Најмалку 34 лица загинаа, а 24 се ранети во два одделни бомбашки напади во источен и јужен Авганистан, потврдија официјалните лица на земјата.

„Во напад во источната провинција Газни, 31 војник беше убиен, а 24 ранети кога напаѓач влезе во воена база со воено оклопно возило полно со експлозив и активираше бомба“, изјави претставник на Советот за национална безбедност на Авганистан.

Нападот го потврди и портпаролот на Министерството за внатрешни работи Тарик Аријан, иако тој не даде детали за жртвите.

Вториот напад се случил во јужен Авганистан, а мета на самоубиецот бил шефот на покраинскиот совет во Зубал. Еден бомбаш самоубиец усмрти најмалку три лица и рани 12, меѓу кои и деца.Началникот на покраинскиот совет Атајан Хакабајат го преживеал нападот со полесни повреди, иако меѓу убиените има и еден од неговите телохранители, изјави портпаролот на покраинската полиција, Хикматула Кочаи.

Никој сè уште не ја презеде одговорноста за нападите.Бомбашките напади се случија додека претставници на авганистанската влада и талибанците за прв пат водат разговори во Катар за лице со цел да се стави крај на децениската војна во земјата.

Басистот на рок групата „Рибља чорба“, Мирослав Миша Алексиќ почина на 67-годишна возраст.Познатиот музичар ја изгуби битката со коронавирусот. Тој се лекуваше од коорнавирусот во КБЦ „Бежаниска коса“, а неговата состојба се влошила и бил ставен на респиратор.

Неговата ќерка Мина Алексиќ пред неколку дена објави тажна порака на Фејсбук за состојбата на нејзиниот татко. Веруваше дека ќе се опорави.

„Мојот Миша е заболен од ковид и е на респиратор веќе трет ден. Секој час е негова борба за животот, како и моја за него. Миша би сакал сите наши блиски луѓе да знаат каков борец е тој. Би сакал сите луѓе кои го сакаат и почитуваат да бидат со нас, да бидат со него и да веруваат дека ќе го победиме коронавирусот“, напиша таа.

Кинеските власти објавија дека вселенското летало Change-5 успешно влезе во орбитата на Месечината и се подготвува да слета, како дел од историската мисија на природниот сателит на Земјата.

Националната вселенска агенција на Кина (ЦНСА) објави дека роботското летало влезе во орбитата на Месечината по 112 часа лет и ја намали брзината без никакви проблеми, што е првиот чекор во подготовките за слетување.Во соопштението се вели дека се очекуваат уште неколку маневри пред да слета на површината на Месечината.

Вселенското летало се состои од четири модули, вклучително и модул за влегување во Месечината, модул за слетување, роботски теренец и модул за полетување од Месечината.

Планот е роботот рачно да ископа речиси два метри под површината и од Месечината да донесе приближно два килограми тежок камен на Земјата. Вселенското летало треба да се врати во Кина по 23 дена, односно во средината на декември.

Кина на тој начин ќе влезе во друштво на САД и Русија, кои успеаја да ги реализираат мисиите за носење примероци од Месечината, и ова ќе биде прв ваков подвиг од 70-тите години на минатиот век.