Свет
„Фокс њуз“ ги трола Елон Маск и ДеСантис со наслов „Аматерски час“
![](https://makfax.com.mk/wp-content/uploads/2023/05/Фокс-њуз-тролање.jpg)
„Фокс њуз“ ги истролс гувернерот на Флорида, републиканецот Рон ДеСантис, и сопственикот на Твитер, Илон Маск, поради хаотичното лансирање на настанот „Твитер спејсес“ што гувернерот го искористи за да ја објави својата претседателска кандидатура, пренесува „Хил“.
Банер-насловот на „Фокс њуз“ во средата вечерта беше „Аматерски час – ‘Исфураната’ претседателска објава на Рон ДеСантис катастрофа на Твитер“.
На почетната страница на мрежата, исто така, беше прикажана светлоцрвен кајрон што се протега на дното на нејзината веб-страница со зборовите „ПРОГРАМСКА ЗАБЕЛЕШКА: Сакате навистина да го видите и слушнете Рон ДеСантис? Вклучете се во вестите на Фокс во 20 часот“.
ДеСантис требаше да се појави во емисија на „Фокс њуз“ со поранешниот републикански конгресмен Треј Гоуди во средата вечерта, веднаш по неговиот разговор со Маск.
Настанот „Твитер спејсес“, прв од ваков вид, имаше проблематичен почеток со аудио пречки и проблеми со поврзувањето, што ја одложи дискусијата за повеќе од 20 минути.
Маск и модераторот Дејвид Сакс, уште еден технолошки претприемач, се слушаа на фидот како велат „толку многу луѓе се пвклучуваат на просторот што ги урива серверите“.
„Треба да ставиме крај на културата на губење што ја зарази Републиканската партија во последниве години“, рече Де Сантис на средбата со Маск откако проблемите беа главно решени. Хаштагот #DeSaster (катастрофа) беше во тренд на Твитер.
Во екот на преносот, во Твитер-спејсот имаше само повеќе од половина милион слушатели, бројка што е бледа во споредба со ноќните прајм-тајм емисии на „Фокс“.
Поранешниот претседател Доналд Трамп, кој ќе му бидер ривал на ДеСантис на прелиминарните избори во Републиканската партија и кој во последниве недели немилосрдно го напаѓаше „Фокс“ поради покривањето на ДеСантис, се потсмеваше со проблематичното ланисирање на „Твитер спејсес“.
“Леле! Лансирањето на DeSanctus на Твитер е КАТАСТРОФА! Целата негова кампања ќе биде катастрофа. ГЛЕДАЈТЕ“, напиша поранешниот претседател.
Тој не се воздржа, па му се потсмеваше и на ДеСантис, кој само суптилно го критикуваше Трамп и ниту еднаш не му го спомна името за време на настанот
„Моето црвено копче е поголемо, подобро, посилно и функционира (ВИСТИНА!), објави Трамп, додавајќи: „Твоето не функционира.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.