Државниот секретар за односи со Светата столица и надбискуп Пол Ричард Галагер ја обвини администрацијата на американскиот лидер Доналд Трамп дека сака да го искористи папата Франциско.

Според Галагер, администрацијата на Трамп тоа го прави со организирање симпозиум за верска слобода за време на посетата на американскиот државен секретар Мајк Помпео на Рим.

Галагер потврдно одговори на прашањето на „Анса“ дали организирањето симпозиум за верски слободи во американската амбасада во Ватикан претставува експлоатација на папата во последната фаза од американската претседателска кампања.

„Да, токму затоа папата нема да се сретне со американскиот државен секретар Мајк Помпео“, рече Галагер.

За време на посетата Помпео разговараше со италијанскиот премиер Џузепе Конте, а ќе се сретне и со министерот за надворешни работи Луиџи ди Мајо и со државниот секретар на Ватикан Пјетро Паролин, но не и со папата Франциско.

Неименувани извори од Ватикан изјавија дека состанокот со толку висок функционер од администрацијата на Трамп ќе биде несоодветен поради ближењето на изборите.

„Твитер“ ја блокираше официјалната сметка на унгарската влада без никакво образложение, објави на Фејсбук портпаролот на унгарската влада Золтан Ковач.

„Се чини дека дојде овој нов доблесен свет, во кој технолошките гиганти ги замолчуваат оние што имаат поинакво мислење. Ги презедовме потребните чекори и очекуваме официјално објаснување од Твитер“, рече Ковач, пренесува агенцијата МТИ.

Тој оцени дека тоа е многу интересно со оглед на фактот дека Европската комисија денес ќе го објави првиот извештај за владеењето на правото

Американскиот државен секретар Мајк Помпео го повика Ватикан да им се придружи на САД во осудата за наводното кршење на верските слободи во Кина.

Тој изјави дека Католичката црква треба да ја води борбата за основните човекови права.

На конференцијата за верска слобода, организирана од американската амбасада во Ватикан, Помпео рече дека никаде во светот верските слободи не се нападнати толку многу како во Кина, пренесува АП.

„Ние мора да ги поддржуваме оние кои бараат поголеми слободи“, рече Помпео.

Во исто време, тој повика на поголема посветеност на верските водачи и да се заложат за сите верници.

Секретарот на Светата столица за односи со државите, Пол Ричард Галагер, истакна дека Ватикан ја нагласува важноста на дијалогот и заемното почитување во сите свои дипломатски односи.

Во пресрет на неговата посета на Ватикан, Помпео напиша есеј објавен во магазинот „Фрст тингс“, во кој посочи дека Ватикан го загрозил својот морален авторитет со потпишување на договор со Пекинг во 2018 година.

„Близината на посетата на Помпео на Ватикан со претседателските избори во САД е причината зошто Светиот Отец не го прими државниот секретар на САД“, рече Галагер.

Наместо со папата, Помпео се состана со Галагер и со државниот секретар на Ватикан, кардинал Пјетро Паролин.