Свет
Четири лица починаа на крузер на Панама, 138 имаат симптоми на коронавирус
Крузерот „Зандам“, на кој се сместени над 1.800 луѓе во близина на Панама, е во трка со времето да ги префрли здравите патници на друг брод, откако четири лица починаа од коронавирус.
Сопственикот на крузерот, компанијата „Холанд Америка“, соопшти дека повеќе од 130 луѓе на бродот кажале оти имаат симптоми слични на грип, како и проблеми со дишењето.
„Холанд Америка“ наведува дека планира да ги префрли здравите патници во сестринскиот брод „Ротердам“, кој исто така се наоѓа кај западно-пацифичкиот брег на Панама.
„Зандам“ планира да исплови низ каналот Панама кон Карипското Море, а потоа да продолжи кон Флорида.
Панамските власти соопштија дека ниту еден брод со потврдени случаи на коронавирус не може да го премине каналот.
„Ние продолжуваме да работиме со властите во Панама за да добиеме одобрение да поминеме низ Панамскиот канал и да запловиме кон Флорида“, соопшти компанијата „Холан Америка“.
На бродот има 1.243 патници и 586 членови на екипажот, вклучително и четворица доктори и четири медицински сестри.
Крузерот „Зандам“ исплови од Буенос Аирес, во Аргентина, на 7 март.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

