Свет
Американец во емисија рече дека е фашист, доби отказ од работа, сега собира пари
Мехди Хасан, британско-американски прогресивен новинар, доживеал неверојатен момент во дебатна емисија што ја водел во соработка со популарниот YouTube канал Jubilee.
Во расправа со 20 крајно десничарски учесници, се соочил со маж кој пред камерите отворено признал дека е фашист – и тоа без срам.
Дискусијата била фокусирана на прашањето дали претседателот на САД, Доналд Трамп, го прекршува Уставот. Наспроти Хасан седнал маж кој се претставил како „Конор“, појаснувајќи дека на интернет користи псевдоним. „Уставот е документ кој треба да ни служи. Кога престанува да ни служи, може да се измени. Законите можат да се менуваат“, изјавил Конор, релативизирајќи ги темелите на американската демократија.
Pinesap (@FeelsGuy2003) shares his experience on Jubilee and how his views caused him to lose his job🚨
👇Give Send GO Link Below👇 pic.twitter.com/SiecSE58mp
— RiftTV (@TheRiftTV) July 22, 2025
Потоа јасно рекол: „Искрено, ако Трамп е против Уставот – добро. И мислам дека треба да оди уште подалеку.“ Хасан му поставил логично прашање: дали тогаш и демократите можат да го менуваат или игнорираат Уставот кога се на власт? „Апсолутно не“, одговорил Конор. На прашањето дали верува во демократија, повторно одговорил: „Не.“ – „Во што тогаш веруваш?“ прашал Хасан. „Во автократија“, рекол Конор.
Ситуацијата дополнително се вжештила кога Конор почнал да го цитира Карл Шмит, германски политички теоретичар и член на Нацистичката партија, нарекувајќи го „супер кул“ и „одличен“. Хасан го прашал: „Дали си фан на нацистите?“ Конор одговорил: „Искрено, не ми е гајле ако некој ме нарече нацист.“
Конор подоцна бил прашан дали го осудува нацистичкиот прогон на Евреите, на што тој рекол: „Мислам дека имало прогон и такви работи, што е лошо.“ Хасан, згрозен, рекол: „Можеби треба да ја преименуваме емисијата, затоа што ти си нешто повеќе од крајно десен републиканец.“
„Што да кажам?“ смирено одговорил Конор. Хасан предложил: „Можеш да кажеш: ‘Јас сум фашист’.“ – „Да, сум“, се насмеал Конор. Кога некои од публиката почнале да аплаудираат, Хасан застанал и рекол: „Само гледам кој аплаудира, за да знам кој каде стои… Знаете дека милиони ќе го гледаат ова на YouTube и точно ќе видат кој се фашисти и нацисти.“
Неколку дена подоцна, Конор на социјалните мрежи објавил дека поради видеото добил отказ и дека отворил фонд за да собира пари додека не најде нова работа.
„За жал, искажување на целосно легални традиционални десничарски политички ставови резултира со вистински последици. Ова е социјално исклучување поради ставови (cancel culture) и политичка дискриминација во полн сјај“, напишал Конор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп повторно ги повлекува САД од УНЕСКО
Соединетите Американски Држави ќе се повлечат од културната и образовна агенција на Обединетите нации – УНЕСКО, а актуелниот претседател Доналд Трамп продолжува со повлекување на земјата од други меѓународни институции, кои долго време ги критикувал, изјавиле двајца европски дипломати.
Белата куќа веднаш не одговорила на барањето за коментар на „Ројтерс“ за овој потег.
Ова претставува удар за агенцијата со седиште во Париз, основана по Втората светска војна за промовирање мир преку меѓународна соработка во областа на образованието, науката и културата. И „Њујорк пост“ објави за повлекувањето на САД од УНЕСКО повикувајќи се на информации добиени од функционери на Белата куќа.
Трамп презеде слични чекори и за време на својот прв мандат. Тогаш САД исто така се повлекоа од Светската здравствена организација, Советот за човекови права при ОН, глобалниот договор за климатски промени и од иранскиот нуклеарен договор.
Одлуките што ги донесе Трамп беа поништени од неговиот претходник Џо Бајден, кој ја презеде функцијата во 2021 година, со што САД повторно станаа членки на УНЕСКО, СЗО и климатскиот договор. Но, со враќањето на Трамп во Белата куќа, САД повторно се повлекуваат од овие меѓународни агенции и тела.
Претходно, Трамп одлучи да ги повлече САД и од СЗО и да го прекине финансирањето на палестинската хуманитарна агенција УНРВА како дел од ревизијата на учеството на САД во агенциите на ОН, која треба да заврши во август.
УНЕСКО е најпозната по прогласувањето места со културно или природно светско наследство.
САД ѝ се приклучија на оваа меѓународна агенција веднаш во 1945 година кога таа беше основана, но првпат се повлекоа во 1984 година во знак на протест против наводно лошо финансиско управување и антиамериканските потези. Се вратија речиси 20 години подоцна, во 2003 година, за време на мандатот на претседателот Џорџ В. Буш, кој тогаш изјави дека агенцијата спровела потребни реформи.
САД моментно обезбедуваат речиси 8 проценти од вкупниот буџет на УНЕСКО во споредба со приближно 20 проценти кога Трамп првпат ги повлече САД од агенцијата.
Свет
Кремљ за мировните преговори со Украина: Не очекувајте чуда
Кремљ соопшти дека нема причина да се очекуваат чуда од предложената трета рунда директни руско-украински мировни преговори и одби да даде каква било временска рамка за потенцијален договор за прекин на војната.
Украинскиот претседател Володимир Зеленски во саботата изјави дека Киев испратил понуда до Москва да одржи уште една рунда мировни преговори во Турција оваа недела и дека сака да ги забрза преговорите за прекин на огнот.
„Нема причина да се очекува каков било напредок во категоријата чуда – тоа е тешко возможно во сегашната ситуација“, изјави портпаролот на Кремљ, Дмитриј Песков.
„Имаме намера да ги следиме нашите интереси, имаме намера да ги обезбедиме нашите интереси и да ги исполниме задачите што си ги поставивме од самиот почеток“, додаде тој.
Кога беше прашан дали може да даде индикација за тоа како Кремљ гледа на потенцијална временска рамка за можен мировен договор, Песков рече дека не може да даде никакви насоки за времето.
„Има многу работа што треба да се заврши пред да можеме да разговараме за можноста за состаноци на високо ниво“, додаде Песков еден ден откога Зеленски ја обнови поканата за средба со рускиот претседател, Владимир Путин.
Свет
Пилотот е виновен за најголемата авионска несреќа во Јужна Кореја, исклучил погрешен мотор
Истрагата за најсмртоносната авионска несреќа во Јужна Кореја откри дека пилотот исклучил погрешен мотор.
179 лица на летот „2216“ на „Џеџу ер“ загинаа кога авионот се урна во бариера додека се обидуваше да слета на меѓународниот аеродром „Муан“ во декември минатата година. Само стјуардесата и стјуардот преживеаа. Тоа беше принудно слетување по судир со јато птици.
На 29 декември пилотите пријавија удар со птица и издадоа повик за помош додека нивниот авион се приближуваше кон пистата. Снимката покажува авион „боинг 737-800“ како се лизга по пистата без опрема за слетување удирајќи во ѕид и експлодирајќи во огромна огнена топка.
BREAKING: Crash of Jeju Air Flight 2216 in South Korea caught on video pic.twitter.com/r49Wz6OMfh
— The Spectator Index (@spectatorindex) December 29, 2024
Два од моторите на авионот беа испратени во Франција во март на анализа. Неодамнешните наоди на Одборот за истрага на воздушни и железнички несреќи на Јужна Кореја открија дека пилотот го исклучил левиот мотор, кој немал дефекти, наместо десниот, кој бил тешко оштетен од ударот со птицата.
Објавувањето на резултатите од истрагата, закажано за минатиот викенд, беше одложено по протестите на семејствата на жртвите, кои беа запознаени со наодите. Семејствата на жртвите ги обвинија истражителите дека ја префрлаат вината на пилотот игнорирајќи ги другите фактори што придонеле за несреќата.
Сепак, семејствата на жртвите предупредија дека во извештајот не се споменува бетонската бариера на крајот од пистата за која тврдат дека предизвикала толку катастрофална несреќа.
Пилотскиот синдикат на „Џеџу ер“ исто така ги критикува резултатите од истрагата велејќи дека тие премногу се фокусирале на погрешната процена на пилотот и ги потценувале другите фактори што придонеле за несреќата. Извор запознаен со истрагата изјави за „Ројтерс“ дека истражителите нема да ги променат своите наоди бидејќи имаат „јасни докази и безбедносни податоци“.
По несреќата, Министерството за транспорт на Јужна Кореја во јануари објави дека ќе ги отстрани бетонските бариери на седум аеродроми. Во мај семејствата на жртвите поднесоа кривични пријави за небрежност против извршниот директор на „Џеџу ер“, Ким Е-Бае. Ким е меѓу 24-те лица против кои се води истрага за несреќата.
Фото: Принтскрин
Гори куќа во Кочани
Куќа се запали во центарот на Кочани. Како што јавува Радио Кочани, противпожарните екипи се на самото место. Засега не...
13 обвинети признаа вина за случајот со измамите со инвалидските пензии и туѓата нега – пресудена затворска казна
Тринаесет обвинети во предметот „Синдром“ склучија спогодби со Обвинителството и врз основа на тоа Основниот кривичен суд Скопје изрече пресуди, при...
Линеарното покачување на пензиите од 1.000 денари ќе стигне во Собранието пред да се распишат изборите, вели Мицкоски
Владата, на денешната седница, ќе го разгледа предлог-законот со кој пензиите, место процентуално, наесен и следната пролет ќе се покачат...
Македонец почина на плажа во Драч
Турист од Македонија почина вчера на плажа во Драч, Албанија. Инцидентот се случил вчера околу 19 часот во близина на...
Бронзен медал за македонскиот тим на Европската олимпијада во информатика
Македонските ученички информатичарки трета година по ред се оние што успешно ја претставуваат Македонија на меѓународните олимпијади по информатика. На...
Стабилизирана состојбата со пожарот во Преспа, но природата претрпе голема штета
Пожарот што го зафати Езерани во Преспа е ставен под контрола, информира Македонското еколошко друштво. Според нив, ноќта била релативно...
Шест пожари сè уште активни, 38 интервенции на отворено во изминатoто деноноќие
Во изминатите 24 часа, Центарот за управување со кризи (ЦУК) евидентирал вкупно 38 пожари на отворен простор низ земјата. Од...
Утре почнуваат нови преговори меѓу Украина и Русија
Нова рунда мировни преговори меѓу Украина и Русија е планирана за среда во Турција, изјави украинскиот претседател Володимир Зеленски цитирајќи...
„Влен“: Бујар Османи одржал 11 состаноци во Белград, 0 во Косово
„За само четири години како министер, Бујар Османи трчаше 11 пати на средби во Белград, а ниту еднаш во Приштина....
(Видео) Расте бројот на жртви во падот на воен авион во Бангладеш: причина за несреќата механички дефект
Најмалку 27 лица загинаа откако авион за обука на воздухопловните сили на Бангладеш се урна вчера во универзитетски и училишен...
(Видео) Синот на Бајден: Апчињата за спиење се виновни за дебаклот на дебатата со Трамп
Хантер Бајден во ново интервју изјави дека татко му, поранешниот американски претседател Џо Бајден, зел апче за спиење пред неговата...
(Видео) Автобус со рудари излета во 25-метарска бездна во Русија: 13 мртви, 20 повредени
13 лица загинаа, а 20 се повредени откако автобус што превезувал рудари паднал во провалија во далечната источна руска република...
Зголемена фреквенција на возила на ГП Табановце за влез и излез од државата
Сообраќајот на државните патишта се одвива по суви коловози. АМСМ известува дека денеска во време од 08:00–16:00 часот ќе биде...
Претежно сончево и многу топло, максималната температура до 42 степена
Времето денеска ќе биде претежно сончево и многу топло. Ќе дува слаб до умерен, а во западните делови повремено засилен...
ДУИ ги соопшти имињата за градоначалници и во Тетово и Желино, за Гостивар ќе чека предлог од Таравари, а за Струга од Села
Претседателот на Демократската унија за интеграција (ДУИ), Али Ахмети, свика редовна седница на Централното претседателство на партијата, на која беа...
Бујар Османи ја објави кандидатурата за градоначалник на Чаир: „Не се работи за функција“
Бујар Османи од Демократската унија за интеграција (ДУИ) денес официјално ја објави својата кандидатура за градоначалник на општина Чаир. Одлуката,...
Стабилизирана ситуацијата со пожарот кај Преспа, продолжува гаснењето во прилепско
Пожарот што избувна во близина на Преспанското Езеро е ставен под целосна контрола, информира директорот на Дирекцијата за заштита и...
Мицкоски предлага пет различни потрошувачки кошнички: Не се исти потребите на еден пар пензионери и на еден млад брачен пар
На првата седница Економско-социјалниот совет во кој ќе членуваат претставници на сите синдикати, ќе се разгледува нов начин на пресметување...
(Видео) „Во мандатот на Шукова во МЖСПП бевме труени со отровен мазут, СДС и Каја губат во првиот круг“, вели Манасиевски
„СДС И Каја Шукова губат во прв круг, во мандатот на Шукова во МЖСПП бевме труени со отровен мазут. Кој...
Зајкова: Ако некој пратеник мисли дека банките му се поважни од народот, нека излезе и нека каже – „гласав за банките, а не за народот”
Претседателката на Либерално-демократската партија (ЛДП) и пратеничка во македонското Собрание, Моника Зајкова, повторно, по трет пат ќе ги поднесе измените...
