Свет
Американската полиција насила влезе во венецуелската амбасада за отстранување на поддржувачите на Мадуро

Активистите кои го поддржуваат венецуелскиот претседател Николас Мадуро и кои ја окупираа Амбасадата на Венецуела во Вашингтон одбија да ги напуштат просториите и покрај заканите со апсење и насилното влегување на полицијата, која не успеа да ги истера сите, пренесува РТ.
„Очекуваме полицијата да влезе и да ја прекрши Виенската конвенција со нивната фиктивна влада која тврди дека треба да си заминеме. Подготвени сме да бидеме уапсени. Нема да си заминеме доброволно”, се вели во видеопораката од Колективот за цивилна заштита на амбасадата пред пристигнувањето на полицијата.
Најмалку четворица заштитници на амбасадата останаа во зградата дури и откако полицијата влезе и си замина, очигледно не успевајќи насилно да ги исели сите.
И покрај нивната решеност да ја бранат дипломатската мисија од нелегално запленување од страна на американскиот претставник Карлос Векио, назначен од Гваидо, многу активисти ја напуштија амбасадата очигледно уморни од опсадата во последните 34 дена и загрижени поради заканата со апсење.
„САД не го признаваат авторитетот на поранешниот режим на Мадуро и не дозволуваат некој од неговите поранешни претставници законски да влезе, да остане на овој имот или да преземе какви било дејства во врска со овој имот”, пишува на вратата од зградата.
Поради ќор-сокакот околу контролата врз зградата, заменик-министерот за надворешни работи на Венецуела за Северна Америка го потсети Вашингтон дека упадот ќе претставува прекршување на меѓународното право.
„Владата на Боливарската Република Венецуела не го одобри влезот на полицајци во поранешната зграда на Амбасадата во Вашингтон. Овој упад е уште едно кршење на меѓународното право од страна на американските власти и агресија против Венецуела “, рече Карлос Рон на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Украина им дозволува на мажите до 22 години да ја напуштат земјата

Украинската влада им дозволи на младите мажи под 22 години да ја напуштат земјата и покрај војната со Русија.
„Мажите на возраст од 18 до 22 години можат слободно да ја преминат границата за време на воена состојба“, објави денес украинската премиерка Јулија Свириденко на Телеграм.
Одлуката се однесува на сите регрути во таа возрасна група.
Одлуката е важна и за Украинците кои веќе се во странство од различни причини да не ја изгубат врската со својата татковина, напиша премиерката.
Министерот за внатрешни работи Игор Клименко објасни дека мерката има за цел да им даде на младите мажи повеќе можности да студираат во странство, за да можат да придонесат за развојот на земјата кога ќе се вратат.
По почетокот на руската инвазија на Украина пред три и пол години, украинскиот претседател Володимир Зеленски прогласи вонредна состојба што вклучуваше забрана за патување за сите мажи на возраст од 18 до 60 години можат да служат војска.
Исклучоците бараат посебни дозволи. Илјадници ја напуштија земјата за да избегнат одење на фронтот.
Новата одлука нема да влијае на тековната мобилизација. Според сегашниот закон, само мажи на возраст од 25 години и постари можат да бидат повикани во војна, додека помладите мажи можат да се пријават како волонтери.
фото: принтскрин
Свет
Џиновски портрет на Трамп поставен над зградата на Министерството за труд во Вашингтон

Огромен портрет на Доналд Трамп се појави вчера на фасадата на зградата на Министерството за труд во Вашингтон. На него е прикажан вториот инаугуративен портрет на Трамп, заедно со логото на неговата иницијатива „Америка 250“ и слоганот „Американските работници на прво место“, и се протега на три ката од зградата, објавува „Њузвик“.
Овој потег предизвика жестоки реакции на социјалните мрежи, при што многумина го споредија со практиките на тоталитарните режими. „Изгледа како нешто што сум го видел и претходно…“ напиша демократскиот конгресмен Џим Мекговерн на Икс, прикачувајќи слика од портрет на севернокорејскиот лидер Ким Џонг Ун и неговиот татко.
Looks like something I’ve seen before… https://t.co/Gji6C9Y2HZ pic.twitter.com/TflhW6Tzao
— Rep. Jim McGovern (@RepMcGovern) August 25, 2025
Политикологот Еван А. Фајгенбаум направи паралела со кинескиот диктатор, пишувајќи: „Силни вибрации од претседателот Мао“. Официјалниот профил на гувернерот на Калифорнија, Гевин Њусом, објави слика од луѓе кои се поклонуваат пред статуа на Мао со саркастичен натпис: „ВИ БЛАГОДАРАМ, СЛАВЕН ЛИДЕР!“
Strong Chairman Mao vibes. 万岁!!!! https://t.co/D9Q6J6npd2
— Evan A. Feigenbaum (@EvanFeigenbaum) August 25, 2025
Рој Нортон, вонреден доцент на Универзитетот во Ватерло, додаде свое набљудување: „Неодамна бев во Душанбе, Таџикистан (поранешната Советска Република). Постери од нивниот претседател (од 1994 година), Емомали Рахмон, исто така висат од владините згради таму“.
Авторитарните лидери долго време користеле портрети и транспаренти за проектирање на моќ, претворајќи ги јавните згради во алатки за лично величење. Во Советскиот Сојуз, лицето на Сталин доминираше во јавниот простор со децении, прикажувајќи го како сезнаечки и херојски лидер.
Критичарите се дополнително загрижени од фактот дека самиот Трамп си поиграл со идејата за диктатура во неколку наврати. Пред неговиот втор мандат, тој изјави дека ќе биде диктатор „уште од првиот ден“ на функцијата, а оваа недела посочи дека „многу“ Американци можеби ќе сакаат диктатор.
фото: принтскрин
Европа
Изгаснат е големиот пожар во пристаништето во Хамбург

Пожарникарите успеаја да го изгаснат огромниот пожар што вчера уништи магацин во северното германско пристаниште Хамбург, соопштија официјални лица.
Околу 120 пожарникари ги гасат преостанатите пламени, но најголемиот пожар на местото е изгаснат.
„Пожарот во големата сала сега е изгаснат“, изјави портпаролот на противпожарната бригада за ДПА, напладне.
Сè уште е премногу опасно да се приближи до центарот на пожарот, за кој се верува дека е предизвикан од запален автомобил во магацин.
„Имаше дополнителни експлозии предизвикани од резервоари за гас под притисок“, рече портпаролот, а областа засега останува блокирана.
Полициските истражители не беа во можност да започнат истрага на местото на настанот поради присуството на токсични гасови.
Шест лица беа првично повредени во пожарот што избувна вчера попладне во округот Ведел на југоистокот на Хамбург. Едно лице е во критична состојба, а друго е сериозно повредено.
Тројца пожарникари на местото на настанот беа последователно повредени од експлозии, а еден мотоциклист беше повреден од летечки остатоци на автопатот А1. Дваесет и пет лица беа спасени од областа, некои со брод.
Непосредната опасност од пожар беше дополнително зголемена од цилиндрите со гас под притисок складирани во магацин кои експлодираа по неколку часа, од кои некои беа фрлени неколку стотици метри во воздух и предизвикаа повеќе пожари во околината.
фото: принтскрин