Свет
Американски службеник во историска посета на Тајван, Кина испрати воени авиони

Претставникoт на американската влада ја пофали демократијата на Тајван и успехот во борбата против коронавирусот на состанокот со водачот на земјата за време на историската посета, која Кина ја прогласи за закана за мирот.
Министерот за здравство, Алекс Азар, е во тридневна посета на Тајпеј, која е највисока посета на американски службеник од 1979 година кога Вашингтон ја призна Кина наместо островот.
Посетата е во моментот кога односите меѓу САД и Кина минуваат низ подеми и падови, а двете страни се судираат за низа прашања од трговијата, преку воени и безбедносни теми до пандемијата на коронавирусот.
Кина го смета Тајван како дел од својата територија и најави дека еден ден ќе го анектира.
Пекинг ја осуди посетата на Азар и повика на нејзино откажување.
Во понеделникот наутро, Азар се состана со претседателката Цаи Инг-вен, која се залага за признавање на островот како суверена држава и која е презрена од кинеското раководство.
„Одговорот на Тајван на Ковид-19 е меѓу најуспешните во светот и претставува признание за отворената, транспарентна, демократска природа на тајванското општество и култура“, ѝ рече Азар на Цаи.
Цаи им се заблагодари на САД за поддршката да бидат дел од Светската здравствена организација (СЗО) затоа што Пекинг го блокира членството на Тајван.
Азар ги отфрли критиките од Кина за посетата на Тајван.
Тајван е многу успешен во спречувањето на епидемијата поради успешно следење на контактите и строгите контроли на границата и има регистрирано помалку од 500 заразени и седум смртни случаи од Ковид-19.
Кинеските воздухопловни сили за кратко време ја преминаа средната линија на Тајванската Теснина, објави тајванската влада.
Кина, која се закани со нејасна одмазда поради посетата, кратко испрати борбени авиони „Ј-11“ и „Ј-10“ на тајванската страна на теснината околу 9 часот наутро непосредно пред средбите на Азар и Цаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.