Свет
Американската војска заплени пратка хероин од Иран вредна 80 милиони долари
Американската војска соопшти во средата дека во Оманскиот Залив запленила хероин во вредност од 80 милиони долари на рибарски брод, кој испловил од Иран, пренесува „Ал Арабија“.
Според соопштението на Централната команда на американските поморски сили (НАВЦЕНТ), пресретнувањето во средата го извршил кутер за брза реакција на американската крајбрежна стража.
Американскиот брод „Глен Харис“ е дел од Комбинираната оперативна група (КОГ)150, една од четирите оперативни единици, кои го формираат најголемото мултинационално поморско партнерство во светот.
Од НАВЦЕНТ соопштија дека на брод што транзитирал во меѓународни води по испловувањето од Чах Бахар, Иран, биле пронајдени 1.964 килограми хероин.
„Многу се гордеам на мојот екипаж и на сето она што успеавме да го постигнеме како тим оваа недела. Овде сме за да работиме со регионалните партнери и да ја прекинеме секоја дестабилизирачка поморска активност“, истакна командантот на бродот, поручник Ник Џебс.
Акцијата доаѓа само два дена по запленувањето пратка метамфетамин и хероин вредна 30 милиони долари во меѓународни води на брод што испловил од истото иранско пристаниште.
Претходната заплена на „Глен Харис“ на 8 мај вклучуваше 580 килограми метамфетамин и 35 килограми хероин.
„Глен Харис“ пристигна на Блискиот Исток минатата година како дел од контингентот американски кутери на крајбрежната стража, кои се распоредени во регионот како дел од патролните сили за Југозападна Азија.
Од 2021 до 2022 година американските и меѓународните поморски единици на Блискиот Исток заплениле нелегална дрога со вкупна вредност од 1 милијарда долари. Само годинава тие заплениле дрога со проценета улична вредност во САД од повеќе од 250 милиони долари.
Овие напори помагаат да се обезбеди легитимен комерцијален бродски транзит низ регионот, без закани од незаконски поморски ентитети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенечкиот премиер најави построги безбедносни мерки по убиството
Словенечкиот премиер Роберт Голоб најави засилување на безбедносните мерки и измени во казнената политика по смртта на 48-годишен маж во Ново Место, кој почина по напад, пренесе „Индекс“.
Во телевизиско обраќање, Голоб рече дека државата ќе направи сè за да ја заштити безбедноста на граѓаните, но предупреди дека „репресивните мерки нема да бидат популарни“.
Тој најави двојно зголемено полициско присуство во југоисточниот дел на земјата и рече дека сите институции – полицијата, обвинителството и судството – ќе добијат поголеми овластувања.
„Овој сторител не стана таков преку ноќ. Тој е производ на систем што не функционирал. За да го смениме тоа, ќе биде потребна цела генерација“, изјави Голоб.
Премиерот ги повика сите политички лидери да покажат одговорност и да не ја користат трагедијата за собирање политички поени.
Регион
Курти не успеа да формира влада
Лидерот на Движењето „Самоопределување“, Албин Курти, соопшти дека актуелната влада ќе продолжи да функционира до одржување на нови парламентарни избори, откако денеска во косовското Собрание не доби доволен број гласови за формирање нов кабинет, пренесе „Фонет“.
„Им благодарам на сите пратеници кои го поддржаа предлогот за новата влада и на граѓаните за поддршката. Бидејќи 56 гласа беа за, 52 против, а четворица воздржани, новиот мандат не може да започне. Во меѓувреме, како актуелна влада продолжуваме кон новите парламентарни избори“, напиша Курти на „Фејсбук“, пренесе „Косев“.
По гласањето, претседателот на Собранието, Димал Баџа, изјави дека одговорноста сега преминува на претседателката Вјоса Османи, која најави консултации со сите партии. Доколку не биде формирана влада, Османи ќе распише нови избори во рок од 40 дена.
Опозициските партии веќе порачаа дека нема да се обидат да формираат влада, бидејќи немаат мнозинство.
Свет
Гувернерот на Калифорнија сака да биде претседател на САД
Гувернерот на Калифорнија, демократот Гавин Њусом, изјави во интервју за „Си-Би-Ес“ дека сериозно размислува за кандидатура за претседател на САД во 2028 година, пренесе „Хина“.
Тој нагласи дека конечната одлука ќе ја донесе по изборите за Претставничкиот дом и Сенатот во 2026 година. „Да, би лажел кога би рекол поинаку“, рече Њусом на прашањето дали планира да се кандидира.
Како што потсетува агенцијата, Њусом оваа година ја зацврсти својата позиција во Демократската партија, особено поради честите судири со актуелниот претседател Доналд Трамп.
Инаку, според Уставот на САД, Трамп нема право на трет претседателски мандат.
Изборите за американскиот Конгрес ќе се одржат во ноември 2026 година.
California Gov. Gavin Newsom says he’s open to a presidential run.
The Democrat and frequent Trump critic said he’ll give serious thought to a White House bid after next year’s midterms. “I’d be lying otherwise,” Newsom said, adding that “fate will determine” his decision and a… pic.twitter.com/uD8OqNrnHE
— CBS Sunday Morning 🌞 (@CBSSunday) October 26, 2025

