Свет
Фондацијата на Бил Гејтс го финансира развојот на вакцината лепенка
Фондацијата „Бил и Мелинда Гејтс“ инвестира 23,6 милиони долари во американската биотехнолошка компанија „Микрон биомедијал“ за развој на масовна примена на вакцини без употреба на инјекции.
Новата технологија се базира на примена на вакцини со фластери со растворливи микроиглички. Технологијата долго време ја поддржуваат глобалните здравствени експерти поради нејзиниот потенцијал да го зголеми опфатот со вакцинација против смртоносни болести.
Полесно е за транспорт и администрирање од традиционалните вакцини, особено во посиромашните земји, каде што вакцинирањето на децата останува предизвик. Сепак, зголемувањето на производството е пречка.
Во тест-вакцинацијата на возрасни и новороденчиња во Гамбија оваа година технологијата на „Миркон“ за вакцина против сипаници и рубеола се покажа како безбедна и ефикасна како и традиционалната и произведе сличен имунолошки одговор. Вакцината е произведена од Институтот за серум во Индија.
„Технологијата може да помогне да се отстранат клучните бариери за искоренувањето на сипаниците и рубеолата на глобално ниво“, рече Џејмс Гудсон, постар научник во одделот за имунизација во американскиот Центар за контрола и превенција на болестите, партнерска институција на „Микрон“.
Ја елиминира потребата од ладен мост за време на транспортот, а примената не бара здравствен работник. Може да им помогне и на оние што имаат страв од игли, објави компанијата во четвртокот.
Финансирањето ќе овозможи развој на производство на десет милиони фластери годишно за поголеми клинички испитувања и поширока употреба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) „Спејс Икс“ лансираше ракета со тајна мисија за американската војска
Ракета „Фалкон 9“ на „Спејс Екс“ што носи доверлив товар за Националната извидувачка канцеларија на САД (НРО) беше лансирана вчера од лансирната рампа 40 на вселенската станица Кејп Канаверал во Флорида. Тоа беше уште една класифицирана мисија за националната безбедност на САД.
„Фалкон 9“ полета во 14:16 часот по источноамериканско време, пробивајќи се низ облачното небо над вселенската станица Кејп Канаверал. Мисијата е означена како НРОЛ-77, а товарот е, како и обично со НРО, обвиен во тајност.
Liftoff! pic.twitter.com/4iQmX6dSF8
— SpaceX (@SpaceX) December 9, 2025
Националната извидувачка канцеларија, која работи во рамките на Министерството за одбрана на САД, е одговорна за управување со американската флота шпионски сателити. Во официјалната изјава на НРО само се наведува дека мисијата „носи товар за национална безбедност дизајниран, изграден и управуван од НРО“, без да се дадат дополнителни технички или оперативни детали.
Falcon 9’s first stage lands on LZ-2 pic.twitter.com/63yup6zvUT
— SpaceX (@SpaceX) December 9, 2025
Ова беше седмиот лет на „Фалкон 9“ во 2025 година, со ознака „NROL-“. Порано оваа година беа лансирани мисиите NROL-153, NROL-57, NROL-69, NROL-192, NROL-145 и NROL-48, кои траеја од јануари до септември.
Првата фаза на „Фалкон 9“ успешно се врати на Кејп Канаверал, дополнително демонстрирајќи ја посветеноста на „Спејс Екс“ за повторна употреба на ракетните системи, дури и на сложени и чувствителни мисии за американската воена и разузнавачка заедница.
фото: unsplash
Свет
Трамп: „Царина“ е мојот омилен збор
Американскиот претседател Доналд Трамп изјави дека „царина“ е неговиот омилен збор, објавуваат американските медиуми.
„Би рекол дека мојот омилен збор е „царина“. Ја сакам повеќе од кој било друг збор во речникот“, рече Трамп вчера за време на настан во Пенсилванија, објавува „Њујорк пост“.
Тој додаде дека неговата царинска стратегија „носи стотици милијарди долари“ во САД, според американскиот весник.
Трамп рече дека работниците во челичарницата, особено во Пенсилванија, добиваат подобри резултати благодарение на неговата царинска стратегија.
„Доколку немаше царини, немаше да имате челик. Немаше да имаме челичарници во САД и тоа би било навистина лошо за националната безбедност“, рече Трамп.
Фото: Депозитфотос
Свет
Зеленски: Немаме сила да го вратиме Крим
Украина има реалистичен пристап кон идното членство во НАТО и е свесна дека во моментов нема ниту доволно сили ниту широка меѓународна поддршка за враќање на Крим, но нејзината позиција за статусот на тој полуостров останува непроменета, рече украинскиот претседател Володимир Зеленски.
Зеленски одговараше на прашање на Би-Би-Си за изјавата на Доналд Трамп во интервју за Политико, во кое Трамп изјави дека „Зеленски го замолил рускиот претседател Владимир Путин во 2019 година за враќање на Крим и членство на Украина во НАТО“.
„Ние сме реалисти; навистина сакаме да бидеме во НАТО. Според мене, ова е фер. Но, сигурно знаеме дека САД, како и некои други земји, искрено кажано, во моментов не ја гледаат Украина во НАТО. А Русија, без сомнение, никогаш не сака да нè види таму“, рече Володимир Зеленски.
Зборувајќи за Крим, Зеленски призна дека Украина во моментов нема воен или политички капацитет да го врати полуостровот под своја контрола.
„Дури и денес, кога станува збор за Крим, немаме сила целосно да го вратиме нашиот украински полуостров, Крим. Можеби го кажав ова на првата средба и верувам дека бев во право“, рече Зеленски.
Тој нагласи дека недостатокот на загарантирана поддршка не значи промена на основните принципи на Украина, вклучително и ставот за територијалниот интегритет на земјата. Според него, прашањето за Крим и нивото на консензус во рамките на меѓународната дипломатија за неговиот статус остануваат сложени.
„И искрено, да, денес немаме сила за сето тоа. Немаме доволно поддршка за сето тоа. Но, тоа веќе го кажав на првата средба. Мислам дека можев да го потврдам тоа на последната средба со Путин“, рече Володимир Зеленски.
Украинскиот претседател, исто така, рече дека е подготвен да одржи избори, но нагласи дека нивната легитимност и спроведување зависат од безбедносните услови и промените во законот. Тој додаде дека поддршката од Соединетите Американски Држави, Европската Унија и украинскиот Парламент е неопходна за организирање избори во воени околности.
Фото: депозитфотос

