Свет
Трамп: Ќе се обидам да вратам дел од територијата на Украина, за танго се потребни двајца

Претседателот на САД, Доналд Трамп, изјави во Белата куќа дека неговата средба со Владимир Путин ќе биде „разговор за да се опипа теренот“, но тој верува дека рускиот претседател „сака да го направи тоа што е можно поскоро“.
„Ќе разговарам со Владимир Путин и ќе му кажам: „Мора да ја запрете оваа војна, мора да ја завршите“, рече Трамп. Тој, исто така, изјави дека ќе „се обиде да врати дел од територијата на Украина“ за време на средбата со рускиот претседател.
„Русија окупираше голем дел од Украина. Тие окупираа стратешки важна територија. Ние ќе се обидеме да вратиме дел од таа територија на Украина“, рече тој на прес-конференција во Белата куќа.
Додаде дека се надева на „конструктивен“ разговор и дека веднаш по состанокот, „можеби додека ја напушта просторијата или додека е во авионот“, ќе ги повика европските лидери за да ги информира за содржината на разговорот.
„Се согласувам многу добро, мислам, со сите нив. Исто така се согласувам и со Зеленски, но многу, многу сериозно не се согласувам со она што го направи. Ова е војна што никогаш не требаше да се случи… Но, ќе разговарам со Зеленски. Следната средба ќе биде со Зеленски и Путин, или Зеленски и Путин заедно, и ќе бидам таму ако им требам“, рече Трамп.
Тој повторно го критикуваше украинскиот претседател, истакнувајќи: „Малку ми пречи што Зеленски рече дека мора да добие уставно одобрение. Мислам, тој има дозвола да оди во војна и да убива луѓе, но дали му треба дозвола за размена на територии? Ќе има размена на територии, го знам тоа преку контакти со Русија и преку разговори со сите – за доброто на Украина. Добри работи, не лоши работи, иако ќе има лоши работи за двете страни. Значи, има добро и лошо, но е многу сложено бидејќи границите не се рамни. Ќе има некои замени, некои промени на територијата.“
Трамп рече дека може да преговара за договор, но дека одлуката дали ќе го прифати или отфрли ќе зависи од Украина.
„Ќе се сретнам со него (Путин), ќе видиме кои се параметрите, а потоа ќе им се јавам на претседателот Зеленски и на европските лидери и ќе им кажам каква би можела да биде понудата. Нема да постигнам договор, тоа не зависи од мене. Мислам дека треба да се постигне договор за двете страни.“
Конечно, тој истакна: „Би сакал да видам прекин на огнот. Би сакал да видам најдобар можен договор за двете страни. Знаете, за танго се потребни двајца.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Келог: Русија не го добива конфликтот, Украина се бори храбро

Специјалниот претставник на американскиот претседател, Кит Келог, изјави дека Русија не го добива конфликтот во Украина. Неговите зборови ги пренесува „Скај њуз“ од Варшавскиот безбедносен форум.
Келлог истакна дека Европа денес е сведок на конфликт каков што не е виден од Втората светска војна. Според неговата процена, Москва не напредува во согласност со своите цели, а украинската страна се бори храбро и исклучително добро. Тој нагласи дека борбата меѓу Москва и Киев мора да заврши.
Претходно, портпаролот на рускиот претседател, Дмитриј Песков, нагласи дека Русија продолжува да ги спроведува своите стратешки воени операции во Украина, насочени и кон сегашноста и кон иднината на земјата. Песков потсети дека претседателот Владимир Путин постојано ја нагласувал потребата од решавање на основните причини за украинската криза, како и потребата Москва да ги постигне целите поставени од почетокот на конфликтот.
Фото: принтскрин
Свет
Песков: Украина продолжува со милитаристичка политика наместо дијалог

Украина продолжува со својата милитаристичка политика наместо дијалог, изјави денес Дмитриј Песков, портпарол на рускиот претседател, Владимир Путин.
„Гледаме дека тие (Украина) продолжуваат со овој милитаристички став наместо да размислуваат како да се вклучат во дијалог со цел заеднички да бараат безбедносни гаранции за време и во рамките на дијалогот“, изјави Песков пред новинарите, пренесува „РИА новости“.
Тој додаде дека Кремљ слуша разни гласови од европските престолнини и затоа продолжува да ја следи ситуацијата.
Одговарајќи на прашање за изјавите на претседателката на Европската комисија, Урсула фон дер Лајен, во врска со создавањето ѕид од беспилотни летала во Европа, Песков рече дека историјата покажува дека градењето ѕидови е секогаш лоша работа.
„Многу е тажно што оваа милитаристичка конфронтациска политика на Украина сега потенцијално би можела да почне да се материјализира во создавање нови ѕидови на поделба“, истакна тој.
Фото: принтскрин
Европа
„Шпионирала за Киев, планирала да труе војници“: Русите уапсија готвачка на Крим

Федералната служба за безбедност (ФСБ) на Русија објави дека уапсила 45-годишна Русинка, главен готвач во ресторан во Севастопол, на Крим, под сомнение за шпионажа за Украина и план за труење руски војници, објави „Киев пост“.
Неименуваната жена, која е во притвор, е обвинета дека работела за Главната дирекција за разузнавање на Украина (ХУР) во последните две години. ФСБ тврди дека таа ги понудила своите услуги на украинската разузнавачка служба уште во септември 2023 година.
Таа наводно користела „Воцап“ за да споделува информации со своите врски за локациите и за рутите на рускиот воен персонал и опрема во Севастопол, поранешното главно пристаниште на руската Црноморска флота. ФСБ конкретно тврди дека таа фотографирала бродови на Црноморската флота стационирани во Севастополскиот Залив, кои подоцна биле користени од украинските вооружени сили за планирање ракетни напади.
Таа е обвинета и за план за труење припадници на руските специјални сили, кои го посетувале ресторанот во кој работела.
Кримскиот одред на ФСБ соопшти дека жената е обвинета за велепредавство според член 275 од Рускиот кривичен законик додавајќи дека истрагата за нејзините криминални активности е во тек. Во соопштението за медиумите на ФСБ се наведува дека ова е уште еден пример за тоа како „украинските специјални служби ја дестабилизираат општествено-политичката ситуација и предизвикуваат економска штета на државата со активно регрутирање сторители на саботажи и терористички напади“.
фото: принтскрин