Францускиот министер за здравство објави дека земјата ќе увезе милијарда маски од Кина.

Според здравствените власти, Франција може да произведе само осум милиони маски неделно, а потребни им се 40 милиони.

Во Франција од коронавирус во последните 24 часа починаа 319 лица со што бројот на починати сега изнесува 2.314 пациенти, покажуваат последните податоци.

Досега заразени се вкупно 37.575 лица, од кои 17.620 се сместени во болниците.

Ограничувањата во движењето се продолжуваат до 15 април.

Принцезата Марија Тереза од Шпанското кралско семејство, почина вчера откако беше дијагностицирано дека е позитивна на коронавирусот.

Веста ја потврди нејзиниот брат, Сиктус Хнери Бурбон-Парме. Таа починала во Париз, Франција, на 86-годишна возраст. Таа е прва жртва на коронавирусот која припаѓа на европската кралска куќа.

Марија Тереза е родена во 1933 година.

Таа не се омажила, ниту имала деца, а живеела подолго од шест нејзини внуци. Таа е родена во Франција, а цел живот го поминала во Шпанија, каде се занимавала со пишување.

Ваикан објави дека тестовите на папата Франциско и неговите најблиски соработници се негативни на коронавирусот.

Во Ватикан, тестирани биле 170 лица, а шест од нив се позитивни.

„Можам да потврдам дека ниту Папата, ниту неговите најблиски соработници не се меѓу позитивните“, рече портпаролот Матео Бруни во изјавата од Ватикан.

Папата бил тестиран во средата, откако кај религиозен службеник, кој со години живее во истата резиденција, беше потврдено присуство на вирусот.