Свет
Тонга по ерупцијата и цунамито – поплавени острови, земјата и дрвјата покриени со пепел

Првите фотографии по ерупцијата на вулканот кај Тонга и цунамито што ги погоди островите во тој архипелаг ги прикажуваат земјата и дрвјата покриени со пепел и огромната штета предизвикана од вулканската ерупција.
Ова е особено забележливо на фотографиите на Номука, мал остров во јужниот дел на групата острови Хапаи.
Фотографиите се направени од авион од страна на одбранбените сили на Нов Зеланд, а беа прикажани и сателитски снимки на Обединетите нации.
My heart goes out to all involved in the Tonga volcano eruption. The images, videos and data is scary. ❤️https://t.co/agZIiW6U8N
— Kelly (@youdidntseemeok) January 18, 2022
Сателитските снимки покажуваат речиси идентични сцени на островите Коломоту, Тонгатапу и селото Фафа на островот Нукуалофа, кои се целосно покриени со пепел, пренесува британскиот весник „Гардијан“.
Додека некои згради сè уште стојат, други, според снимката, се чини дека се урнати.
На меѓународниот аеродром „Фуамоту“ пистата беше потопена и делумно покриена со пепел или земја, а други сателитски снимки покажуваат дека поплави имало и во неколку области по должината на брегот.
Leaked New Zealand military photos show scale of damage caused by Tonga volcano eruption https://t.co/N3XO0ETzbT
— Heleny Campoy 💙 (@hscampoy) January 18, 2022
Саботната ерупција на подморскиот вулкан Хунга Тонга-Хунга Хапаи, на речиси 65 километри северно од главниот град Тонга, се смета за најголемиот вулкански настан во последните 30 години.
На социјалните мрежи најпрвин бргу се појавија видеа и фотографии од цунами што ги погоди околните острови, но следуваше молк бидејќи беше оштетен главниот комуникациски кабел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
СЗО: Ширењето на мајмунските сипаници може да се контролира со правилни мерки

Невообичаеното ширење на вирусот на мајмунска сипаница лесно може да се спречи со правилни мерки, изјави шефицата на одделот за пандемија при Светската здравствена организација (СЗО), Силви Брајан.
СЗО предупредува дека 200 случаи на мајмунски сипаници регистрирани во последните недели во светот, надвор од земјите каде што често циркулира вирусот, би можеле да бидат само почеток, пренесе лондонскиот дневен весник „Гардијан“.
„Не знаеме дали го гледаме само врвот на ледениот брег, т.е. дали има уште многу случаи кои не се откриени “, рече Брајан на брифингот во петокот.
Откако Велика Британија првпат го откри случајот со мајмунска сипаница на 7 мај, речиси 200 заразени лица се пријавени во СЗО од земји далеку од оние каде што вирусот е ендемичен, а Европскиот центар за превенција и контрола на болести процени 219 такви случаи.
Случаи на зараза со вирусот на мајмунска сипаница се откриени во повеќе од 20 земји ширум светот, вклучувајќи ги САД, Австралија, Обединетите Арапски Емирати и речиси десетина други земји од Европската унија.
Регион
Димитров: Северна Македонија е генетски поврзана со Србија и Русија

Проблемот со европската интеграција на Северна Македонија не е централен за бугарскиот политички државен поредок. Формално, секоја влада носи одлуки во надворешната политика.
Ова за БНР го изјави Ангел Димитров, копретседател на Заедничката бугарско-македонска комисија за историски и образовни прашања од бугарската страна. Тој цени дека нема потреба да се свикува Советот за национална безбедност на оваа тема, бидејќи, како што вели, топката не треба постојано да се префрла од една во друга институција, објави БГНЕС.
Според него, Северна Македонија го прифаќа билатералниот договор за пријателство и добрососедство како формален чин, како билет за ЕУ, а не како цврста политичка определба.
„Не треба да живееме со идејата за мимикрија на активност, за лажни сигнали дека нешто се случува кога нема резултати“, додаде тој. Според Димитров, зад избрзаните постапки на бугарскиот премиер Кирил Петков со еуфоричното убедување дека може да се одврзе комплексен јазол, очигледно стојат акции кои остануваат јавно непознати, а тоа создава тензија кај бугарското општество.
Тој нагласи дека нема ништо заедничко меѓу позицијата на Бугарија и руските интереси, а тезата е несериозна и непријатна.
„РСМ има држава која е генетски поврзана со Србија и Русија. И не може или не сака да им сврти грб. Затоа, навестувањата за бугарска позиција во служба на Русија или Србија се апсурдни. Бугарија силно ја поддржа евроатлантската интеграција на Северна Македонија за да и помогне да излезе од старата југословенска комунистичка орбита. Треба да се биде внимателен со вакви евтини политички мантри кои ја дискредитираат нашата земја“, додаде тој.
Регион
Почина поранешниот претседател на Албанија, Бујар Нишани

На 56-годишна возраст почина поранешниот претседател на Република Албанија Бујар Нишани, по сериозни здравствени проблеми, соопшти претседателската канцеларија во земјата.
„Претседателот Нишани ќе остане запаметен како личност со ретки вредности на лидер со интегритет и визија. Неговиот придонес за Албанија и демократијата засекогаш ќе се памети со почит“, напиша актуелниот албански претседател Илир Мета на својот Фејсбук профил.
Нишани повеќе од еден месец бил префрлен од болницата Шефќет Ндроќи во болница во Германија на специјализирано лекување, но во меѓувреме паднал во кома.
Бујар Нишани е роден на 29 септември 1966 година, а претседателската функција ја презеде на 24 јули 2012 година и ја заврши во јули 2017 година.