Портпаролката на Белата куќа, Каролина Ливит, денес изјави дека неодамнешниот преглед со магнетна резонанца на Доналд Трамп било превентивно по природа и покажало дека претседателот е во одлична кардиоваскуларна здравствена состојба.

На брифингот за медиумите во Белата куќа, Ливит рече дека мажите на возраст како Трамп имаат корист од ваквите прегледи.

President Donald J. Trump's Advanced Imaging Results:

"His cardiovascular system shows excellent health… and confirms that he remains at excellent overall health."

— Capt Sean P. Barbabella, D.O.
Physician to the President pic.twitter.com/WJxdZEBUFS

— The White House (@WhiteHouse) December 1, 2025

„Кардиоваскуларните снимки на претседателот Трамп покажаа сосема нормална слика, без докази за стеснување на артериите, слаб проток на крв или абнормалности во срцето или главните крвни садови“, рече Ливит за 79-годишниот претседател.

„Срцевите комори се со нормална големина. Ѕидовите на крвните садови изгледаат мазни и здрави и нема докази за воспаление или згрутчување. Генерално, неговиот кардиоваскуларен систем е во одлична здравствена состојба. Абдоминалните снимки се исто така сосема нормални“, рече Ливит.

Светската здравствена организација (СЗО) денес ги издаде своите први упатства за употреба на терапии со GLP-1 за дебелина, условно препорачувајќи ги како дел од долгорочен третман за состојба која влијае на повеќе од милијарда луѓе ширум светот. Упатствата доаѓаат во време кога глобалната побарувачка за класа лекови познати како GLP-1 агонисти расте, а владите се борат да откријат како да ги инкорпорираат овие успешни терапии во системите за јавно здравје.

Првата условно препорака советува употреба на GLP-1 лекови кај возрасни, освен бремени жени, за долгорочен третман на дебелина, додека втората сугерира нивно комбинирање со здрава исхрана и физичка активност. Генералниот директор на СЗО, Тедрос Аданом Гебрејесус, рече дека овој потег „препознава дека дебелината е хронична болест која може да се управува преку сеопфатна и доживотна грижа“, но предупреди дека само лековите нема да ја решат оваа глобална здравствена криза.

Мари Спрекли од Универзитетот во Кембриџ рече дека препораките се „соодветно оценети како условни“, истакнувајќи дека сè уште постои неизвесност во врска со долгорочната употреба во повисоки дози, достапноста и капацитетот на здравствениот систем.

Претставниците на СЗО нагласија дека пристапот сега е најголемиот предизвик. Дури и со брзата експанзија на производството, се предвидува дека GLP-1терапиите до 2030 година ќе достигнат помалку од 10 проценти од оние кои би можеле да имаат корист од нив.

„Нашата најголема загриженост е еднаквиот пристап; без координирана акција, овие лекови би можеле да придонесат за проширување на јазот меѓу богатите и сиромашните, и меѓу и во рамките на земјите“, рече Тедрос.

Најновиот потег доаѓа по одлуката на агенцијата во септември да ги додаде семаглутид и тирзепатид, активните состојки во Ozempic на Novo Nordisk и Mounjaro на компанијата Eli Lilly, на својата листа на клучни лекови за лекување на дијабетес тип 2 кај групи со висок ризик, но не и за лекување на дебелина.

Европејците ќе се спротивстават на „наметнат мир“ врз Украина, потврди денес германскиот канцелар Фридрих Мерц пред планираната средба меѓу претставникот на американскиот претседател Доналд Трамп и рускиот претседател Владимир Путин.

„Следиме јасна линија, нема одлука за Украина и Европа без Украинци и без Европејци, не може да се наметне мир зад грбот на Украина, нема слабеење или поделба на Европската Унија и НАТО“, рече германскиот лидер по телефонскиот разговор со неговите украински, француски, британски и полски колеги.

Мултилатералната средба се одржа додека Мерц беше домаќин на полскиот премиер Доналд Туск во Берлин, а францускиот претседател Емануел Макрон го угости украинскиот претседател Володимир Зеленски во Париз. Двајцата претходно разговараа со претставникот на американскиот претседател Доналд Трамп, Стив Виткоф, и украинскиот преговарач Рустем Умеров, соопшти Елисејската палата.

Туск: Едногласни сме
„Во Украина, единството на Европа е исто така во прашање“, рече Мерц, додавајќи дека големите европски земји, вклучувајќи ги Полска и Германија, имаат „посебна одговорност да обезбедат дека ништо и никој не ја дели Европа“.

Според симултаниот германски превод, Доналд Туск рече дека Европејците се „едногласни“ по ова прашање и се „целосно посветени на продолжување на целосната поддршка на Украина во нејзината одбрана во војната против Русија“.