Свет
Украински војници од Бахмут: Се плашиме дека Русите ќе не опколат

Двајца украински војници кои се борат во источниот град Бахмут велат дека стравуваат од обид за руско опкружување на градот.
„Ситуацијата во градот е многу алармантна, но ние продолжуваме да се бориме“, рече еден војник, кој Си-Ен-Ен не го идентификува од безбедносни причини.
Неименуван војник во Бахмут, со кој Си-Ен-Ен е во постојан контакт со недели, рече дека има интензивни улични борби, но и дека, иако руската закана продолжува да расте, тој не верува дека Русите ќе постигнат значителен напредок во наредните денови.
„Ова е многу загрижувачко за нас и за сите што се со разум, особено за оние кои видоа што се случи со луѓето кои беа опколени во Соледар. Бевме таму и никој не сака тоа да се повтори“, рече војникот.
Украинската заменик-министерка за одбрана Хана Малиар потврди дека Русија „го зголемува притисокот“ врз Бахмут.
„Непријателот фрла значителен број луѓе, оружје и воена опрема во битката обидувајќи се да ја пробие нашата одбрана. Тој трпи значителни загуби, но не се откажува од своите планови“, истакна Хана Малиар на Телеграм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Украина објави нова проценка за руските загуби

Украина објави нови податоци за руските загуби од почетокот на инвазијата минатата година до денеска.
Според нив досега се убиени 125 510 руски војници, 800 во последните 24 часа.
Орієнтовні втрати окупантів за минулу добу склали:
800 вбитими
7 танків
4 бойові броньовані машини
8 артсистем
1 РСЗВ
1 літак
1 вертоліт
Слава Захисникам України!🇺🇦 pic.twitter.com/jabn12Bs1s— Оперативний ЗСУ (@operativno_ZSU) January 28, 2023
Свет
Повторно пукање во Ерусалим, има повредени

Најмалку две лица се повредени во пукање во археолошкиот локалитет Давидов град во Ерусалим, Израел.
Како што наведоа од полицијата, напаѓачот бил неутрализиран.
Престрелката се случува за помалку од 24 часа по терористичкиот напад на синагога во населбата Неве Јаков во Ерусалим, во која загинаа седум лица.
Регион
Дачиќ: ЗСО останува главната точка на сите наши договори за Косово

Министерот за надворешни работи на Србија, Ивица Дачиќ изјави дека Заедницата на српските општини (ЗСО) останува главната точка на сите договори за Косово и дека таа мора да биде формирана според договорените принципи.
„Во бриселскиот договор од 2013 година јасно пишува што е ЗСО, уште подетално е регулирано во договорот од 2015 година, а ние го потпишавме затоа што е добро за нашата заедница на Косово“, изјави Дачиќ за „Политика. “.
„Договорот не е идеален, но во услови во кои го преговаравме е максимумот што можевме да го постигнеме“, рече Дачиќ.
Тој изјави дека овие договори се круна на учеството на Србија во дијалогот со посредство на Европската Унија, која самата се обврза да ги спроведе потпишаните.
Според неговото мислење, никогаш немало причина да не се спроведе договорот, освен упорното одбивање на Приштина да го спроведе и неограничената толеранција на западните посредници за нивно уништување.