Гасоводот „Северен тек 2“ е како Европа да инвестира во руско оружје и е опасен за Европа, рече полскиот премиер Матеуш Моравјецки за време на дискусијата во Атлантскиот совет, пренесува полскиот портал „Бизнес алерт“.

„Не мислам дека во Полска постои силна антируска реторика. Сепак, има некои прашања што не ни се допаѓаат – на пример, Северен тек 2“, рече Моравјецки, додавајќи дека изградбата на гасоводот е како Европа да вложува пари во руско оружје.

Шефот на полската влада го критикуваше ставот на Германија во врска со изградбата на рускиот гасовод. Моравјецки посочи дека во владејачката партија во полскиот Парламент постојат различни мислења кога станува збор за односите со Германија, меѓутоа, Варшава не го прифаќа „Северен тек 2“.

Според полската страна, „европските пари за тој гасовод се финансираат руско оружје“, истакна премиерот и додаде дека со овој проект ќе и се овозможи на Москва да ја отсече Украина од снабдувањето со гас во Европа, а потоа да прави што сака со таа земја , пренесува „Спутник“.

„Затоа Северен тек и Северен тек 2 претставуваат таква опасност за нашиот регион. Токму затоа ја критикуваме Германија“, заклучи Моравјецки.

Новите 90-минутни ДНК-тестови за коронавирус, грип и други респираторни вируси ќе бидат достапни во британските болници и старски домови од следната недела, објави британската влада.

„Фактот дека овие тестови можат да откријат грип и Ковид-19 ќе биде од голема корист за нас кога ќе дојде зимата“, рече британскиот министер за здравство Мет Хенкок, пренесува „Њу сајентист“.

Владата на Велика Британија обезбеди 5,8 милиони ДНК-тестови и 5.000 машини за тестирање на ДНК од компанијата DNA Nudge, како и 450.000 тестови од друга британска компанија – Оксфорд Нанопоре.

Во моментов нема јавно достапни податоци за точноста на новите тестови, но Џон Бел од универзитетот Оксфорд, кој ја советува владата за тестирање, за „Би-би-си“ изјави дека новите тестови имаат иста чувствителност како постојните лабораториски тестови. Компанијата „DNA Nudge“ тврди дека нивниот тест има точност од 98 проценти.

Земјотрес со интензитет од 5,7 степени според Рихтеровата скала ја потресе провинцијата Малати во југоисточниот дел на Турција, соопшти Институтот за истражување земјотреси.

Потресот бил на длабочина од пет километри, пренесе „Ројтерс“.

Според информациите, земјотресот предизвикал неколку материјални штети, но нема извештај за евентуални жртви или повредени.

Турскиот Директорат за вонредни состојби навел дека земјотресот бил со магнитуда од 5,2 степени.