Свет
Јапонија и НАТО ја зајакнуваат воената соработка

Официјални лица од Јапонија и воената алијанса на НАТО денеска се договорија за зајакнување на воената соработка.
Тие, исто така, се согласија да го зголемат спроведувањето на заедничките воени вежби, поради загриженоста дека руската воена операција во Украина го нарушува безбедносното опкружување во Европа и Азија.
Јапонскиот министер за одбрана Нобуо Киши на почетокот на средбата со претседавачот на Воениот комитет на НАТО, Роб Бауер, изјави дека Јапонија сака да ги зајакне врските со европските земји.
Тој додаде дека Јапонија го поздравува поширокиот ангажман на НАТО во индо-пацифичкиот регион.
„Безбедноста на Европа и Азија се тесно поврзани, особено сега кога меѓународната заедница се соочува со сериозни предизвици“, рече Киши.
Јапонското Министерство за одбрана објави и дека јапонски и американски борбени авиони спровеле заеднички вежби над Јапонското Море.
Кабинетот на премиерот Фуми Кишида го одобри планот кој предвидува зајакнување на одбранбените капацитети и зголемување на буџетските средства за одбраната во следните пет години.
Наведените причини се зголемените тензии во однос на Тајван и посветеноста на земјите од НАТО да потрошат два отсто од бруто домашниот производ за одбрана. Јапонија моментално троши нешто повеќе од еден процент од БДП за одбрана.
Планот предвидува развој на способности за превентивни напади и развој и зајакнување на вселенската, сајбер и електромагнетната одбрана. На состанокот со американскиот претседател Џозеф Бајден минатиот месец, Кишида изрази решеност да ги зголеми одбранбените способности на земјата.
Покрај сојузите со САД и другите земји од Индо-пацифичкиот регион, Јапонија веќе извесно време ја зајакнува воената моќ и соработката со европските земји, поради можна закана од Кина.
Премиерот Кишида беше поканет на самитот на НАТО кон крајот на јуни. Доколку присуствува, Кишида ќе биде првиот јапонски премиер што ќе го стори тоа. Во мај, јапонскиот началник на Генералштабот Коџи Јамазаки присуствуваше на состанокот на колегите од НАТО во Белгија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Доделена Нобеловата награда за хемија на тројца научници што работат во САД

Нобеловата награда за хемија за 2023 година им е доделена на Мунги Бавенди, Луис Е. Брус и на Алексеј Екимов за откривање и синтеза на таканаречените квантни точки.
Престижното признание за хемија за 2023 година им е доделена на тројца научници што работат во САД: Мунги Бавенди, Луис Е. Брус и Алексеј Екимов, соопшти Кралската шведска академија на науките во Стокхолм. Тројцата научници се наградени за откривање и развој на таканаречените квантни точки, наночестички, кои се толку мали што нивната големина ги одредува нивните својства.
„Овие честички имаат уникатни карактеристики и ја шират својата светлина од телевизиските екрани сè до ЛЕД-светилките. Тие катализираат хемиски реакции и нивната јасна светлина на хирурзите може да им го осветли туморското ткиво“, посочи Академијата.
Бавенди, Брус и Екимов создадоа важни основи за областа на нанотехнологијата во 80-тите и 90-тите.
Мунги Бавенди е француски хемичар со туниско потекло, професор на МИТ – Технолошки институт во Масачусетс, САД. Луис Е. Брус е американски професор по хемија на Универзитетот „Колумбија“, а Алексеј Екимов е руски физичар, кој работи во САД.
Свет
Словачка повторно воведува гранична контрола со Унгарија

Словачка најави дека повторно ќе воведе гранични контроли на границата со Унгарија со цел да се намали сè поголемиот број мигранти на нејзината територија, каде што само во септември беа регистрирани повеќе илегални мигранти отколку во минатата година.
Како што соопштија од Министерството за внатрешни работи на Словачка по денешната седница на владата, мерката стапува во сила од утре и ќе трае до 14 октомври.
Се наведува дека воведувањето контрола на границата со Унгарија „соодветствува на моментната закана и зависи од развојот на безбедносната ситуација“.
Оваа година таканаречената секундарна транзитна миграција од западнобалканската рута особено придонесе за илегалната миграција во Словачка, наведува словачката агенција.
Словачка од почетокот на годинава до 1 октомври регистрирала 39.688 илегални мигранти, што е 11 пати повеќе од истиот период лани.
Регион
„Кориера дела сера“: Меѓу загинатите во трагичната несреќа кај Венеција е лице од Хрватска

Како што пренесува италијанскиот „Кориере дела сера“, меѓу загинатите во автобуската несреќа кај Венеција е и едно лице од Хрватска.
Во автобусот имало двајца Хрвати. Наводно, се работи за млад брачен пар од Сплит или неговата околина.
Според сè уште непотврдени информации, почината е млада жена, а млад човек е опериран и се наоѓа во една од блиските болници.
Меѓу 21 загинат има петмина украински државјани, Германец, Французин и Италијанец.