Свет
Анкета на израелска телевизија: Популарноста на сите лидери во војната расте, Нетанјаху е исклучок

Анкета на израелскиот Канал 12 открива дека коалицијата предводена од Бенјамин Нетанјаху, која освои 64 места на изборите во ноември минатата година, ќе се намали на само 45 места доколку изборите се одржат денеска. Кнесетот се состои од 120 членови, пишува „Тајмс оф Израел“.
Според анкетата, партиите јасно насочени против Нетанјаху, таканаречените партии на „промена“, би освоиле 70 пратенички места, додека преостанатите пет места ќе му припаднат на сојузот Хадаш-Тал. Истражувањето покажа дека Партијата за национално единство на Бени Ганц ќе освои 36 места, значително повеќе од 17-те места на Ликуд на Нетанјаху.
Канал 12 призна дека е невообичаено да се спроведе изборна анкета за време на војна. Забележале и дека популарноста на премиерите, или воопшто на лидерите, во повеќето случаи се зголемува за време на војните, додека ова истражување го покажало спротивното. Анкетата е спроведена на 502 испитаници.
Анкетарите проверуваа и што ќе се случи доколку Нафтали Бенет се врати во политиката како шеф на партијата. Според нив, во тој случај Националното единство би освоило 25 пратенички места, додека партијата на Ликуд и Бенет би освоила по 17 места. На прашањето кој е нивниот омилен премиер, испитаниците го фаворизирале Ганц, а не Нетанјаху, со 41-25 отсто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Полска ја затвора вратата; „Не им верувајте на Путин и Лукашенко, тие ве лажат“

Полскиот премиер Доналд Туск денеска најави „информативна кампања“ во седумте земји од кои доаѓаат повеќето мигранти за да ги спречат да влезат во Полска преку Белорусија.
Поради оваа миграција, која, по Варшава, беше оркестрирана од Минск и Москва, на крајот на март, Полска го ограничи правото на азил на странците по пристигнувањето на границата со Белорусија.
Туск исто така рече дека „илјадници војници, граничари и полицајци, камери и дронови го следат секој метар од границата 24 часа на ден“.
Туск не прецизираше во кои земји ќе се одвива „информативната кампања“ што ја најави.
Најголем дел од мигрантите кои сакаат да влезат во Полска се од Блискиот Исток и Африка.
„Нашата порака ќе биде едноставна: полската граница е затворена! Не им верувајте на шверцерите, не верувајте му на белорускиот претседател Лукашенко, не му верувајте на Путин! Ве лажат кога велат дека ова е патот до Европа. Тоа не е точно! рече Туск.
Според полските граничари, повеќе од 30.000 луѓе се обиделе илегално да ја преминат границата со Белорусија во 2024 година.
Полска постави метална гранична ограда висока пет метри со софистицирани уреди за надзор и распореди илјадници војници по неа.
Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Свет
Хотелите во Британија сo заканa дека ќе избркаат стотици баратели на азил

Хотели во Велика Британија се закануваат со бркање на стотици баратели на азил откако не ја добиле договорената исплата од сместувачката компанија „Stay Belvedere Hotels“ (SBHL), објавија британските медиуми.
Хотелите, претежно во лондонската област, најавија дека минатиот месец требало да добијат исплати од СБХЛ за сместување на баратели на азил, објави британски „Телеграф“.
Британското Министерство за внатрешни работи минатиот месец го отповика договорот на SBHL поради наводни неправилности.
Се проценува дека моментално има околу 38.000 баратели на азил сместени во хотели во Велика Британија.
Британското Министерство за внатрешни работи одвојува 5,5 милиони фунти дневно за нивно сместување, пренесува Танјуг.