Свет
Амбасадорот на Израел во ОН ја напушти салата на ГС за време на обраќањето на Ердоган

Израелскиот амбасадор во ОН, Гилад Ердан, кој присуствуваше на средбите во живо во Генералното собрание на ОН, ја напушти салата во текот на обраќањето на турскиот претседател Реџеп Таип Ердоган, кој остро го критикуваше Израел, пренесува „Анадолија“.
Ердан ја напушти салата додека Ердоган во видеопораката по повод 75-годишнината од ГС на ОН говореше за израелската политика на угнетување, насилство и заплашување кон Палестинците. Ердоган во дел од обраќањето за Палестина потсети дека Израел и понатаму продолжува со напади и со насилство врз светиот град Ерусалим.
„Валканата рака што посега кон приватноста на Ерусалим, каде што коегзистираат светите места на трите големи религии, постојано ја зголемува својата дрскост. Палестинскиот народ повеќе од половина век се спротивставува на израелската политика на угнетување, насилство и заплашување.
По одбивањето на документот за предавство што на палестинската страна се обидоа да ѝ го наметнат како ‘договор на векот’, Израел ги забрза напорите тврдината да ја освои однатре со помош на своите соработници. Турција нема да даде поддршка на ниеден план на кој не се согласува палестинскиот народ“, рече Ердоган, зборувајќи за американскиот мировен план меѓу Израел и Палестинците, кој предвидува основање палестинска држава само во Газа.
Тој истакна дека некои земји во регионот му пружиле поддршка на Израел, со што отворено ги прекршиле основните норми на меѓународното право.
„Земјите кои изјавија дека имаат намера да отворат амбасади во Ерусалим, спротивно на резолуциите на ОН и меѓународното право, само дополнително го комплицираат конфликтот. Палестинското прашање може да се реши со воспоставување независна и суверена палестинска држава со Источен Ерусалим како главен град врз основа на границите од 1967 година. Барањето други решенија е залудна, еднострана и неправедна постапка“, рече турскиот претседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.