Свет
Хакерска група поврзана со Иран тврди дека ги пробила серверите на ИАИ

Релативно новата хакерска група Pay2Key во неделата излезе со тврдење дека упаднале во системите на разни израелски корпорации од одбранбената индустрија, вклучително и на „Израелската аероспејс индустри“ (ИАИ), пренесува РТ.
Групата го најави нападот минатата недела со анкета барајќи од корисниците да гласаат која израелска организација има најбезбедна мрежа, а државниот ИАИ беше еден од изборите и освои најмногу гласови.
#pay2key sneak peek..
which one is the most secure network? you guess…
— Winter is coming (Pay2Key) (@PKeytwt) December 17, 2020
„И јас така мислев, но понекогаш нешто се менува …Бидете на штрек!“, објави потоа групата на „Твитер“.
Pay2Key подоцна објави наводен доказ дека имаат пристап до директориумот на ИАИ, како и информации за пристап во подружницата на ИАИ, „Елта системс лтд“.
Извештаите сугерираат дека групата објавила список на корисници на серверите на „Елта системс“ на Дарквеб, вклучувајќи ја и Камила Едри, раководител на развој на сајбер-проекти. Информациите што излегоа не беа класифицирани, туку имиња и компјутерски регистри. Сепак, тоа покажува дека групата имала пристап до почувствителни информации.
ИАИ во моментот го испитува можниот напад иако тврди дека не се украдени никакви класифицирани или штетни информации.
Winter solstice… a new shiny logo will appear on #pay2key directory soon🚀
— Winter is coming (Pay2Key) (@PKeytwt) December 20, 2020
Извештаите за Pay2Key од фирмите за интернет-безбедност „Чек поинт“ и „Вајтстрим“ сугерираат дека групата хакира сервери и држи информациски заложници во замена за откуп. Некои експерти го наведоа најновиот кибер-напад против Израел како дело на Иран бидејќи извештајот на „ Вајтстрим“ го поврзува Pay2Key со нацијата следејќи мината исплата на откуп на иранска берза на криптовалути.
„Го следевме редоследот на трансакции, кои почнаа со депонирање на откупот и завршија на, како што се чини, иранската берза на криптовалути со име ‘Екскоино’“, се наведува во извештајот.
Лотем Финкелштајн, раководител на кибер-разузнавањето во „Чек поинт“, исто така смета дека Pay2Key има напредни можности и можел да ги пробие серверите на ИАИ неколку дена или дури неколку недели пред да објави, но тврди на тоа дека нападот е првенствено финансиски мотивиран иако барањата за откуп сè уште не се доставени.
Актуелниот кибер-напад е најнов во серијата хакирања против Израел. Во извештајот од „Чек поинт“ од почетокот на декември се тврди дека во октомври и во ноември биле хакирани серверите на повеќе од 100 израелски компании.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Рама не отстапува од она што го кажа за вакцините, и покрај тоа што Франција го нарече анти-ЕУ

Не нападнав пријател, туку говорев за конкретната ситуација со вакцините и не остапувам ниту запирка од она што го кажав. Ова го истакна албанскиот премиер, Еди Рама, откако француската амбасада во Албанија го нарече анти-ЕУ поради неговите обвинувања за незантересираност на Унијата да им додели вакцини на земјите од Западен Балкан.
Албанскиот премиер вели дека Франција направила грешка, вадејќи го од контекст.
Француската амбасада се огласи по вчерашната изјава на Рама дека светот е неправеден кога станува збор за купувањето на вакцините и дека малите играчи секогаш се последни во чекалната.
Според Рама, тоа што во Албанија стигнале 1.000 дози од пријателска земја е сепак за пофалба на владата, бидејќи Албанија е втора земја од регионот, после Србија која почнува со вакцинација на населението. Во таа насока, албанскиот премиер синоќа истакна дека Македонија добила ветување од Бугарија дека ќе ѝ бидат донирани 100 дози од првата пратка кога ќе стигне кај нив, но до тоа не дошло.
„Македонија не започна со вакцинација. Требаше да почне, но не се случи и тоа не е вина на Македонија. Бугарија ѝ даде збор дека ќе ѝ даде 100 дози, но се уште не ѝ дала. Ако ги имаше, ќе ги употребеа“, рече Рама.
Француската амбасада порача дека критиките на Рама за недостиг на вакцини од ЕУ за Запен Балкан се опасен анти-ЕУ курс. Во рекацијата на Амбасадата на Франција се оценува дека не е нормално и коректно да се напаѓа пријател како Франција. Наведоа дека Рама тргнал кон опасен геополитички курс, бегајќи од ЕУ кон Турција.
Свет
(Видео) Протест во Холандија против карантинот, полицијата употреби водени топови

Неколку илјади луѓе денеска излегоа на протест во Амстердам поради националната блокада воведена за забавување на ширењето на пандемијата на коронавирусот, пред полицијата да ги растера.
Демонстрантите се собраа држејќи натписи: „Слобода: Стоп за оваа опсада“ и извикувајќи „Што сакаме? Слобода!“.
Ниту еден од собраните не носеше маски, кои, сепак, не се задолжителни, а само некои од нив одржуваа физичка дистанца.
Властите не издадоа дозвола за одржување на протестот на плоштадот пред музејот „Ван Гог“.
Бидејќи демонстрантите одбија да се разотидат, полицијата користеше водени топови за да ги растера.
Холандската влада ги затвори училиштата и повеќето продавници во декември за да го намали ширењето на коронавирусот, а оваа недела го продолжи карантинот за уште три недели.
Свет
Бродот што потона во Турција не бил руски туку украински, загинаа најмалку 4 лица

Шест лица се спасени, а четири загинаа кога украински товарен брод со 12 член екипаж потона денес крај брегот на турската црноморска провинција Бартин.
„Шест лица беа спасени од товарниот брод“, рече провинцискиот гувернер Синан Гунер, јави агенцијата Анадолија.
Бродот потонал поради лошите временски услови.
„Загинаа четири лица. Потрагата беше прекината поради големите бранови, но хеликоптери летаат над областа”, нагласи гувернерот.
Првичните информации беа дека бродот е руски, сепак, РИА Новости наведува дека станува збор за брод што пловел под знамето на државата Палау, а е во сопственост на украинска компанија и бил отстранет од рускиот регистар во 1997 година.
Министерството за надворешни работи на Украина потврди дека на бродот имало 10 украински државјани, како и двајца Руси.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира