Свет
„Хјуман рајтс воч“: Турција присилно преселила и уапсила 60 Сиријци
Повеќе од 60 сириски државјани се уапсени и нелегално преместени од североисточна Сирија во Турција за да им се суди од страна на Турција и Сириската национална армија за сериозни обвиненија за кои може да добијат доживотен затвор, соопшти денеска „Хјуман рајтс воч“ (ХРВ).
Меѓународната група за човекови права соопшти дека документите што ги добиле покажуваат дека уапсените биле фатени во Сирија и пренесени во Турција со кршење на обврските на Турција како окупаторска сила во североисточна Сирија според Четвртата жен0евска конвенција.
Заменик-директорот на ХРВ за Блискиот Исток, Мајкл Пејџ, вели дека Турција мора да ги почитува правата на луѓето во североисточна Сирија според законот за окупација.
„ХРВ успеа да дојде до 4.700 страници официјални документи на турската влада, во кои детаљно се наведени имињата, обвиненијата, медицинските извештаи и наводните докази против 63 сириски државјани што беа приведени во Сирија и пренесени во Турција од 11 октомври до 6 декември 2019 година“, вели организацијата на својата веб-страница.
Турските власти и Сириската национална армија, поддржана од Турција, ги уапсиле сириските државјани, како и Арапи и Курди, во периодот од октомври до декември 2019 година во Рас Ал-Аин (Сереканије) во североисточна Сирија откако Турција ја презеде ефективната контрола над областа по нејзиниот упад во северна Сирија.
Документите, се додава, покажуваат дека турските обвинителни органи донеле де факто одлука за проширување на овластувањата на турскиот гувернер на Шанлиурфа врз назначените области во Сирија.
Според документите, сите, освен 10 од приведените мажи, биле членови или биле поврзани со Партијата на демократскиот сојуз (ПДС), политичката партија предводена од Курдите, која е дел од курдската самоуправа.
Во октомври 2020 година пет од 63 Сиријци, вклучително и еден чии роднини биле интервјуирани од „Хјуман рајтс воч“, беа осудени на доживотен затвор, без право на условна слобода за нарушување на единството и територијалниот интегритет на државата, рекоа нивните адвокати.
Турција се бори со курдските групи и на своја територија и во Сирија и ги повикува меѓународните сили да не ги поддржуваат во борбата против сирискиот претседател Башар ал-Асад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Познатата српска актерка Слобода Миќаловиќ претепана во Белград
Познатата српска актерка Слобода Миќаловиќ вчера во 18 часот и 50 минути била физички нападната од 47-годишната С.Д..
Како што неофицијално објави српски Телеграф, кај С.Д. по пристигнувањето на полицијата било утврдено присуство на алкохол во крвта.
Како што пишуваат српските медиуми, тепачката се случила на плоштад во Земун.
Актерката наводно управувала со возило и кога тргнала напред, со предниот дел од автомобилот удрила во случајниот минувач С.Д. во пределот на коленото, што довело до вербален, а потоа и физички конфликт.
Актерката потоа била префрлена во Ургентниот центар.
Свет
Два брода со мигранти се превртеа кај Мадагаскар, 25 лица загинаа
Два брода со мигранти се превртеа во Индискиот Океан кај Мадагаскар, а бројот на жртви се зголеми на 25, соопштија денеска локалните власти.
Вкупно 48 луѓе беа спасени од водите во близина на северниот дел на Мадагаскар, а официјални лица велат дека мигрантите биле на море речиси еден месец со надеж дека ќе стигнат до француската територија Мајот.
На 2 ноември чамците ја напуштиле плажата во близина на главниот град на Сомалија, Могадишу, со 73 луѓе.
Не е јасно што го предизвикало превртувањето на чамците, а истрагата е во тек.
Свет
Обвинителите се откажаа од случајот против Трамп поради напорите за поништување на изборните резултати
Американските специјални обвинители денеска побараа од судот да отфрли две кривични постапки против новоизбраниот претседател на Соединетите Американски Држави, Доналд Трамп – за обид за промена на неговиот пораз на изборите во 2020 година и за задржување доверливи документи, се вели во судската пријава.
Во предлогот од шест страници за отфрлање на случајот за мешање во изборите во 2020 година, обвинителите рекоа дека додека Трамп сè уште не е претседател, канцеларијата на генералниот совет на одделот, која обезбедува внатрешен правен совет, им кажала да го откажат случајот пред неговата инаугурацијата во јануари.
„Одамна беше ставот на Министерството за правда дека Уставот на САД забранува поднесување федерално обвинение и последователно кривично гонење на актуелниот претседател“, напиша главната заменичка на Смит, Моли Гастон.