Свет
Азербејџан: Резолуцијата на Франција за Нагорно-Карабах е провокативна

Резолуцијата изгласана во францускиот Сенат, со која се бара признавање на Нагорно-Карабах како независна земја, е пристрасна и провокативна, соопшти Министерството за надворешни работи на Азербејџан.
„Најпрво, би сакале да нагласиме дека предлог-резолуција за ’потребата за признавање на Република Нагорно-Карабах‘, усвоен од францускиот Сенат, беше директно поставена од страна на група отворено проерменски сенатори“, велат од Министерството.
Оттаму соопштуваат дека француските Ерменци го користат конфликтот во Нагорно-Карабах за изборни цели додавајќи: „Прифаќањето на комплетно пристрасна резолуција од Сенатот може само да се смета како провокација“.
Иако резолуцијата усвоена од Сенатот не е правно обврзувачка, Министерството соопшти дека тоа фрла сомнеж на неутралноста на земјата со посредувачка улога.
„Исто така, ја поткопува репутацијата на Франција како фер посредник во азербејџанското општество. Наместо да прифаќа пристрасни резолуции, вклучувањето на францускиот Сенат во активности што служат за мир, стабилност и напредок во регионот би одговарало на интересите на Франција и би довело до одржлив развој во регионот“, се додава во соопштението.
Францускиот Сенат вчера усвои резолуција која повикува на признавање на Република Нагорно-Карабах. Односите меѓу двете поранешни советски републики се тензични од 1991 година кога ерменската војска ги окупира Нагорно-Карабах, меѓународно призната територија на Азербејџан, и седум соседни региони. Новите судири избувнаа на 27 септември и завршија по шест недели кога беше постигнато примирје со посредство на Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Протести во Израел за прекин на огнот во Газа, блокиран главниот автопат во Тел Авив

Израелците денес излегоа на улиците на протести барајќи итно ослободување на заложниците и прекин на огнот во Газа.
Демонстрации и блокади на патиштата беа одржани во целата земја. Главниот автопат во близина на Тел Авив беше блокиран, а демонстрантите палеа гуми на патот северно од крајбрежниот град.
We are NOT our government!
Once again, this morning, Israelis flood the streets, blocking all major highways and blocking the homes of the war criminals – the illegal Israeli government.
End the war now!
Bring them home now!
Stop the atrocities in Gaza now! pic.twitter.com/w2E24VYp4j— Ami Dror 🇮🇱 עמי דרור (@AmiDror) August 26, 2025
Форумот на заложници и исчезнати семејства повика на разни протестни акции со слоганот „Израел стои заедно“. Голем протест е планиран за вечер на плоштадот во центарот на Тел Авив.
Демонстрантите го обвинуваат израелскиот премиер Бенјамин Нетанјаху за продолжување на војната од политички причини. Неговите крајнодесничарски коалициски партнери, од кои зависи неговиот политички опстанок, се спротивставуваат на прекинот на огнот.
Thousands of Israelis are blocking all major highways today demanding:
✊ End the war!
✊ Bring them home!
✊ End the Gaza atrocities!We are not our government!
🎥 Yair Palti pic.twitter.com/i4oaBM3zzj— Ami Dror 🇮🇱 עמי דרור (@AmiDror) August 26, 2025
Пред нешто повеќе од една недела стотици илјади Израелци изразија солидарност со заложниците за време на масовен протест.
Вкупно 50 заложници сè уште се држат во Појасот Газа, од кои се верува дека 20 се живи.
Исламистичката терористичка организација Хамас објави дека се согласила со новиот предлог за прекин на огнот поднесен од Египет и Катар, кои посредуваат во конфликтот.
Според медиумските извештаи, ова е ревидирана верзија на претходно договорениот предлог на специјалниот претставник на САД, Стив Виткоф. Планот вклучува 60-дневен прекин на огнот, во кој првично би биле ослободени десет живи заложници во замена за палестински затвореници.
Свет
Трамп ѝ се закани на Кина со царини од 200 проценти: „Мора да ни дадат магнети“

Американскиот претседател Доналд Трамп се закани дека ќе воведе царини од 200 проценти на увозот на кинески стоки доколку Пекинг не воспостави сигурни залихи на ретки земни магнети за САД.
„Тие мора да ни ги дадат магнетите. Ако не ни ги дадат магнетите, ќе мора да им наплатиме царина од 200 проценти или нешто слично“, рече Трамп во Белата куќа за време на состанокот со јужнокорејскиот претседател Ли Џе-мјунг.
Американскиот претседател призна дека ваквите екстремни мерки во пракса би ја запреле трговијата со Кина, додавајќи дека ова сценарио, доколку е потребно, би било прифатливо за САД.
Ретките земни метали се клучни суровини за модерната технологија и се користат во производството на мобилни телефони, ветерни турбини, електрични возила и воена опрема. Кина е водечки светски производител и преработувач на ретки земни метали, додека САД се потпираат на увоз.
Пекинг претходно го ограничи извозот на ретки земни метали и магнети поради трговската војна. Најновите коментари на Трамп се во остра спротивност со неговиот попомирувачки тон на почетокот на август, кога објави 90-дневно продолжување на трговското примирје со Кина.
Во мај, двете земји се согласија да ги суспендираат троцифрените тарифи за да го поттикнат дијалогот за трговијата, снабдувањето со ретки земни метали и пристапот до чипови за вештачка интелигенција. Кинеска делегација предводена од главниот преговарач Ли Ченгганг ќе отпатува во Вашингтон оваа недела за понатамошни разговори, објави „Волстрит журнал“.
Фото: принтскрин
Свет
Орбан: Зеленски ќе трпи долгорочни последици

Унгарскиот премиер Виктор Орбан изјави дека украинскиот претседател Володимир Зеленски ќе ги сноси последиците за неодамнешните напади врз гасоводот „Дружба“, кој ги снабдува Унгарија и Словачка.
Во објава на Фејсбук, Орбан истакна дека „Зеленски отворено ѝ се закани на Унгарија“ и призна дека нападот врз нафтоводот бил одговор на противењето на Будимпешта на членството на Украина во Европската Унија.
„Зеленски отворено ѝ се закани на Унгарија. Тој призна дека го гранатираат нафтоводот „Дружба“ затоа што не го поддржуваме нивното членство во ЕУ. Оттука следува дека Унгарците донеле правилна одлука. Зеленски ќе има долгорочни последици за зборовите што ги изговорил“, рече Орбан.
Фото: принтскрин