Свет
Украина: За првпат откривме руска соба за мачење деца
Украинските истражители открија „соба за мачење“ во неодамна ослободениот град Херсон, каде што руските сили наводно држеле и малтретирале деца, изјави украински официјален претставник.
Руските сили ги држеле децата во, како што ги нарекоа, „детски ќелии“ и им давале многу малку вода и речиси воопшто храна, изјави шефот на украинската канцеларија за човекови права, Дмитро Лубинец, повикувајќи се на сведоштва на жителите на Херсон.
Според овие сведоштва, децата биле подложени на психичка тортура. Според сведоците, руските војници им рекле дека родителите ги оставиле и дека никогаш нема да се вратат дома.
14-годишно момче било фатено и подоцна мачено само затоа што фотографирало уништена руска опрема, тврди Лубинец.
„За прв пат снимивме мачење на деца. Мислев дека нема ништо полошо по Буча и Ирпин, но дното навистина беше достигнато во Херсон“, додаде тој.
„Гардијан“ наведува дека овие тврдења не се независно проверени, а руската страна се уште не ги коментирала. Новинарите на „Гардијан“ претходно посетија друга „соба за мачење“ во Херсон. Украинската страна тврди дека таму биле приведени десетици мажи кои биле тепани, мачени со електрошокови од руски војници, а некои од нив биле убиени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Зохран Мамдани, новиот градоначалник на Њујорк, прослави со боливудски хит
Прославата на победата на Зохраб Мамдани на изборите за градоначалник на Њујорк имаше неочекуван саундтрак – популарната боливудска песна „Дум Мачале“ одекнуваше низ салата додека новиот градоначалник го славеше историскиот момент, објавува „Хиндустан тајмс“.
На 34-годишна возраст, Мамдани влезе во историјата станувајќи не само првиот муслимански градоначалник на Њујорк, туку и најмладата личност избрана на функцијата во последните сто години.
Mamdani ended his speech with Dhoom Machale 😭😫 pic.twitter.com/21TBjSbk26
— L (@rebrandthisshi) November 5, 2025
Демократскиот социјалист победи со прогресивна програма, поразувајќи го поранешниот гувернер Ендру Куомо и републиканецот Кертис Слива.
фото: принтскрин
Свет
(Видео) Маж несоодветно ја допрe претседателката на Мексико среде улица
Додека претседателката на Мексико, Клаудија Шејнбаум, разговараше со граѓани во Мексико Сити, еден маж ненадејно помина зад неа, се обиде да ја бакне во образ и накратко ја допре.
Обезбедувањето веднаш реагираше и го тргна човекот.
На снимката се слуша како Шејнбаум мирно вели „Не грижете се“, додека го одбива напаѓачот и продолжува да се насмевнува.
Шејнбаум често влегува меѓу народот, се ракува и фотографира со граѓани — исто како и нејзиниот претходник Андрес Мануел Лопез Обрадор.
Свет
Американците без плата, откажани летови: владата на САД е во блокада веќе 36 дена
Блокадата на американската федерална управа е најдолгата во историјата на САД, влегувајќи во својот 36-ти ден во среда, бидејќи Конгресот и понатаму нема одобрено федерален буџет. Претходното најдолго затворање во историјата на САД беше за време на првиот мандат на претседателот Доналд Трамп, кој затвори многу федерални операции повеќе од пет недели кон крајот на 2018 и почетокот на 2019 година.
Колку долго ќе трае прекинот на работата зависи од тоа дали двете страни можат да постигнат договор. Се очекува Сенатот да одржи нови рунди гласања во среда, додека Претставничкиот дом, вториот дом на Конгресот, не е закажан да се состане оваа недела, иако би можел да се состане во зависност од околностите.
Поради блокадата федералната влада е без средства за секојдневна работа и плати. Федералните трошоци практично се запрени, ставајќи ги во опасност многу агенции и канцеларии. Само оние агенции што се сметаат за неопходни се исклучок. Ова станува сè поочигледно во секојдневниот живот во САД.
Многу федерални вработени не ги добиле своите плати од октомври. На некои аеродроми има долги редици бидејќи пријавувањето на патниците не се одвива како и обично. Поради недостиг на контролори на летање кои побарале други работни места, секој ден се откажуваат бројни летови.
Оние кои зависат од помошта во храна во моментов мора да чекаат подолго за неа. Несуштинските институции мораа да ги затворат или да ги испратат своите вработени на присилен одмор.
Конгресот на САД требаше да се согласи за нов федерален буџет до крајот на септември, но привремениот буџетски предлог предложен од Републиканската партија на Трамп не го доби потребното мнозинство. Предлогот на демократите претходно беше отфрлен.
фото: принтскрин

