Свет
Американски конгресмен тврди дека во Венецуела има руско нуклеарно оружје

Американски конгресмен го шокира светот тврдејќи дека Русија тајно воспоставила база за нуклеарно оружје во Венецуела во екот на зголемените тензии во социјалистичката држава, пренесува „Дејли експрес“.
Шоканткото тврдење потсетува на кубанската ракетна криза за време на Студената војна кога за малку ќе избувнеше нуклеарна војна меѓу Русија и САД поради руските воени бази во Куба.
Републиканскиот конгресмен Марио Дијаз-Баларт го изјавил ова неколку дена откако претседателот на Венецуела, Николас Мадуро, го задуши обидот за државен удар од лидерот на опозицијата Хуан Гваидо.
Говорејќи на „Фокс њуз“, Дијаз-Баларт рече дека ако тврдењата се точни, постои ризик од нуклеарна војна во Америка, но не понуди конкретни докази за неговите тврдења. Тој посочи дека во Венецуела веќе има руска, кинеска, иранска војска и припадници на Хезболах, кои би можеле да ја искористат земјата како платформа за напад врз САД.
На прашањето дали верува дека Владимир Путин ќе ги нападне САД, Дијаз-Баларт рече:
„Најблиску бевме до нуклеарна војна кога Русите поставија нуклеарни проектили во Куба“.
Карлсон продолжи прашувајќи: „Сакате да кажете дека Русите ќе постават нуклеарни проектили во Венецуела?“
Дијаз-Баларт одговори: „Сакам да кажам дека тие се веќе таму“.
Тој посочи дека тековната криза е отворена врата за Русите и за Кинезите и за другите да ја зголемат својата активност против американскиот национален интерес.
И покрај недостигот на докази, руската војска приземји бомбардери носачи на нуклеарно оружје во Венецуела во декември 2018 година, но нема информации дека тие биле опремени со нуклеарни бомби.
Претходно, денес, Гваидо изјави дека размислува да побара од САД воена интервенција во земјата. Говорејќи за Би-би-си, тој рече дека ќе ги процени сите опции за соборување на претседателот Николас Мадуро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Орбан: Само Трамп и Путин можат да го намалат ризикот од Трета светска војна

Унгарскиот премиер, Виктор Орбан, повторно проговори за обидите да се запре војната меѓу Русија и Украина.
Орбан, долгогодишен сојузник на Владимир Путин, рече дека „ризикот од Трета светска војна може да се намали само со средба меѓу Трамп и Путин“.
Во исто време, тој му противречеше на претседателот на Европскиот совет, Антонио Коста, кој претходно изјави дека процесот на членство на Украина во ЕУ треба да се забрза.
„Потврдено е дека членството на Украина во Европската унија не обезбедува безбедносни гаранции; затоа, поврзувањето на членството и безбедносните гаранции е непотребно и опасно“, напиша Орбан на социјалните медиуми.
Тој додаде дека Унгарија ги поздравува чекорите договорени во разговорите меѓу Трамп и Путин и го поддржува продолжувањето на преговарачкиот процес, со акцент на одржување на втора средба меѓу претседателите на САД и Русија.
„Исто така, на дневен ред ја држиме унгарската иницијатива Унијата да предложи одржување на европско-руски самит што е можно поскоро“, рече Орбан.
Свет
Швајцарија му нуди имунитет на Путин ако дојде на мировна конференција

Швајцарија ќе му понуди имунитет на рускиот претседател Владимир Путин, и покрај неговото обвинение во Меѓународниот кривичен суд, под услов да присуствува на мировна конференција, изјави швајцарскиот министер за надворешни работи Игнацио Касис.
Минатата година, федералната влада дефинираше правила за давање имунитет на лице за кое е издадена меѓународна потерница.
„Ако тоа лице дојде на мировната конференција, а не од приватни причини“, рече Касис на прес-конференција со италијанскиот колега Антонио Тајани во Берн.
Францускиот претседател Емануел Макрон ја спомена можноста за мировен самит меѓу Владимир Путин и неговиот украински колега Володимир Зеленски да се одржи во Европа, и тоа би била една од неутралните земји, можеби Швајцарија. Тој додава дека се залага тоа да биде Женева, инаку и европското седиште на ОН.
Касис е целосно подготвен да организира таков состанок, истакнувајќи ја швајцарската експертиза во оваа област. Сепак, тој додава дека Русија е навредена од Швајцарија.
Имено, таа инаку неутрална европска земја одлучи да воведе санкции кон Москва во согласност со Европската Унија по руската инвазија на Украина во 2022 година.
„Постојано потсетував на мојата подготвеност (да организирам состаноци) за време на контактите со рускиот министер за надворешни работи Сергеј Лавров во последните месеци (…) Ми беше кажано дека откако Швајцарија усвои европски санкции, тие природно изгубија дел од желбата да го сторат тоа во Швајцарија“, призна шефот на швајцарската дипломатија.
Свет
Меланија ми рече дека е апсолутно прекрасно – Трамп за писмото што му го предаде Зеленски

Претседателот на САД, Доналд Трамп, во интервју за „Фокс њуз“ изјави дека намерно не го прочитал писмото што му го предаде украинскиот претседател Володимир Зеленски вчера.
Зеленски за време на состанокот во Овалната соба му даде на Трамп писмо од неговата сопруга, адресирано до Меланија Трамп.
Ова се случи откако првата дама на Соединетите Американски Држави му напиша писмо на Путин.
Зборувајќи за писмото на Олена Зеленска, Трамп изјави за „Фокс њуз“ дека било запечатено. „Меланија ми рече дека е апсолутно прекрасно писмо“, рече тој.
„Сигурен сум дека е прекрасно писмо“.