Свет
Четворица индиски војници и петмина цивили загинаа во лавини во Северен Кашмир

Повеќе лавини ги погодија северните делови на индискиот Џаму и Кашмир, вклучувајќи ги и секторите Купвара, Барамула и Гандербал, каде што има распоредено голем број индиски трупи и сили за гранична безбедност, пренесува „Спутник“.
Четворица војници на индиската армија и пет цивили загинаа во лавините во последните 48 часа, соопштија извори од индиската армија. Голем број војници и цивили се спасени од областите погодени од обилните снежни врнежи. Сè уште не се откриени детали за загинатите.
Долината, позната по врвовите покриени со снег и природната убавина, беше сведок на силни снежни врнежи во понеделникот кои го нарушија нормалното секојдневие.
Лесните снежни врнежи што почнаа во неделата продолжија со зголемен интензитет во текот на ноќта и зафатија делови од Кашмир. Националниот автопат Џаму-Сринагар, кој ги поврзува летниот и зимскиот главен град на сојузната територија, е затворен поради лизгање на земјиштето во областа Дигдол во регионот Рамбан, а патиштата во делови од Северен Кашмир беа блокирани како резултат на обилните снежни врнежи.
Најмалку осум војници на индиската армија исчезнаа од ноември 2019 година откако огромна лавина удри во камп на индиската армија во северниот дел на Сијачен. Областа е позната како највисокото бојно поле во светот, а индиските и пакистанските војници ги чуваат границите на своиите земји на температури под нулата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Лавров: Палестинското прашање и понатаму останува нерешено

Рускиот министер за надворешни работи Сергеј Лавров изјави дека мировниот план за Газа на Доналд Трамп не го решава целосно израелско-палестинскиот конфликт, пренесе RT.
Тој нагласи дека Русија го оценува планот како „најдобро што моментално е на преговарачката маса“, но додаде дека „палестинското прашање со тоа не е решено“.
Лавров порача дека конечно решение би било можно само со создавање на палестинска држава во границите од 1967 година, во согласност со резолуциите на ОН, и повтори дека Москва останува посветена на решението со две држави.
Свет
Трамп: Не сум сигурен дека ќе влезам во рајот, но на многумина им го разубавив животот

Американскиот претседател Доналд Трамп изјави дека не е сигурен дека ќе може да влезе во рајот, но додаде дека на многумина им го направил животот подобар.
Изјавата ја даде во претседателскиот авион Air Force One. За време на летот, еден од новинарите што го придружуваа 79-годишниот претседател го праша за неговите претходни коментари кои ги дал во контекст на преговорите за мировниот договор во војната меѓу Русија и Украина.
Трамп уште во август, во емисијата „Fox and Friends“, изјави: „Ако можам да спасам 7.000 луѓе неделно, мислам дека тоа е прилично добро – сакам да се обидам да влезам во рајот, ако е можно. Слушам дека не ми оди добро. Навистина сум на дното на листата. Но ако успеам да влезам во рајот, ова ќе биде една од причините“
На прашањето дали неговите шанси се подобриле по договорот меѓу Израел и Хамас, Трамп сега одговори: „Малку се шегувам. Мислам дека ништо нема да ме одведе во рајот. Можеби не сум предодреден за тоа. Можеби сум во рајот токму сега, додека летаме со Air Force One,“ рече Трамп.
Тој повторно ја обвини администрацијата на Џо Бајден за неспособност и додаде дека војната во Украина никогаш немаше да се случи доколку изборите во 2020 година не биле наместени.
Свет
Египетскиот претседател до Израелците: Претворете го овој историски момент во нов почеток

Египетскиот претседател Абдел Фатах ал-Сиси ги повика Израелците моментот на потпишување на мировниот договор за Газа да го претворат во нов почеток за поправеден и помирен живот во регионот.
„Погледнете кон подобра иднина за нашите деца,“ рече Сиси по потпишувањето на договорот во Шарм ел-Шеик.
На самитот присуствуваа Доналд Трамп и бројни меѓународни претставници. Обраќајќи му се на Трамп, Сиси додаде: „Господине претседателе, нека војната во Газа биде последната војна на Блискиот Исток.“