Свет
Хасан Рухани: САД го живеат најлошиот период во својата историја

САД минуваат низ еден од најлошите периоди во својата историја, изјави за иранската новинска агенција „Фарс“ претседателот на земјата, Хасан Рохани, пренесува „Спутник“
„Денес има малку истражувачи, интелектуалци и експерти во САД што ги делат истите мислења како оние во Белата куќа, а некои од нив дури и експлицитно ги нарекуваат американските политичари идиоти. Ова ретко се случува во историјата на САД“, изјави Рохани.
Тој се осврна и на силните сојузници на Вашингтон и на традиционалните партнери што сега гордо се дистанцираат од САД.
„САД денес се наоѓаат во најлоша ситуација на глобално ниво, па дури и меѓународните организации, како УНЕСКО, ОН, Меѓународната агенција за атомска енергија и Меѓународниот кривичен суд, не ја одобруваат американската политика“, истакна Рухани.
Зборувајќи за зголемениот притисок од Белата куќа врз Техеран по повлекувањето на Вашингтон од нуклеарната спогодба од 2015 година, Рухани истакна дека Техеран во моментот се соочува со несакана економска војна и контактира со оние што претпочитаат да ги игнорираат меѓународните норми.
На крајот од минатиот месец Рухани вети дека Техеран ќе ги надмине економските предизвици и ќе им покаже на антииранските функционери во Белата куќа дека политиката на санкции на Вашингтон на крајот ќе пропадне. Иранскиот претседател истакна дека САД се повеќе изолирани од кога било претходно поради санкциите додавајќи дека нелегалните активности на Америка ја изолираа меѓу сојузниците.
На 8 мај американскиот претседател Доналд Трамп ја објави одлуката да ја напушти нуклеарниот договор со Иран и повторно да ги наметне санкциите против Техеран и секоја држава или компанија што работи со Исламската Република. Првата фаза од економските ограничувања, која вклучува забрана за купување американска валута, тргување со злато и други благородни метали, како и купување алуминиум и челик за индустриски цели, стапи во сила на 5 август. Вториот дел, кој вклучува санкции за иранската пристаништа, енергетскиот сектор и странските трансакции, треба да се воведе на почетокот на ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Естонија ја доби првата премиерка

Двете најголеми политички партии во Естонија денеска постигнаа договор за новата влада предводена од Каја Калас, првата премиерка во историјата на балтичката земја.
Претходната влада падна минатата недела поради корупциски скандал.
Лидерите на опозициската Партија за реформи, Каја Калас (43), и на партијата на поранешниот премиер Јури Ратас, денеска гласаа за формирање коалициска влада. Според договорот, двете партии ќе имаат по седум министерства во владата со 15 члена, вклучувајќи го и премиерот Калас.
Каја Калас е ќерка на еден од основачите на Партијата за реформи, Сим Калас, адвокат и поранешен член на Европскиот парламент.
Свет
Четворица министри во владата на Зимбабве починаа од коронавирус

Четворица министри во Владата на Зимбабве починаа од коронавирус, од кои тројца во последните две недели, што укажува на нагло ширење на инфекцијата во таа јужноафриканска земја.
Покрај тројцата министри, неодамна починаа уште неколку познати политичари и јавни личности.
Опозицијата ја обвинува владата дека ја користи пандемијата како оружје со апсење на нејзини членови и други критичари и нивно чување во преполни затвори каде инфекцијата лесно се пренесува.
Критичарите, исто така, ја обвинуваат владата за занемарување на јавните болници, каде што многу заразени со вирусот не можат да го добијат потребниот кислород за да преживеат.
Многу членови на елитата се лекуваат на скапи приватни клиники или во странство.
Претседателот на Зимбабве, Емерсон Мнангагва, изјави дека владата сè уште размислува која вакцина да ја купи.
Зимбабве, како и многу други африкански земји, првично имаше малку регистрирани инфекции, но неодамна имаше скок на бројот на заразени.
Многумина стравуваат дека новиот вид коронавирус, кој се шири многу побрзо, влегол во земјата кога десетици илјади нејзини граѓани се вратиле дома за празниците од Јужна Африка, каде што живеат и работат.
Зимбабве, земја со 15 милиони жители, досега има пријавено 31.000 заболени и 974 смртни случаи од коронавирус, додека на почетокот на декември имало околу 10.000 заразени.
Регион
Во Словенија потврден новиот вид на коронавирус

Словенечкиот премиер, Јанез Јанша, на вонредна прес-конференција, објави дека во земјата е потврден првиот случај на инфекција со англискиот вид на коронавирус. Станува збор за косовски државјанин кој престојува во Словенија, а кој се вратил од Белгија.
Јанша рече дека поради можноста во Словенија да има поголем број на случаи на т.н. англиски вид коронавирус, словенечката влада ќе ги преиспита одлуките за олеснување на мерките следната недела.
Словенечкиот премиер кажа дека веќе започнало преиспитување на стотици луѓе со позитивен тест за коронавирус во сите словенечки региони, со цел да се утврди дали станува збор за англискиот вид.
„Некои наоди беа позитивни“, рече Јанша, но ги негираше извештаите во некои медиуми дека веќе биле потврдени десетина вакви случаи.
„Податоците за состојбата со епидемијата од последните три дена не влеваат оптимизам“, рече Јанша, додавајќи дека состојбата со бројот на новоинфицирани во неколку региони е влошена.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот