Свет
Трамп: На Швеѓаните им кажав дека АСАП Роки нема да им побегне и се залагав за кауција
Додека очите на светската јавност се насочени кон тензиите со Иран, американскиот претседател, Доналд Трамп, интензивно се бави со случајот на раперот АСАП Роки кој е затворен во Шведска.
„Имав многу добар и продуктивен телефонски разговор со шведскиот премиер Стефан Лофвен, кој ми вети дека тамошните власти ќе имаат фер однос кон американскиот државјанин АСАП Роки. Јас, исто така, го убедив дека АСАП нема да избега и лично се заложив за негова кауција или некоја друга алтернатива… Нашите тимови ќе бидат во контакт и се согласивме да разговараме повторно во следните 48 часа“, напиша Трамп на „Твитер“.
Како што претходно објави Си-ен-ен, првата дама на САД, Меланија Трамп и познатиот рапер Канје Вест побарале од Трамп да се вклучи во случајот Роки, што подоцна американскиот претседател и лично го обелодени на „Твитер“.
Роки, чие вистинско име е Раким Маерс, во Шведска беше уапсен на почетокот од јули, поради инцидент што се случил по концертот во Стокхолм на 30 јуни.
Реперот и неговата придружба, наводно, со стаклени шишиња претепале и расекле човек.
Судиите проценија дека АСАП Роки би можел да избега од Шведска, па му изрекоа мерка притвор додека трае истрагата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху најави дека израелските напади врз Иран ќе се интензивираат
Нападите на Израел врз Иран ќе продолжат да се интензивираат, вели израелскиот премиер Бенјамин Нетанјаху по состанокот со министерот за одбрана Израел Кац, началникот на Генералштабот на ИДФ, генерал-потполковник Ејал Замир, и шефот на Мосад, Дејвид Барнеа.
„Нашите сили сега напаѓаат во срцето на Техеран со зголемен интензитет, а ова само ќе се интензивира дополнително во наредните денови“, вели Нетанјаху од покривот на седиштето на ИДФ Кирја во Тел Авив.
„Сепак, ова се болни денови“, вели тој, осврнувајќи се на смртоносните ирански напади во Тел Авив и Беит Шемеш.
„Моето срце е со семејствата и во име на сите вас, граѓаните на Израел, им испраќам желби за брзо закрепнување на ранетите.“
Свет
Трамп изјави дека 48 ирански лидери се убиени во тековните американско-израелски напади
Американскиот претседател Доналд Трамп изјави дека 48 ирански лидери се убиени во тековните американско-израелски напади врз земјата.
„Никој не може да поверува во успехот што го имаме, 48 лидери исчезнаа одеднаш. И се одвива брзо“, беше цитиран Трамп во интервју за Фокс њуз.
Во посебно интервју за Си-Ен-Би-Си, тој вели дека американската операција во Иран е „пред предвидениот рок“.
Свет
Израелската војска пак го нападна Иран
Израелската војска соопшти дека нејзините сили започнале со спроведување нови воздушни напади врз иранскиот главен град.
„Воздухопловните сили сега започнаа нов бран напади во срцето на Техеран“, се вели во краткото соопштение на „X“.

