Свет
Тројца мртви, петмина повредени при напад на јога студио во Флорида

Три лица се мртви, а петмина се повредени при напад на студио за јога во трговски центар во главниот град на Флорида. Вооружениот напаѓач убил двајца и рани пет лица во студио за јога во трговски центар во главниот град на Флорида, пред да се самоубие.
Шефот на полицијата Мајкл Де Лео изјави дека неидентификуван напаѓач, кој бил сам, влегол во студиото и почнал да пука, а откако повредил петмина, фатално се застрелал.
Полицијата подоцна го идентификуваше напаѓачот како Скот Паул Бејерл (40), а како жртви во инцидентот се идентификувани и д-р Нанси Ван Весем (61) и Маура Бинкли (21).
Претседателот на државниот универзитет во Флорида, Џон Трашер, рече дека Ван Весем и Бинкли биле дел од унивезитетот. ,,Катастрофално е да се загуби еден од нашите студенти и еден од нашите членови на факултетот на ваков трагичен и насилен начин”. Тој изрази сочуство до семејствата на загинатите и им посака брзо опоравување на повредените.
Де Лео рече дека полицијата бара очевидци кои забележале нешто необично пред да се случи инцидентот. Тој рече дека напаѓачот делувал сам и властите ги испитуваат можните мотиви. Тој одби да каже со каков пиштол пукал напаѓачот.
,,Сите сме многу тажни и шокирани од настаните што се случија”, рече Де Лео.
Мелиса Хатчинсон рече дека му помогнала на човек кој бил ранет и многу крварел и се упатил кон барот по пукањето. Таа вели дека забележала како три лица бегаат од студиото предупредувајќи дека внатре има вооружен маж.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Иранците со кои преговарав се мртви и не умреа од грип или ковид

Претседателот на САД, Доналд Трамп, за CNN изјави дека САД го поддржуваат Израел и ги нарече нападите врз Иран „многу успешни“.
„Секако дека го поддржуваме Израел, очигледно. Го поддржавме како никој досега“, рече Трамп во краткиот телефонски разговор.
„Иран требаше да послуша кога им кажав… Не знам дали знаете, но им дадов 60-дневно предупредување, а денес е 61-виот ден“, додаде тој.
„Тие треба да седнат на маса сега и да постигнат договор пред да биде предоцна. Ќе биде предоцна за нив. Знаете, луѓето со кои разговарав повеќе не се живи, тврдокорните“, рече Трамп, одбивајќи да прецизира на кого точно мисли.
На прашањето дали ова е последица од синоќешниот израелски напад, Трамп саркастично одговори: „Тие не умреа од грип, не умреа од ковид“.
CNN објави дека државниот секретар на САД, Марко Рубио, претходно изјави дека САД не учествувале ниту помагале во нападите.
Свет
Русија ја осудува острата ескалација на тензиите меѓу Израел и Иран

„Русија е загрижена и ја осудува острата ескалација на тензиите“, изјави портпаролот на Кремљ, Дмитриј Песков, пренесува руски „Интерфакс“.
Тој изјави дека рускиот претседател Владимир Путин добива онлајн-извештаи за настаните што се случуваат меѓу Израел и Иран.
„Претседателот Путин добива извештаи во реално време од руското Министерство за одбрана, Службата за надворешно разузнавање и од Министерството за надворешни работи за настаните во регионот“, рече Песков.
Според него, руското Министерство за надворешни работи, по наредба на претседателот на Русија, набргу ќе издаде детаљно соопштение за ситуацијата меѓу Израел и Иран, „кое потоа ќе биде дистрибуирано до Обединетите нации“.
Свет
Израел ги скри патничките авиони на тајна локација надвор од земјата

Израелските авиокомпании „Ел Ал“, „Аркија“ и „Исраир“ ги преместија своите авиони надвор од земјата на непозната локација како подготовка за можен ирански напад врз аеродромот „Бен Гурион“, јавува дописникот на „Скај њуз“ од Блискиот Исток.
Авионите беа транспортирани без патници како дел од однапред подготвени безбедносни протоколи во случај на понатамошна ескалација и напади врз клучна инфраструктура.
Ноќеска, Израел изврши голем воздушен напад врз повеќе цели во Иран. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување ураниум во Натанц.