Врховниот лидер на Иран, Али Хамнеи, жестоко го критикува францускиот претседател, Емануел Макрон, во врска со неговите неодамнешни забелешки за исламот нарекувајќи ги глупави и прашувајќи зошто е во ред да се навредува пророкот Мухамед, но е незаконски да се сомневаш во холокаустот, пренесува РТ.

Карикатурите на пророкот се сметаат за богохулие од страна на побожните муслимани. Макрон го бранеше објавувањето на карикатурите на пророкот Мухамед како слобода на говорот.

Во изјавата упатена до младите Французи во средата, Хамнеи рече: „Прашајте го вашиот претседател зошто поддржува навреда на божјиот гласник во име на слободата на изразување“.

In His Name
Young French people!
Ask your President why he supports insulting God’s Messenger in the name of freedom of expression. Does freedom of expression mean insulting, especially a sacred personage? Isn’t this stupid act an insult to the reason of the ppl who elected him?

— Khamenei.ir (@khamenei_ir) October 28, 2020

Тој исто така постави прашање во врска со очигледен двоен стандард во Франција кон разни религии. Хамнеи е последниот муслимански лидер што го изрази својот бес кон западните сфаќања за исламот во војната на зборови што избувна по обезглавувањето на францускиот професор Самуел Пети во Париз на 16 октомври.

Нападот на иранскиот лидер врз Макрон се случува во услови на обновување на напнатоста меѓу Франција и другите арапски нации кога сатиричното француско списание „Шарли ебдо“ со карикатура на насловната страница го исмеа турскиот претседател Реџеп Таип Ердоган, кој исто така го критикуваше објавувањто на карикатурите на пророкот Мухамед.

Во средата Малезија стана последната во низата муслимански нации што ги осуди обидите за дефамација на исламот. Лидерите во Турција, Пакистан, Мароко, Иран, Египет, Кувајт, Јордан и во Катар се меѓу оние што го критикуваа Макрон и презедоа мерки, вклучително и бојкот на француските производи.