години“, додаде тој, мислејќи на преостанатото време на претседателот Макрон на функцијата.
Следните претседателски избори се закажани за април 2027 година, но пред гласањето за доверба, некои го повикаа Макрон да поднесе оставка.
Свет
(Видео) Падна француската влада
Францускиот парламент денеска и’ изгласа недоверба на владата предводена од премиерот Мишел Барние.
За недоверба на владата гласаа 331 пратеник, значително повеќе од потребното мнозинство од 288.
Малцинската центристичка влада предводена од беше на немилост на левичарскиот сојуз на Новиот народен фронт (НФП) и екстремно десничарскиот Национален собир (РН) предводен од Марин Ле Пен, кои заедно имаа доволно претставници за да ја соборат од власта.
BREAKING: French Prime Minister Michel Barnier has effectively been ousted in a historic no-confidence vote. @DominicWaghorn explains what could happen next 👇https://t.co/LPERc5MdlQ
📺 Sky 501, Virgin 602, Freeview 233 and YouTube pic.twitter.com/dmrhfsel5l
— Sky News (@SkyNews) December 4, 2024
Францускиот претседател Емануел Макрон има намера брзо да постави нов премиер откако парламентот и изгласа недоверба, јавува „Ројтерс“.
Еден од изворите за „Ројтерс“ рече дека Макрон се надева дека ќе има некого веќе во сабота, кога новоизбраниот американски претседател Доналд Трамп ќе пристигне во посета по повод отворањето на црквата Нотр Дам.
Макрон сè уште не одлучил, но луѓето на неговата листа се левичарот Бернар Казнев, поранешниот министер Ксавиер Бертранд и министерот за вооружени сили Себастиен Лекорну.
Останува да се види дали екстремно десничарската партија Национален собир на Марин Ле Пен ќе биде подготвена да го поддржи предложеното име на Макрон или ќе се обиде да го собори кандидатот со итно гласање недоверба, најверојатно во договор со левицата.
(Видео) Падна француската влада
Францускиот парламент денеска и’ изгласа недоверба на владата предводена од премиерот Мишел Барние. За недоверба на владата гласаа 331 пратеник,...
Интерпелациите од ДУИ и предлогот за пензионирање на 67 години немаат поддршка од СДСМ – заседаваше новиот состав на Извршниот одбор
Интерпелациите од ДУИ и предлогот за пензионирање на 67 години немаат поддршка од СДСМ, образложи опозициската партија по првата седница...
Скопјанец брутално ја натепал поранешната сопруга, се бара притвор
Основното јавно обвинителство Скопје поведе постапка против скопјанец кој крвнички ја натепал поранешната сопруга. На 1 декември, во семејниот дом...
Валентина Пурдеска, единствена карате – судијка во светот со сите лиценци: Ми префрлаа дека е спорт за мажите, но потоа ги запишуваа децата на карате
Единствената жена, карате-судијка во светот, која ги има сите европски и светски лиценци, е прилепчанката Валентина Пурдеска. Повеќе од четириесет...
Тошковски: Уапсени се 18 лица поврзани со инцидентите за Денот на албанското знаме, четворица се во притвор
Министерството за внатрешни работи досега има уапсено 18 лица поврзани со инцидентите на Денот на албанското знаме, од кои четворица...
Во математика од 58 држави, нашите ученици се на 44 место, во природни науки сме три места подолу, велат од МОН
Во математичка писменост од 58 држави, нашите ученици се на 44 место. Во природни науки сме три места подолу, односно...
Заглавено лице во сопствената викендица во селото Цветово: поради наноси од снег над 60 сантиметри
РЦУК Скопје, известува дека утрово во 09.18 часот, добиле пријава од заглавено лице во месноста „Празни торба“ – Црни врв,...
Две лица паднаа од зграда во Кисела Вода: жената починала на местото на несреќата, 9-годишно дете пренесено во болница
Вчера во 19.40 часот во СВР Скопје било пријавено дека на територија на Кисела Вода, две лица паднале од зграда....
1735 пензионери ќе добијат по 2.500 денари пред празниците, кажа Герасимовски
Градоначалникот на Општина Центар Горан Герасимовски информира дека е завршен јавниот повик за доделување еднократна парична помош во висина од...
На земјиштето позади поликлиниката Бит пазар, поставил рампа и наплаќал паркинг: Обвинителството поднесе обвинение
По спроведена претходна постапка, јавен обвинител од Основното јавно обвинителство Скопје поднесе Обвинителен предлог против едно физичко и едно правно...
(Видео) Мајката на единствената Британка заложник на Хамас: Се плашам од најлошото, но Трамп ми дава надеж
Мајката на единствениот британско-израелски заложник што го држи Хамас, ги опиша за Би-би-си нејзините растечки стравови за животот на нејзината...
ДУИ до Филипче: Kопирањето на ВМРО- ДПМНЕ во користењето на албанофобијата преку анти-ДУИ наратив за политички поени не е здраво за државата
„Последните изјави на Венко Филипче, каде што тој се обидува да го искористи анти-ДУИ наративот за да ги прикрие неуспесите...
Израел го предупреди Либан: Ако не се погрижите Хезболах да го почитува мирот, ќе ве нападнеме
Министерот за одбрана на Израел, Израел Кац, вчера предупреди дека ако пропадне неодамна постигнатото примирје со Хезболах, државата Либан ќе...
Парламентот на Јужна Кореја бара импичмент на претседателот
Јужнокорејските парламентарци денеска ќе побараат импичмент на претседателот на земјата, кој прво прогласи, а потоа ја укина воената состојба, што...
Русин и Американец се расправаа во Советот за безбедност за Сирија: Немате храброст да го осудите очигледниот тероризам
Русија и САД се судрија вчера на состанокот на Советот за безбедност на ОН, свикан поради ненадејната ескалација на конфликтот...
Претседателот на Јужна Кореја најави дека ќе ја укине вонредната состојба
Јун Сук Јеол, претседателот на Јужна Кореја, најави дека ќе ја укине вонредната состојба. Тој рече дека тоа ќе се...
Трагедија во Гевгелија: младо момче падна од зграда и загина
Дваесет и едногодишно момче (Б.Б.) од селото Орашац, кумановско, паднало од зграда, а подоцна и починало. Несреќата се случила додека младиот...
Владата не гледа објективна причина за лидерска, СДСМ смета дека е неопходен дијалог поради меѓуетничките односи
Влада не ја гледа објективноста на барањето за лидерска средба. Портпаролката на ВМРО-ДПМНЕ, Марија Митева, одговарајќи на новинарско прашање за барањето...
Еден од девет смртни случаи кај децата до една година е поврзан со загаденоста – ќе се протестира на 10 декември
Во вторник, 10 декември, во 16 часот, ќе биде одржан протест поради загадениот воздух. Граѓанската иницијатива „Зелен хуман град“, која...
Наставници кои воопшто не го знаат знаковниот јазик им предаваат на учениците со оштетен слух во средното „Партенија Зографски“, утврди омбудсманот
Канцеларијата на народниот правобранител утврди дека во единственото државно средно училиште за ученици со оштетен слух во земјата, „Партенија Зографски“...
