Свет
Трамп избра десничарски коментатор за заменик-директор на ФБИ

Американскиот претседател Доналд Трамп го назначи десничарскиот коментатор и подкастер Ден Бонгино за заменик директор на ФБИ.
Трамп на социјалните мрежи објави дека Бонгино е „човек со неверојатна љубов и страст за Америка“ и дека ќе служи под новоименуваниот директор на ФБИ, Каш Пател.
Бонгино (50) е поранешен член на Њујоршката полиција и на Тајната служба и има работено во тимови за заштита на двајца претседатели – Џорџ В. Буш и Барак Обама.
Thank you Mr. President, Attorney General Bondi, and Director Patel. pic.twitter.com/bJqIDbWLEE
— Dan Bongino (@dbongino) February 24, 2025
„Благодарам господине претседателе, јавен обвинителу Бонди и директоре Пател“, напиша Бонгино на Икс по објавата на Трамп.
Американскиот претседател во неделата на социјалните мрежи рече дека Бонгино е „подготвен да се откаже“ од подкастот „за да служи“.
„Правдата, законот и редот ќе се вратат во Америка и тоа брзо“, додаде Трамп.
Тој исто така истакна дека Бонгино ќе заврши „неверојатна работа“ во ФБИ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски пристигна во Белата куќа

Украинскиот претседател Володимир Зеленски пристигна во Белата куќа, објави Скај њуз.
Го пречека Трамп, со кого позираше пред камерите.
Претходно, „Ројтерс“ објави дека Зеленски подготвува презентација за Доналд Трамп во која ќе објасни како Украина би ги користела крстосувачките ракети „Томахавк“ доколку САД одобрат нивна испорака.
Според агенцијата, Киев смета дека овие ракети со домет од над 1.600 километри би можеле да го променат текот на војната, овозможувајќи напади врз цели длабоко во Русија, вклучувајќи енергетски постројки и воени бази.
Регион
Вучиќ: Србија ќе се приклучи на развојот на руската вакцина против рак

Претседателот на Србија, Александар Вучиќ, изјави дека разговарал со Александар Кецман, директор на Институтот „Гамалеја“ во Москва, кој го информирал дека во Русија се развива вакцина против рак.
„Ми објаснија одредени работи. Имаме голем процент на заболени од рак. Оваа вакцина е поинаква, бидејќи им помага на веќе болните луѓе — не е превентивна. Може да биде успешна до 85 проценти,“ рече Вучиќ.
Тој додаде дека Србија ќе се вклучи во проектот веднаш штом Русија го дозволи тоа:
„Ќе подготвиме целосна инфраструктура за да бидеме спремни за два до три месеци. Не можеме уште да ја произведуваме, но ќе направиме сè за да бидеме подготвени.“
Вучиќ нагласи дека во Србија има повеќе случаи на малигни заболувања отколку во другите земји, што, според него, е поврзано со последиците од бомбардирањето во 1999 година.
Свет
Ројтерс: Зеленски ќе му презентира на Трамп план за користење на ракетите „Томахавк“

Украинскиот претседател Володимир Зеленски подготвува презентација за Доналд Трамп во која ќе објасни како Украина би ги користела крстосувачките ракети „Томахавк“ доколку САД одобрат нивна испорака, објави Ројтерс повикувајќи се на висок извор.
Според агенцијата, Киев смета дека овие ракети со домет од над 1.600 километри би можеле да го променат текот на војната, овозможувајќи напади врз цели длабоко во Русија, вклучувајќи енергетски постројки и воени бази.
Сепак, не е извесно дали Трамп ќе ја прифати украинската аргументација. Тој вчера изјави дека на САД им се потребни сопствените залихи на „Томахавк“ и изрази загриженост поради нивното исцрпување.