Свет
Американски воздушни напади во Сирија

Синоќа, САД извршија два воздушни напада во Сирија против Иран и проиранските групи, објави Пентагон, како најнов одговор на серијата напади врз американските сили во Сирија и Ирак.
Во соопштението, американскиот министер за одбрана, Лојд Остин, наведува дека нападите биле насочени кон објект за обука во близина на градот Албу Камал и куќа во близина на градот Мајадин.
Тој рече дека нападите ги наредил претседателот Џо Бајден.
„Претседателот нема повисок приоритет од безбедноста на американскиот персонал и нареди со денешната акција да биде јасно дека САД ќе се бранат себеси, својот персонал и своите интереси“, се вели во соопштението на Остин.
Локалните извори исто така рекоа дека цел на нападот бил камп управуван од проирански милиции во област западно од Албу Камал, во провинцијата Деир ал-Зор. Вториот напад беше во близина на мост во близина на градот Мајадин, блиску до границата со Ирак и упориште на проиранските милиции, рекоа изворите.
Ова е трет американски напад од 26 октомври, додека САД се обидуваат да смират бран по бран беспилотни и ракетни напади врз американските војници во Сирија и Ирак, поттикнати од војната меѓу Израел и Хамас. Иран и неговите поддржувачи велат дека САД ја делат одговорноста за војната што Израел ја објави против палестинската милитантна група Хамас, која исто така е поддржана од Иран.
Силите поддржани од Иран ги нападнаа американските и коалициските трупи во Ирак и Сирија најмалку 40 пати во последните недели. САД имаат 900 војници во Сирија и уште 2.500 во соседен Ирак во мисија да ги советуваат и да им помагаат на локалните сили, кои се обидуваат да го спречат обновувањето на Исламската држава, која зазеде големи делови од двете земји во 2014 година, но подоцна беше поразена.
Американскиот функционер, кој сакаше да остане анонимен, рече дека нападите се случиле во изминатите неколку часа и додаде дека во тек е американска истрага за да се утврди дали некој е убиен или повреден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Свет
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Свет
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.