Свет
„Фејсбук“ избриша објава на Трамп, а „Твитер“ му го ограничи пристапот
„Фејсбук“ првпат избриша објава на американскиот претседател Доналд Трамп велејќи дека ја крши политиката против ширење дезинформации за коронавирусот, а „Твитер“ му го ограничи пристапот на неговата кампања до нивната платформа, пренесува „Њујок пост“.
На објавата се наоѓа и видео во кое Трамп во интервју за „Фокс њуз“ вели дека децата се речиси имуни на Ковид-19.
„Ова видео вклучува лажни тврдења дека група луѓе се имуни на Ковид-19, што претставува кршење на нашите правила за штетни дезинформации за Ковид-19“, се вели во соопштението на „Фејсбук“.
Ова е првпат „Фејсбук“ да отстрани објава на Трамп наместо само да ја обележи, како што правеше во минатото.
Истиот видеоклип беше објавен на „Твитер“ од кампањата на Трамп, а потоа беше реобјавен на главниот профил на Трамп. „Твитер“, кој и претходно имаше судир со Трамп, го ограничи пристапот до пораката на платформата во средата вечерта и додаде известување во кое се вели дека објавата ги крши нејзините правила.
„Твитот од @TeamTrump ги крши правилата на Твитер за дезинформации за Ковид-19. Од сопственикот на сметката ќе се бара да го отстрани твитот пред да може повторно да објавува“, рече портпаролот на компанијата.
Кортни Парела, портпарол на кампањата на Трамп, рече дека претседателот навел факт дека децата се помалку подложни на коронавирусот.
„Нов ден, нов приказ на флагрантната пристрасност на силиконската долина против овој претседател, каде што правилата се спроведуваат само во една насока. Социјалните мрежи не се арбитри на вистината“, рече Парела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024
Свет
Од строго чуван затвор во Португалија побегнаа петмина затвореници
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.