Свет
Хаос во Шри Ланка: Демонстрантите упаднаа во вилите на претседателот и премиерот – во едната се избањаа, другата ја запалија

Протестите во Шри Ланка целосно излегоа од контрола и кулминираа со палење на приватнатата резиденција на премиерот, Ранил Викремесинге, како и уништување на неговите возила.
Chaos reigns in Sri Lanka. Now, protestors have set the private residence of PM Ranil Wickremesinghe on fire. Take a look: pic.twitter.com/nOThbWzALD
— Steve Hanke (@steve_hanke) July 9, 2022
„Демонстрантите упаднаа во приватната резиденција на премиерот Ранил Викремесинге и ја запалија“, соопшти кабинетот на премиерот.
#SriLankaProtests | Stand off between anti-government protesters and police intensifies outside Prime Minister Ranil Wickremesinghe’s residence pic.twitter.com/PzeW5Xz391
— NDTV (@ndtv) July 9, 2022
Викремесинге најави дека ќе поднесе оставка од функцијата за да обезбеди продолжување на работата на владата и за безбедноста на сите граѓани.
Пред само неколку часа, демонстрантите влегоа во домот на претседателот Готабаја Раџапакса барајќи оставка.
Како што пренесоа агенцииите, Раџапакса побегна од својата официјална резиденција непосредно пред демонстрантите, кои лути поради невидената економска криза, влегоа и го окупираа комплексот, пливаа во претседателскиот базен и објавија снимки на социјалните мрежи.
Огромна маса народ ја опколи претседателската резиденција барајќи оставка од шефот на државата, кого го обвинуваат за лошо управување.
Додека демонстрантите го преплавија влезот на претседателската палата, чуварите пукаа во воздух за да го спречат нападот додека Раџапакса безбедно не го напушти комплексот, изјави за АФП висок извор од обезбедувањето.
„Претседателот беше придружуван на безбедно“, додаде изворот. „Тој се уште е претседател, го штити воена единица“, објасни тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
На парламентарните избори во Бугарија ќе учествуваат 24 партии и 7 коалиции

Денеска во 17 часот истече рокот во кој партиите и коалициите во Бугарија требаше да ги достават потребните потписи и документи за регистрација за учество на претстојните предвремени парламентарни избори на 2 октомври, информира „БГНЕС“.
Документи за учество на изборите поднеле вкупно 24 партии и 7 коалиции.
Утре ЦИК ќе ја заврши проверката на сите доставени документи, а доколку има некој од потписите што не содржат 2.500 валидни потписи, формацијата ќе биде избришана.
Следниот важен рок е 27 август. До тој датум, само коалициите на партии регистрирани од Централната изборна комисија можат да поднесат апликации за да ги одразат промените што се случија во составот на коалицијата – напуштање партија или пристапување во нова партија.
Бугарите кои живеат во странство можат да се пријават за гласање преку Интернет. Електронската апликација за поднесување барања од Бугари во странство за гласање на предвремените избори ќе се прифаќа од денеска до 6 септември.
Изборите на 2 октомври ќе се гласаат машински, со истиот софтвер како и на последните парламентарни избори.
Регион
Откриени 73 килограми кокаин во БиХ

Властите во Босна и Херцеговина денеска заплениле 73 килограми кокаин вреден неколку милиони евра, што е едно од најголемите откриени количества на оваа дрога во земјата по завршувањето на војната.
Кокаинот бил шверцуван со друга стока што била увезена во Босна и Херцеговина, а бил откриен во акција што била спроведена со помош на партнерските агенции на Европската унија и Европол.
По наредба на Обвинителството на БиХ, членови на Дирекцијата за организиран и сериозен криминал на Министерството за внатрешни работи на Република Српска, дрогата кокаин ја откриле во магацин.
„Ова е една од најголемите заплени на наркотична дрога кокаин во постдејтонска Босна и Херцеговина, а вредноста на запленетите наркотици на нелегалниот нарко пазар изнесува неколку милиони евра“ – се наведува во соопштението на Обвинителството на Босна и Херцеговина. .
Оттаму додаваат дека истрагата се води во соработка со партнерските агенции. Обвинителството на БиХ ја продолжува истрагата со цел целосно да се расветлат сите околности на меѓународниот шверц на кокаин.
Свет
СЗО: Повеќе од 35.000 случаи на мајмунски сипаници во светот

Над 35.000 случаи на мајмунски сипаници се регистрирани во 92 земји и територии во светот, што е зголемување за 20 отсто во однос на претходната недела, додека бројот на починати е 12.
Ова го изјави денеска генералниот директор на Светската здравствена организација (СЗО) – Тедрос Аданом Гебрејесус.
„Повеќе од 35.000 случаи на мајмунски сипаници се пријавени во СЗО од 92 земји и територии со 12 смртни случаи“, рече тој, пренесе ТАСС.
Како што наведе, минатата недела се пријавени близу 7.500 случаи на мајмунски сипаници.