Премиерот на Украина, Денис Шмихал, денеска изјави дека Русија постојано ја напаѓа гасната инфраструктура на Украина за да ја остави без сопствен гас бидејќи таа речиси секој ден лансира ракети врз производните капацитети.

Шмихал истакна дека нападите, иако сериозни, се под контрола на украинските власти, благодарение на напорите на енергетската служба, пренесе „Укринформ“.

„Непријателот не престанува да се обидува да ја уништи нашата гасна инфраструктура. Ги гаѓаат рударските капацитети со ракети. Нападите се случуваат речиси секој ден, но и покрај тоа, енергетската ситуација е под контрола“, рече Шмихал на владиниот состанок, пренесува „Танјуг“.

Тој особено ги истакна нападите на југот на Украина, вклучително и градовите Миколаев, Херсон и Одеса, кои останаа без струја и греење поради руските напади.

Шмихал додаде дека сите релевантни сектори и енергетски експерти постојано работат на поправка на оштетената опрема, а нападот врз гасната инфраструктура го извршила Русија синоќа.

Италија има најстаро население во Европа, а просечната возраст во таа земја е 48,7 години, објави денеска Евростат.

Во соопштението се наведува дека тоа е четири години повеќе од просечната возраст во Италија во периодот од 2014 до 2024 година.

Се нагласува дека просечната возраст на населението во ЕУ е 44,7 години, што е за 2,2 години повеќе од 2014 година, пренесе АНСА.

Евростат наведува дека Ирска има најмлада популација во Европа, каде што просечната возраст е 39,4 години. Се наведува дека стареење на населението е забележано во сите земји на ЕУ, со исклучок на Малта, каде што просечната возраст на населението е намалена за 0,7 години, и Германија, каде што е намалена за 0,1 година, пренесува „Танјуг“.

Стареењето на населението е поизразено во Грција, Италија, Португалија и во Словачка со просечен пораст од четири години, а просечната возраст на Кипар, во Шпанија и во Полска е зголемена за 3,8 години, соопшти Евростат.

Петицијата со која се бара забрана на песните на руски јазик на стриминг-платформите во Украина собра 25.000 потписи и ќе биде разгледана од владата на земјата.

Петицијата беше објавена на 17 февруари, а нејзиниот автор тврди дека песните на руски може да носат пораки што му наштетуваат на украинскиот идентитет, пренесе „РИА новости“.

Предлог-законот бара блокирање на песните на руски јазик на платформи, како што се „Епл мјузиј“и „Спотифај“.

Како алтернатива се нудат песни на други јазици.