Свет
Австрија на сириските бегалци им нуди 1.000 евра да се вратат дома

Австриската конзервативна објави дека на сириските бегалци им нуди „повратен бонус“ од 1.000 евра за да се вратат во земјата по падот на Башар ал Асад.
Канцеларот Карл Нехамер реагираше брзо на падот на Асад во неделата, велејќи дека безбедносната ситуација во Сирија мора да се преиспита за да се овозможи враќање на сириските бегалци.
„Австрија ќе ги поддржи Сиријците кои сакаат да се вратат во својата татковина со повратен бонус од 1.000 евра. На земјата сега и требаат нејзините граѓани да ја обноват“, рече Нехамер на „Икс“.
Враќањето на луѓето против нивна волја не е можно додека не стане јасно во кој правец ќе оди Сирија. Засега австриската влада најави дека ќе се фокусира на доброволно враќање. Исто така, престана да ги обработува барањата за азил, како и повеќе од десетина земји од ЕУ.
Како и другите конзервативни влади во Европа, Нехамер е под притисок на цврстата десница по прашањето на имиграцијата. Сиријците сочинуваат најголем број барања за азил во Австрија.
Колку Сиријци ќе ја прифатат понудата останува да се види. Бидејќи националниот авиопревозник „Аустриан ерлајнс“ ги прекина летовите кон Блискиот Исток поради безбедносната ситуација, австрискиот бонус може да не го покрие целосно патувањето.
Билетот во економска класа во еден правец до Бејрут, вообичаената појдовна точка за оние кои продолжуваат по копно кон Дамаск, моментално чини најмалку 1.066,10 евра на Туркиш ерлајнс, според веб-страницата на компанијата.
Австриската крајнодесничарска Партија на слободата беше победник на парламентарните избори во септември со 29 отсто од гласовите, но немаше коалициски партнер. Нехамер ги води коалициските преговори со социјалдемократите и либералите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Катар го прифати извинувањето на Нетанјаху

Катар го поздрави извинувањето и ветувањето на израелскиот премиер Бенјамин Нетанјаху дека Израел нема повторно да изврши напад врз Доха, соопшти Белата куќа.
Нетанјаху претходно денеска од Белата куќа телефонски разговарал со катарскиот премиер Мохамед бин Абдурахман Ал Тани, извинувајќи се за нападот насочен кон раководството на Хамас, со кој била нарушена катарската сувереност.
Во заедничкото соопштение беше потврдено дека е воспоставен „трилатерален механизам“ за подобрување на односите. Катарскиот премиер ги поздравил гаранциите од Израел, нагласувајќи ја подготвеноста на Доха за понатамошна соработка во интерес на регионалната безбедност и стабилност.
Свет
„Ројтерс“: Нетанјаху му се извинил на Катар за нападот врз Доха

Израелскиот премиер, Бенјамин Нетанјаху, се извинил на Катар поради израелскиот воздушен напад врз Доха од почетокот на месецов, во кој цел биле функционери на Хамас, јави „Ројтерс“.
Според извор близок до израелскиот премиер, тој телефонирал со катарскиот премиер Мохамед бин Абдурахман Ал Тани од Белата куќа, каде што во исто време американскиот претседател Доналд Трамп остварил контакт со Катар.
Извинувањето доаѓа во момент кога Нетанјаху престојува во Вашингтон на средба со Трамп. Главна тема е новиот мировен план од 21 точка, со кој се предвидува прекин на огнот, ослободување на израелските заложници и воспоставување ново управување со Газа без учество на Хамас.
Катар претходно го осуди израелскиот напад како „подмолен“ и „груб прекршок на меѓународното право“. Во исто време, Нетанјаху е под силен притисок да го прифати американскиот план кој ја исклучува анексијата на Западниот Брег и бара формирање нова палестинска влада.
Свет
Осомничениот во случајот со Медлин Мек Кен: „Вратете ми го животот!“

Кристијан Брукнер, осомничен во истрагата за исчезнувањето на Медлин Мек Кен, за првпат јавно проговори по излегувањето од затвор. Во интервју за „Скај њуз“ рече дека е жртва на „лов на вештерки“ и побара да му се врати нормалниот живот.
„Не се чувствувам слободен. Носам нараквица и под 24-часовен надзор сум. Сакам ова да престане и некој да преземе одговорност,“ изјави Брукнер.
Тој се обиде да влезе во канцеларијата на германскиот обвинител Ханс Кристијан Волтерс, кој претходно јавно тврдеше дека има докази дека Брукнер ја киднапирал и убил Медлин, иако призна дека тие не се доволни за подигнување обвинение.
Брукнер (49) неодамна беше ослободен по издржана казна за друго кривично дело. Германските медиуми јавуваат дека по неговото ослободување бил сместен во привремено живеалиште, но по јавниот притисок и протестите на граѓаните, бил преместен од градот Нојминстер.
На директно прашање дали има врска со исчезнувањето на британското девојче, Брукнер одговори дека по совет на адвокатите нема да зборува на таа тема.
Тригодишното девојче исчезна од апартмански комплекс во Праја да Луз во Португалија на 3 мај 2007 година, што предизвика истрага низ цела Европа и стана еден од најпознатите случаи на исчезнати лица. Нејзините родители вечерале со пријателите во блискиот ресторан додека таа и нејзините помали браќа и сестри близнаци спиеле во станот. Нејзината мајка Кејт открила дека Медлин ја нема околу 22 часот по локално време.
Случајот останува нерешен, но германските обвинители велат дека имаат докази кои сугерираат дека Брикнер можеби бил во областа кога исчезнала Медлин. Волтерс рече дека иако тој и другите обвинители не веруваат дека имаат доволно докази за формално да го обвинат Брикнер во случајот Меккен, нивните напори ќе продолжат.