Авганистанската авиокомпанија „Аријана ерлајнс“ негираше дека нејзин авион со 83 патници се урнал, како што објавија бројни светски медиуми.

„Имаше пад на авион, но тоа не е авион кој ѝ припаѓа на ‘Аријана ерлајнс’. Двата наши авиони кои денеска летаа до Кабул и до Њу Делхи безбедно слетаа“, рекол директорот на компанијата.

Освен неколку светски медиуми, и тројца високи авганистански владини функционери изјавија дека „боинг“ кој ѝ припаѓа на „Аријана ерлајнс“ се урнал југозападно од Кабул.

Си-би-ес сега известува дека станува збор за воен авион и дека загинале двајцата пилоти.

Сè уште не е познато чиј е авионот.

Новоизбраниот претседател на Хрватска, Зоран Милановиќ, на почетокот од годинава го зазеде местото на најпопуларен политичар, покажува истражувањето спроведено од агенцијата ИПСОП и според кое позитивен впечаток за него имаат 51 отсто од испитаниците, а негативен 41 отсто, пренесува хрватски „Индекс“.

Милановиќ оставил позитивен впечаток кај 87 отсто од гласачкото тело на СДП, но и кај 27 отсто од гласачкото тело на ХДЗ.

Пред пет години сличен рејтинг кај гласачите имаше и Колинда Грабар-Китаровиќ, која во 2015 година оставила позитивен впечаток кај 52 отсто од гласачите. Но затоа во 2010 година, кога победи на изборите, Иво Јосиповиќ имал поддршка од дури 72 отсто од гласачите.

Колинда Грабар-Китаровиќ ја напушта функцијата со поддршка од 45 отсто од граѓаните, а 48 отсто од испитаниците имале негативно мислење за неа.

Според истражувањето, 2020 година носи подобрување на оптимизмот и сега 28 отсто од граѓаните сметаат дека земјата се движи во добра насока, што е еден од најдобрите резултати во последните неколку години. Сепак, 63 отсто од граѓаните сè уште сметаат дека земјата се движи во лоша насока.

Владината политика сега ја поддржуваат 31 отсто од граѓаните, што е еден од подобрите резултати во последните неколку години, а 60 отсто од граѓаните и понатаму не ги поддржуваат потезите на владата.

Корисникот на социјалните мрежи по име Езекиел Лобо ги вџаши своите претплатници на Твитер, поставувајќи фотографија од џиновски комарец снимен покрај нормален комарец за споредба, пренесува „Спутник“.

Огромниот инсект, кој не можел веднаш да се класифицира, наводно е пронајден во градот Кордоба во централна Аргентина.

„Погледнете ја големината на комарецот што тукушто влета низ мојот прозорец. Исплашен сум“, напиша Лобо.

Инсектот веднаш бил уништен од мајката на Лобо со помош на инсектицид. Тој побарал информации на интернет за инсектот, но не можел да најде ништо. Тој шпекулираше дека суштеството или е од Чернобил, озлогласен поради нуклеарната катастрофа, или од Џуманџи, измислен свет во џунгла полна со опасни sверови.

Многу од неговите претплатници беа шокирани од големината на инсектот, а некои посочуваат дека станува збор за мутант. Други истакнаа дека забележале слични инсекти, истакнувајќи дека инсектот всушност личи на Psorophora ciliata која обично се појавува по поплави и е главно безопасна.