Свет
Хамас уби огромен број странски државјани во Израел, објавен е список
По нападот на палестинското исламистичко движење Хамас врз Израел на 7 октомври, голем број странски државјани беа убиени, киднапирани, а некои се водат како исчезнати.
Во овој незапамтен напад, повеќе од 1.400 луѓе беа убиени на израелска страна, а 199 беа киднапирани. На палестинска страна во израелските контранапади загинале околу 3.478 лица, објави Хамас. Ракета погоди болница во Газа во вторникот, при што загинаа стотици луѓе.
Според статистиката на АФП, палестинските и израелските власти ја потврдиле смртта на околу 180 странски државјани, од кои многумина имаат израелско државјанство.
Според последните информации во средата, бројот на загинати и исчезнати по земји е:
Соединетите Држави: 31 мртов, 13 исчезнати и киднапирани
Триесет и еден американски државјанин е убиен, соопшти во средата Белата куќа, без да ги прецизира околностите на нивната смрт. Од нив 13 се сметаат за исчезнати, а претседателот Џо Бајден изјави дека меѓу киднапираните има и Американци.
Тајланд: 30 мртви, 17 киднапирани
Триесет Тајланѓани ги загубија животите, рече тајландскиот премиер, а 17 се во рацете на киднаперите. Околу 30.000 Тајланѓани работат во Израел, главно како земјоделски работници.
Франција: 24 мртви, 11 исчезнати
Дваесет и четири Французи загинаа, единаесет се водат за исчезнати, меѓу нив „најверојатно неколку заложници на Хамас“, според последните официјални податоци.
Русија: 16 мртви, осум исчезнати
Шеснаесет Руси загинаа, а осум се водат за исчезнати, се наведува во најновиот извештај на руската амбасада во Тел Авив.
„Најмалку еден е руски државјанин, кој има и израелско државјанство“, заложник на Хамас во Газа.
Непал: 10 мртви, еден исчезнат
Убиени се десетина Непалци, соопшти непалската амбасада во Тел Авив. Четворица од нив се хоспитализирани, а со петтиот „изгубен е контакт“. Во Израел има 265 непалски студенти, меѓу кои 17 биле сместени во кибуц Алумим, на југ, кој бил цел на нападот.
Германија: Помалку од 10 мртви, најмалку осум киднапирани
„Одреден број германски граѓани беа жртви на теророт на Хамас“, помалку од десет од нив, соопшти во средата германското Министерство за надворешни работи. Министерството зборува за „осум познати случаи“ на киднапирање на Германци, а еден случај може да се однесува на повеќе лица. Севкупно, станува збор за „мал број“ на киднапирани германски државјани.
Аргентина: Седум мртви, 15 исчезнати
Буенос Аирес ја потврди смртта на седуммина Аргентинци и исчезнувањето на 15 лица. Меѓу нив се и двајцата браќа, Иаир и Ејтан Хорн, изјави нивниот татко, кој стравува дека биле „киднапирани и однесени во Газа“.
Украина: Седум мртви, девет исчезнати
Седум Украинци го загубија животот, а девет се водат за исчезнати, соопшти Киев.
Велика Британија: Најмалку шест мртви, десет исчезнати
Најмалку шест Британци загинаа, а десет се водат како исчезнати, изјави британскиот премиер Риши Сунак. Според израелската амбасада во Лондон, меѓу загинатите има и фотограф и 26-годишен маж кој живеел во Израел и работел како обезбедување на рејв забави во пустината.
Канада: Шест мртви и двајца исчезнати
Отава во вторникот ја пријави смртта на шестиот Канаѓанец. Двајца се уште се водат како исчезнати.
Кина: Четворица мртви, двајца исчезнати
Во понеделникот, Пекинг ја објави смртта на четворица Кинези за време на „конфликтот“, двајца исчезнати и шестмина повредени.
Романија: Четворица мртви, еден исчезнат
Букурешт објави дека загинале четворица романски државјани, меѓу кои и еден израелско-романски војник. Еден Романец е исчезнат.
Австрија: Тројца мртви, двајца исчезнати
Виена извести за смртта на тројца израелско-австриски државјани. Две лица се водат за исчезнати.
Белорусија: Тројца мртви, еден исчезнат
Белоруската амбасада во Тел Авив извести за смрт на тројца и исчезнување на еден државјанин на Белорусија.
Филипини: Тројца мртви, тројца исчезнати
Филипинската амбасада во Израел соопшти дека 33-годишна жена и 42-годишен маж загинале во напад на кибуц во близина на Газа.
Владата наведува дека животот го загубила и 49-годишна посетителка на фестивалот. Не се знае судбината на тројца Филипинци.
Бразил: Тројца мртви
Во нападите загинаа маж и жена со двојно бразилско-израелско државјанство и една Бразилка.
Перу: Двајца мртви, пет исчезнати
Перу има двајца мртви и пет исчезнати.
Република Јужна Африка: Двајца загинати
Јужна Африка има двајца мртви.
Португалија: Еден мртов, четворица исчезнати
Лисабон ја објави смртта на еден португалско-израелски државјанин и исчезнувањето на четворица државјани со двојно државјанство.
Италија: Еден мртов, двајца исчезнати
Животот го загубил италијанско-израелски државјанин (65), соопшти во вторник Министерството за надворешни работи. Двајца двојни државјани се водат како исчезнати.
Чиле: Еден мртов и еден исчезнат
Чиле објави дека еден негов државјанин загинал, а жител на кибуц Кисуфима се води како исчезнат.
Турција: Еден мртов, еден исчезнат
Анкара ја потврди смртта на турско-израелски државјанин кој со семејството живее во Израел од 1972 година. Еден нејзин државјанин исчезна.
Шпанија: Еден мртов, еден исчезнат
Убиена е Шпанка со израелско државјанство. Шпанец од Баскија, оженет со Чилеанка, е меѓу киднапираните во Газа, објави Мадрид.
Колумбија: Еден мртов, еден исчезнат
Богота пријавила смрт на Колумбиец и исчезнување на едно лице.
Камбоџа: Еден убиен
Пном Пен ја потврди смртта на студент од Камбоџа.
Австралија: Еден мртов
Австралија во средата тагуваше за смртта на својот државјанин.
Хондурас: Еден мртов
Властите на Хондурас ја потврдија смртта на еден граѓанин.
Азербејџан: Еден мртов
Баку објави дека е убиен еден државјанин на Азербејџан.
Ирска: Еден убиен
Даблин во средата ја потврди смртта на 22-годишна девојка со ирско и израелско државјанство.
Швајцарија: Еден мртов
Животот го загуби швајцарско-израелски државјанин на 70-годишна возраст, кој живеел во Израел од 2004 година, соопшти швајцарската влада.
Мексико: Двајца киднапирани
Двајца Мексиканци, маж и жена, се киднапирани, објави Мексико.
Официјалните податоци покажуваат и дека меѓу исчезнатите има државјани на Парагвај (двајца), Танзанија (двајца) и Шри Ланка (двајца).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Луѓето се враќаат на Месечината за прв пат по 50 години
За прв пат по повеќе од половина век, човештвото се подготвува да се упати кон Месечината.
Мисијата „Артемис II“ на НАСА, чие лансирање е закажано за 6 февруари, ќе однесе четири астронаути на десетдневно патување околу Месечината, по што тие повторно ќе влезат во атмосферата на Земјата со рекордна брзина од околу 40.000 километри на час.
Who would you take with you on a trip around the Moon?
As we prepare to send our Artemis II astronauts around the Moon, we’d love to know who’s on your dream team. Use the hashtag #NASAMoonCrew and we may share yours during the launch broadcast: https://t.co/2cTxQZwOYf pic.twitter.com/UNvEJsVbSS
— NASA (@NASA) January 26, 2026
Иако мисијата не вклучува слетување, таа е клучен чекор во планот на САД за воспоставување долгорочно човечко присуство надвор од ниската орбита на Земјата, објавува „Еуроњуз“.
„Артемис II“ е втората мисија во програмата „Артемис“ на НАСА, започната во 2017 година со цел враќање на луѓето на Месечината и евентуално испраќање астронаути на Марс. Мисијата следи по успешниот тест лет без екипаж на „Артемис I“, кој орбитираше околу Месечината кон крајот на 2022 година.
For the crew of Artemis II, their mission will soon be reality. Learn about the challenges they face and the teamwork required to fly around the Moon.
Episode 2 of Moonbound is live—and free to watch on NASA+: https://t.co/NtKmF2gywp pic.twitter.com/KBHBmVYYd6
— NASA (@NASA) January 29, 2026
Астронаутите ќе летаат во новиот вселенски брод „Орион“, кој ќе биде лансиран во вселената со Space Launch System (SLS). Ова ќе биде прв пат луѓе да летаат во овие вселенски летала и прв пат човечки екипаж да се приближи до Месечината од „Аполо 17“ во 1972 година.
За разлика од идните мисии, „Артемис II“ не е дизајнирана за да слетуваат астронаути на површината на Месечината. Наместо тоа, екипажот ќе орбитира околу Месечината, ќе помине зад нејзината далечна страна и ќе се врати на Земјата. Мисијата е замислена како сеопфатен тест на системите што ќе се користат за идните слетувања.
НАСА го користи овој лет за да докаже дека нејзините вселенски летала, ракети и технологии за одржување на живот се безбедни и сигурни за патување на луѓето во длабоката вселена. Сценариото на мисијата „Артемис II“ потсетува на „Аполо 8“ во 1968 година, кога астронаутите за прв пат се прошетаа околу Месечината без да слетаат.
Свет
Стармер ја посети Кина, односите меѓу двете земји се зајакнуваат; Трамп: Она што го прават е многу опасно
Американскиот претседател Доналд Трамп изјави дека е „многу опасно“ за Велика Британија да соработува со Кина, додека британскиот премиер Кир Стармер го бранеше „зближувањето“ со Пекинг. Зборувајќи пред кинеските и британските бизнис лидери во Банката на Кина, Стармер ги повтори своите „многу топли и многу добри“ разговори со претседателот Кси Џинпинг претходниот ден.
Британскиот премиер ја бранеше својата посета на Кина како начин за обнова на меѓусебната доверба и зајакнување на трговските односи со Пекинг.
Тој повтори дека разговорите им овозможиле да „остварат вистински напредок“ и дека „ние ја градиме довербата и почитта што се толку важни“.
Трамп: Она што го прават е многу опасно
Како и неодамнешната посета на канадскиот премиер Марк Карни, ова зближување меѓу Лондон и Пекинг е извор на иритација за Доналд Трамп, во услови на растечко соперништво меѓу двете најголеми економии во светот.
„Многу е опасно за нив да го прават тоа“, предупреди американскиот претседател за време на брифингот за медиумите по пристигнувањето во Вашингтон за премиерата на документарецот за неговата сопруга Меланија Трамп.
Стармер им рече на новинарите во авионот на пат кон Кина дека Велика Британија може да продолжи да ги зајакнува економските врски со Кина, без да го налути Трамп, поради долгата историја на тесна соработка на неговата земја со Соединетите Американски Држави.
„Односот што го имаме со САД е еден од најтесните односи што ги имаме, во одбраната, безбедноста, разузнавањето, а исто така и во трговијата и во многу други области“, рече тој.
Вкупно беа потпишани околу десет договори за соработка, чии детали сè уште се нејасни, а двете влади се согласија и да спроведат „студија за изводливост за да се испита можноста за отворање преговори за билатерален договор за услуги“.
Свет
САД се закануваат со царини за увозниците на нафта за Куба: „Очекувам Куба наскоро да пропадне“
Американскиот претседател Доналд Трамп се закани со нови царини за земјите што испорачуваат нафта на Куба, засилувајќи го притисокот врз комунистичката земја.
Трамп потпиша извршна наредба со која прогласува национална вонредна состојба и воспоставува процес за воведување царини на стоки од земји што продаваат или на друг начин испорачуваат нафта на Куба, заштитувајќи ја националната безбедност и надворешната политика на Соединетите Американски Држави од злонамерните дејствија и политики на кубанскиот режим, соопшти Белата куќа.
Висината на царините сè уште не е прецизирана, ниту пак се издвоени земјите чии производи би можеле да се соочат со американски тарифи.
„Наредбата ги овластува државниот секретар и секретарот за трговија да преземат сите потребни мерки, вклучително и издавање правила и упатства, за спроведување на царинскиот систем и поврзаните мерки. Претседателот може да ја измени Наредбата ако Куба или засегнатите земји преземат значајни чекори за справување со заканата или за усогласување со целите на националната безбедност и надворешната политика на САД“, се додава во соопштението.
Трамп: Очекувам Куба наскоро да се распадне
Пред неколку дена, Трамп рече дека очекува Куба наскоро да се распадне, наведувајќи дека Венецуела, нејзиниот поранешен главен снабдувач, повеќе не испраќа нафта или пари на островот.
Венецуела беше најголемиот снабдувач на нафта на Куба, но откако американските воени сили го заробија и соборија венецуелскиот претседател Николас Мадуро, Трамп успешно изврши притисок врз привремената претседателка на земјата, Делси Родригез, сега да испорачува венецуелска нафта во Соединетите Држави.
Стармер ја посети Кина, односите меѓу двете земји се зајакнуваат; Трамп: Она што го прават е многу опасно
Американскиот претседател Доналд Трамп изјави дека е „многу опасно“ за Велика Британија да соработува со Кина, додека британскиот премиер Кир...
САД се закануваат со царини за увозниците на нафта за Куба: „Очекувам Куба наскоро да пропадне“
Американскиот претседател Доналд Трамп се закани со нови царини за земјите што испорачуваат нафта на Куба, засилувајќи го притисокот врз...
Нова анкета: Довербата во Трамп опадна, поддршката губи и кај републиканците
Една година по неговиот втор мандат, ставовите на Американците за претседателот Доналд Трамп, кои и претходно беа повеќе негативни отколку...
Голем одрон кај село Ратево, магла на патниот правец Тетово – Гостивар
На патниот правец Р-1302 Берово – Струмица (кај село Ратево) поради поголем одрон сообраќајот се одвива по направена девијација во...
(Видео) Русите се предадоа на украински вооружен робот
Додека руската инвазија на Украина влегува во својата четврта година, далечински управуваните копнени роботи стануваат вообичаена глетка на бојното поле....
Мицкоски: Ако заѕиданите пари биле од продажба на нива, што би барале во ѕидот?
Којзнае колку илјадници евра биле заѕидани, изедени и потрошени, ова е последица на антиуставниот имплант СЈО, вели премиерот Христијан Мицкоски....
Грипот стивнува, намалени бројките на новозаболени, но остануваат препораките за маска во простории со многу лица
Институтот за јавно здравје и оваа недела пријави помал број новозаболени од грип и заболувања слични на грип. Директорката Марија...
Брисел ги прифати барањата, возачите се признаени како професионалци, го решаваме проблемот со превозниците, објави Николоски
Вицепремиерот и министер за транспорт и врски Александар Николоски соопшти дека од Брисел пристигнале, како што вели, „одлични вести“ во...
(Видео) Филипче: Техничката влада мора да остане, не се созреани условите за укинување
Претседателот на СДСМ, Венко Филипче истакна дека техничката влада мора да остане затоа што не се созреани условите за нејзино...
Бислимоски и РКЕ очекуваат расчистување на случајот со „Тритерол Петрол“: Постапено е согласно закон
Регулаторната комисија за енергетика, водни услуги и услуги за управување со комунален отпад (РКЕ) и претседателот Марко Бислимоски се отворени...
Мицкоски: Нема да има уставни измени без загарантираните права на Македонците во Бугарија и без гаранции дека нема да се соочуваме со блокади од субјективни причини
На денешната собраниска седница за пратенички прашања премиерот Христијан Мицкоски одговарајќи на пратеничко прашање на пратеникот Скендер Реџепи околу уставните...
Силувале 13-годишно девојче, ја удирале и навредувале: осомничени четири лица од Неготинско
Јавен обвинител од Основното јавно обвинителство Кавадарци донесе Наредба за спроведување истражна постапка против четири лица за кои постои основано...
Зголемена опасност од лавини на Шар Планина: Националниот парк со предупредување, посетителите да постапуваат претпазливо
Националниот парк Шар Планина информира дека на територијата на паркот во моментов е присутна висока лавинска опасност, особено во деловите...
Стефковски: Општина Гази Баба треба да врати 127 милиони денари за Скопски саем
Градоначалникот на општина Гази Баба Бобан Стефковски се обрати до граѓаните, а по повод пресудата на Апелациониот суд во Скопје...
АХВ доби поддршка: Изградбата на гробишта за домашни миленици претставува решавање на деценискиот проблем
Директорот на Агенција за храна и ветеринарство (АХВ) Оливер Миланов и стручни лица од Агенцијата, неделава одржаа работни состаноци со...
Злоупотреби во Прилепската болница: меѓу обвинетите за проневера и поранешната директорка
Основното јавно обвинителство Прилеп поднесе Обвинителен акт против 8 физички и едно правно лице за продолжени кривични дела – Проневера...
Кривична пријава за „даночно затајување“ против фирма од Струмица и двајца управители
СВР Струмица до Основното јавно обвинителство Струмица поднесе кривична пријава против правно лице од Струмица, В.Ј. (35) и С.П. (44),...
Граѓаните да ги ажурираат своите податоци за „Безбеден град“ на посебниот шалтер во МТВ или во станиците за технички преглед
Министерството за внатрешни работи ги потсетува граѓаните дека на посебниот шалтер во Одделот за граѓански работи, во зградата на МТВ...
Америка сериозно размислува за напади врз Иран, има неколку опции, објави Ројтерс
Американскиот претседател Доналд Трамп разгледува опции против Иран, кои вклучуваат целни напади врз безбедносните сили и нивните водачи за поттикнување...
(Видео) Агентите на Служба за имиграција добија нови инструкции по смртта на двајца Американци: „Избегнувајте контакт“
Агентите на американската Служба за имиграција и царина (ICE) во среда добија нови инструкции да избегнуваат контакт со „агитатори“ додека...
