Севернокорејскиот лидер Ким Џонг-ун му оддаде почит во мавзолејот на неговиот дедо Ким Ил Сунг денес, одбележувајќи го роденденот на основачот на државата, пренесе агенцијата КЦНА.

Ким и неговата сопруга Ри Сол-ју го следеа настапот и танцувањето во палатата на сонцето Кумсуман, каде што почиваат неговиот татко и дедо, објави „Ројтерс“.

„Кога заврши приредбата, публиката му наздрави на генералниот секретар, односно лидерот на севернокорејската Работничка партија, Ким Џонг-ун“, се наведува во извештајот.

Прескокнувањето на Ким за славење на роденденот на основачот на државата отвори простор за шпекулации за неговото здравје, а бројни непотврдени извори за неговата состојба изјавија дека тој е во животна опасност по операцијата.

Претходно овој месец, Северна Кореја соопшти дека нема да учествува на Олимписките игри во Токио поради загриженост за коронавирусот, што ги уништи надежите на Јужна Кореја дека игрите би можеле да бидат место за продолжување на мировните разговори.

Северна Кореја тврди дека немала случаи на коронавирус.

Кризниот штаб на Србија донесе одлука децата да се вратат на училиште. Според членот на Кризниот штаб, Предраг Кон, состојбата повеќе не е вонредна.

Кон, исто така, изјави дека е одлучено да почнат и подготовките за одржување на белградскиот маратон во јуни.

„За останатото ќе се види, зависи директно од ситуацијата. Што се однесува до другите мерки, нема промени. Останува како што беше досега“, изјави Кон.

Тој посочи дека бројот на отпуштања пациенти во српските болници е зголемен во однос на бројот на приеми, дека ситуацијата повеќе не е вонредна, но дека е неповолна.

Кон посочи дека целта е да се достигнат три или 3,5 милиони луѓе кои примиле две дози вакцина против коронавирус што е можно поскоро. Бројот на оние кои ја примиле втората доза досега надмина 1,2 милиони.

Вакцината „спутник В“ исто така може добро да ги заштити животните од коронавирусот, изјави директорот на Државниот истражувачки центар за епидемиологија и микробиологија „Гамалеја“, Александар Гинцбург.

Тој истакна дека сè уште има приоритети во однос на вакцинацијата.

„Убеден сум дека ‘спутник В’ добро ќе ги заштити животните, но прво мора да ги вакцинираме луѓето“, рече Гинцбург.

Тој забележа дека е потребно да се вакцинираат животните, не само за да се заштитат, туку и да се запре циркулацијата на вирусот помеѓу нив и луѓето.

„’Спутник В’ беше тестиран на животни во центарот ‘Гамалеја’ и врз нив беа извршени сите претклинички тестови, па со сигурност можеме да кажеме дека дејствува. Вакцината направена специјално за животни е многу поевтина од вакцината за луѓе“, нагласи Гинцбург.

Вакцината „спутник В“ е регистрирана во скоро 60 земји со вкупно население од околу три милијарди луѓе. Ефикасноста на препаратот е 91,6 проценти, што беше потврдено во списанието „Лансет“, едно од најстарите и најценетите медицински списанија во светот.